- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჩოგბურთი
ლეგიონერები - ოთხი ქართული ლელო ევროპაში
<p>გასული უიქენდი ქართველი ლეგიონერებისთვის წარმატებული აღმოჩნდა. ჩელენჯ თასზე ორმა ჩვენებურმა სამი ლელო გაიტანა, ერთმა 9 ქულა მოიხვეჭა, ერთი ლელო კი პრო დე2-ში გავიდა.</p><p>ჩემპიონთა თასზე სამმა, ხოლო ჩელენჯ ქაფზე 15-მა ქართველმა ითამაშა.</p><p><strong>ლობჟანიძის დუბლი და გორგაძის ლელო</strong></p><p><p><p>ჩემპიონთა თასის პირველ ჯგუფში "ლიონი" "ბენეტონს" იტალიაში ეწვია და 22:25 დამარცხდა. ფრანგთა განაცხადში იყო კვაჭი ბადრი ალხაზაშვილი, თუმცა მას თამაშში ჩართვა არ მოუწია.</p></p></p><p>მესამე ჯგუფში "კლერმონმა" ინგლისურ "ბათს" უმასპინძლა, 52:26 დაამარცხა და 16 ქულით მეორე ადგილზეა. მასპინძელთა სასტარტო შემადგენლობაში იყო და 48 წუთი ითამაშა ბურჯმა დავით ზირაქაშვილმა. მისი შეცვლისას ანგარიში 45:14 იყო. "კლერმონი" 11 იანვარს "ალსთერს" მასპინძლობს, რომელიც მას 1 ქულით უსწრებს.</p><p>მეხუთე ჯგუფში "მონპელიემ" "ტულუზი" მიიღო და ფრანგულ დერბიში 18:26 დამარცხდა. სრულად ითამაშა მეორეხაზელმა კოტე მიქაუტაძემ და ბურთით ხელში 7 შეტევით ჯამში 16 მეტრი მოიგო, ხოლო დაცვაში 14 ბოჭვა შეასრულა. თამაშში 57-ე წუთიდან ჩაერთო მიხეილ ნარიაშვილი.</p><p>ჩელენჯ ქაფის პირველ ჯგუფში "ენისეი" "კასტრს" საფრანგეთში მედგრად ეომა და 63-ე წუთისთვის ანგარიში 10:10 იყო, თუმცა მერე ორი ლელო გაუშვა. სტუმართა ძირითადში ხუთი ჩვენებური იყო. მიხეილ გაჩეჩილაძემ სრულად ითამაშა და დაცვაში ყველაზე ბევრი, 18 ბოჭვა შეასრულა, 8 შეტევით კი 7 მეტრი მოიგო. შეუცვლელად ითამაშა დავით მესხმაც და 3 შეტევით 12 მეტრი მოიგო, ხოლო დაცვაში 6 ბოჭვა შეასრულა.</p><p>დავით კაჭარავამ მოედანზე 70 წუთი გაატარა და დაცვაში 7 ბოჭვა მოაგროვა, შეტევაში ბურთი ორჯერ წაიღო და 6 მეტრი მოიგო. 63 წუთი ითამაშა ნიკოლოზ ხატიაშვილმა და 5 შეტევით 5 მეტრი მოიგო. მის ანგარიშზე 11 ბოჭვაა. 63 წუთი ითამაშა და ასევე 11 ბოჭვა შეასრულა ნიკოლოზ სუხაშვილმა. მას "ენისეის" შემადგენლობაში პირველი მატჩი ჰქონდა და აქტიურობდა შეტევაშიც. სუხაშვილმა ბურთი 11-ჯერ წაიღო და 16 მეტრი მოიგო. მან ასევე 5 თერნოვერი შეასრულა.</p><p>"ტულონმა" ზედიზედ მეოთხე შეხვედრა მოიგო და 17 ქულით მეორე ჯგუფს ლიდერობს. ამჯერად ფრანგები "ლონდონ აირიშს" ინგლისში ეწვივნენ და 26:20 დაამარცხეს. ფრანგთა სასტარტო შემადგენლობაში იყო და 62 წუთი აქტიური იყო ბექა გიგაშვილი. მან 10 შეტევით ჯამში 23 მეტრი მოიგო და დაცვაში 12 ბოჭვა შეასრულა.</p><p>ამავე ჯგუფში "ბეიონი" "სკარლეტს" უელსში ეწვია და 5:46 დამარცხდა. სტუმართა სასტარტო შემადგენლობაში პირველად ითამაშა იოანე იაშაღაშვილმა. ის შეუცვლელად გაისარჯა და 10 შეტევით 20 მეტრი მოიგო, ხოლო დაცვაში 11 ბოჭვა შეასრულა.</p><p><p><p>მესამე ჯგუფს 17 ქულით ქართველების "ბორდო" ლიდერობს, რომელმაც მეოთხე ტურში "აჟენი" ბონუსით, 33:6 დაამარცხა. "ბორდოს" სასტარტო შემადგენლობაში სრულად ითამაშა ბექა გორგაძემ და 63-ე წუთზე თავისი გუნდის მეოთხე ლელო სწორედ მან გაიტანა. ბექამ ბურთით ხელში 12-ჯერ შეუტია და 27 მეტრი მოიგო, დაცვაში კი 10 ბოჭვა შეასრულა. მასპინძელთა შორის შეცვლაზე 53-ე წუთიდან ითამაშა ბურჯმა ლაშა ტაბიძემ. მან 6-ჯერ მიიღო ბურთი და ის 2 მეტრით წინ წასწია, ხოლო დაცვაში 5 ბოჭვა შეასრულა. "აჟენის" ძირითადში იყო და 53 წუთი ითამაშა გიორგი თეთრაშვილმა. მის ანგარიშზე 6 ბოჭვაა.</p></p></p><p><p><p>"ბრივმა" მეოთხე ჯგუფში იტალიურ "ძებრეს" უმასპინძლა და ქართველების 19 ქულით 24:10 დაამარცხა. ვასილ ლობჟანიძე სასტარტო შემადგენლობაში იყო, 58 წუთი ითამაშა და ორი ლელო გაიტანა. მე-17 წუთზე მან მოლიდან გადმოვარდნილი ბურთი აიტაცა და ლელოში მოკლე ფრთაზე შეხტა, ხოლო 43-ე წუთზე შეტევას კარგად მიჰყვა და ლელოთი დააგვირგვინა. სულ მან ბურთით 5-ჯერ შეუტია და 30 მეტრი მოიგო, 38 პასი გასცა, დაცვაში კი 4 ბოჭვა შეასრულა.</p><p>სრულად ითამაშა მგეზავმა თედო აბჟანდაძემ და სამივე გარდასახვა გაიტანა, ასევე, ერთი ჯარიმა. მან 5-ჯერ შეუტია და 9 მეტრი მოიგო, 12 პასი გააკეთა და 7 ბოჭვა შეასრულა. ძირითად შემადგენლობაში იყო და 30-ე წუთზე შესაცვლელი შეიქნა ახალგაზრდა ბურჯი ლუკა ჯაფარიძე. მან 7 შეტევით 8 მეტრი მოიგო და 5 ბოჭვა შეასრულა. თამაშში 56-ე წუთიდან ჩაერთო ოთარ გიორგაძე, რომლის ანგარიშზე 10 შეტევით მოგებული 19 მეტრი, 3 პასი და 4 ბოჭვაა.</p><p>ამავე ჯგუფში "სტად ფრანსემ" ინგლისურ "ბრისტოლს" უმასპინძლა და 77-ე წუთზე გაშვებული ლელო-გარდასახვით 16:18 დამარცხდა. პარიზელთა ძირითადში იყო და 57 წუთი ითამაშა ბურჯმა გიორგი მელიქიძემ. მან 4 შეტევით 15 მეტრი მოიგო და 3 ბოჭვა შეასრულა.</p><p><strong>სუთიაშვილის ერთადერთი ლელო</strong></p><p>პრო დე2-ის მე-14 ტურში "ბიარიცმა" "გრენობლს" უმასპინძლა და 33:7 დაამარცხა. პირველ ტაიმში შერკინებებში ერთმანეთის პირისპირ ქართველი ბურჯები იდგნენ. დავით ქუბრიაშვილი მე-40 წუთზე სინბინით დასაჯეს და მას შემდეგ მოედანზე აღარ დაბრუნებულა. "ბიარიცის" შემადგენლობაში სრულად ითამაშა გიორგი ნუცუბიძემ.</p><p>"ანგულემმა" "პროვანსს" უმასპინძლა და 19:15 დაამარცხა. შეხვედრის ერთადერთი ლელო ძალისმიერ სტილში შალვა სუთიაშვილმა 64-ე წუთზე გაიტანა. მან შეუცვლელად ითამაშა. მასპინძელთა რიგებში შეცვლაზე მეორე ტაიმში შევიდა ლუკა გოგინავა. სტუმართა ძირითადში იყო და შესვენებისას შეცვალეს სტუმართა ბურჯი ზაზა ნავროზაშვილი.</p><p>"ორიაკმა" ლიდერი "ოიონა" მიიღო და 15:12 დაამარცხა. მასპინძელთა შორის სამმა ქართველმა ლეგიონერმა ითამაშა. ლუკა ნიორაძე, გიორგი ჯავახია და გიორგი ქართველიშვილი შეცვლაზე მე-60 წუთზე შევიდნენ. ნიორაძისთვის ეს პრო დე2-ში სადებიუტო შეხვედრა იყო.</p><p>"ნევერი" "მონ-დე-მარსანს" ეწვია და 11:6 დაამარცხა. გამარჯვებულთა შორის თორნიკე მატარაძემ და ილია კაიკაციშვილმა 52-ე წუთიდან ითამაშეს. სტუმრებმა გამარჯვების ორი ჯარიმა სწორედ ამის შემდეგ გაიტანეს.</p><p>"რუენმა" "ვანს" უმასპინძლა და 29:15 დაამარცხა. მასპინძელთა შორის შუამარბად სრულად ითამაშა თამაზ მჭედლიძემ. ის მე-17 წუთზე სინბინით დაისაჯა. მჭედლიძემ ახალი გუნდის რიგებში მესამედ ითამაშა და პირველი გამარჯვება იზეიმა.</p><p>"ვალანსმა" "პერპინიანს" უმასპინძლა და მინიმალური სხვაობით, 28:29 დამარცხდა. მასპინძელთა ძირითადში იყო და 54 წუთი ითამაშა ბურჯმა მირიან ბურდულმა.</p><p>ინგლისურ "ლონდონ სქოთიშში" მეორეხაზელი ნოდარ ჭეიშვილის დებიუტი შედგა. მისი გუნდი ჩემპიონშიფის თასზე სტუმრად "პაირეტს" ეთამაშა და "ბორჯღალოსანი" სასტარტო შემადგენლობაში იყო. პირველი ტაიმის ფრედ დასრულების შემდეგ, მასპინძლებმა 29:14 იმარჯვეს.</p></p></p><p><p><p><strong>მომზადებულია rugby.ge-ს მიხედვით</strong></p></p><br></p>
ბექა საღინაძის ლელოთი ჩელენჯ თასის ფინალში!
RugbyPass-ის ინტერვიუ დავით ნინიაშვილთან - "საქართველო 2027 წლის მსოფლიო თასზე მეოთხედფინალში გავა"
შერმადინის 8 ქულა და "ტენერიფეს" გამარჯვება "სარაგოსასთან"
"მათ კომპლექსები არ გააჩნიათ" - ლაპორტა "ბარსელონას" ფეხბურთელებზე
[VIDEO] ბრწყინვალე იამალის გოლი და საგოლე პასი - "ბარსელონა" ვადამდე გახდა ჩემპიონი
მოურინიოს პორტუგალიის ნაკრების მწვრთნელად არ დანიშნავენ
"ესპანელი ბიჭუნა ხარ" - მახაჩევმა თოფურიას მიმართა
"რეალისთვის" ყველაფერი გავაკეთე" - კარლო ანჩელოტი
სუპერლიგის ფინალურ სერიაში "ქუთაისი" და თსუ შეერკინებიან
ფეხბურთელი, რომელმაც კვარასთან ერთად სკუდეტო მოიგო, სერია C-ში ითამაშებს
"დე ბრუინს "ნაპოლის" შესახებ ეს უთხრეს" - ცნობილმა იტალიელმა ჟურნალისტმა ბელგიელზე ისაუბრა
"ქართული ფეხბურთის ხარისხი იზრდება და ეს შთაგონება სხვა პატარა ქვეყნებისთვისაცაა" - სავიოლა ლეგენდების მატჩის წინ
"იცით, "ალავესის" ფეხბურთელმა რა მითხრა?" - მამარდაშვილი
უარი "ლივერპულს" და "ჩელსის" - ალონსოს ინიციატივით "რეალმა" პირველი ტრანსფერი შეათანხმა
[VIDEO] "გოლდენ სტეიტი" პლეი-ოფს გამოეთიშა - "მინესოტა" კონფერენციის ფინალშია
[VIDEO] ლობჟანიძემ MLS-ში საგოლე პასი შეასრულა
[VIDEO] ოსიმენის ისტორიული რეკორდი - ნიგერიელმა "გალათასარაის" თასი მოაგებინა
სკანდალი. "მსაჯი რეციდივისტი და მძარცველია - მამარდაშვილის მომენტის გამო პენალტი არ უნდა დანიშნულიყო" - ესპანური მედია
[VIDEO] მამარდაშვილის მოგერიებები, "აკიდებული" პენალტი და "ვალენსიას" ათმატჩიანი წაუგებელი სერიის შეწყვეტა
საფრანგეთში რეფორმა იგეგმება, რათა პსჟ ვადამდე არ გახდეს ჩემპიონი
პსჟ ორი ფეხბურთელის შეძენას აპირებს და დაცვის ეკვადორული ცენტრი ეყოლება
"შახტარს" "ნაპოლის" მიერ სუდაკოვში შეთავაზებული თანხა ეცოტავა
საქართველოს ნაკრების ფეხბურთელმა შეიძლება ესპანური კლუბი დატოვოს
რაგბი ევროპა | მზადება ნიდერლანდებისთვის, ბექა გორგაძესთან ერთად
რიჩარდ ქოქრილი: ვაშენებთ გუნდს, რომელმაც 2027 წლის მსოფლიო თასზე 1/4-ფინალში გასვლისთვის უნდა იბრძოლოს
საქართველოს ნაკრების "უხუცესი" მორაგბე: უელსთან მატჩს ენერგიით სავსენი ვხვდებით
ვასილ ლობჟანიძე: ფინალს ყოველთვის ახლავს სირთულეები
ლეგიონერები | 31 ქულა საფრანგეთში
შალვა სუთიაშვილმა სანაკრებო კარიერა დაასრულა
ბექა გორგაძე: ფინალის მოსაგებად დამატებითი მოტივაცია არ გვჭირდება
ლეგიონერები | ლობჟანიძე სანაკრებო შეკრებაზე ლელოთი მოდის
ვასილ ლობჟანიძე - "ბორჯღალოსნების" 35-ე კაპიტანი!
ტოპ 14: გიორგაძის ლელო და აბჟანდაძის 11 ქულა
საახალწლო საჩუქარი ლეგიონერებისგან - ხუთი ლელო საფრანგეთიდან
რაგბი. ლეგიონი: ორი ქართული ლელო და დებიუტი [VIDEO]
თედო აბჟანდაძე: შესაძლოა, გულშემატკივარი ვერც აცნობიერებს, რამხელა ძალას წარმოადგენს მოთამაშისთვის
ლეგიონერები | ორი ლელო და სამნი სიმბოლურში
ლეგიონერები - სუთიაშვილის მეორე ლელო
რაგბი. ლეგიონის უქმეები: ოთხი ლელო და სამეფო თასი [VIDEO]
ბექა გორგაძე: შეცდომების დაშვების უფლება არ გვაქვს
ბექა გორგაძე: შეცდომების დაშვების უფლება არ გვაქვს
თედო აბჟანდაძე: თამაშიდან თამაშამდე ვიზრდებით - ბოლო მომენტში რაღაც გვაკლდა
ევროთასები: ჩილაჩავას დაბრუნება და აბჟანდაძის 11 ქულა
ლეგიონერები - ჩილაჩავას ლელო და აბჟანდაძის 17 ქულა
ლეგიონერები | სამი ლელო ტოპ 14-ის მე-5 ტურში
ოკეანეთის ტურნეს პირველი მატჩისთვის "ბორჯღალოსნების" შემადგენლობა ცნობილია