ინტერვიუ. კვერნაძე იტალიაზე, "კვარას" როლზე, მისი თაობის წარმატებასა და ევროპის ჩემპიონატზე

22 წლის გიორგი კვერნაძე იტალიაში ძალიან შედეგიანად ათამაშდა, მისი "ფროზინონე" კი სერია "ა"-ში დაწინაურებისთვის იბრძვის. ეს ამბავი როგორც მისი უკეთესი საკლუბო მომავლის კუთხით გვაინტერესებს, ასევე იმითაც, გიორგი, ზაფხულში, ევროპის ახალგაზრდულ ჩემპიონატზე საქართველოს ნაკრებს მთავარი თავდამსხმელი იქნება.     კვერნაძეს იტალიაში მაშინ დავუკავშირდით, როცა მორიგი საგოლე პასი (ზედიზედ მესამე შეხვედრაში) გააკეთა (სულ 3 გოლი, 5 შედეგიანი პასი).     <img src="/media/uploads/2025/04-15/2ed13887-e93e-4753-b223-24bb5262f5e2-1744713002.jpeg" alt="2ed13887-e93e-4753-b223-24bb5262f5e2-1744713002.jpeg" width="400" height="600" />     როგორ მოვიდა პროგრესი?     "რა თქმა უნდა, უკეთესი შედეგის მისაღწევად ამ დონეზე თამაშის გამოცდილება და მეტი სათამაშო დრო იყო საჭირო. ისე გამოვიდა, ბევრი სერია "ა"-შიც არ მითამაშია და იტალიაში წასვლამდე, ფაქტობრივად, მხოლოდ ახალგაზრდულ ნაკრებში გამოვდიოდი, საკლუბო პრაქტიკა მაკლდა. გამოცდილება და დრო დამეხმარა, ახლა შედეგიანი და წარმატებული პერიოდი რომ მაქვს."   <img src="/media/uploads/2025/04-15/bd234014-b76c-4bc2-b75b-0ee96b23edba-1744715341.jpeg" alt="bd234014-b76c-4bc2-b75b-0ee96b23edba-1744715341.jpeg" width="825" height="400" />     ოპტიმალური პოზიცია     "რაც მეტ პოზიციაზე გამოდიხარ, როგორც ფეხბურთელი, უფრო ვითარდები და საკუთარ ადგილს პოულობ. ასეთ დროს მწვრთნელიც კომფორტულად გრძნობს თავს, სხვადასხვა დროსა და სიტუაციაში გენდობა. ვფიქრობ, როცა მარცხენა ფლანგიდან ვუტევ, ყველაზე ოპტიმალურია."   პირველი ნაბიჯები იტალიაში       "იტალიაში ჩამოსვლისთანავე რაც იგრძნობოდა, ფიზიკურ მომზადებაში ძალიან დიდი განსხვავება იყო. ბუნებრივია, თავიან ძალიან გამიჭირდა -  მეტი სირბილი, ტრენაჟორებით დატვირთვა... ორჯერ მეტად მიწევდა დახარჯვა, ვიდრე საქართველოში იყო. აქ გადმოსვლამდე ვფიქრობდი, რომ ახალი გამოწვევისთვის ბოლომდე მზად ვიყავი, მაგრამ მარტივი არ ყოფილა, ბევრი ჯაფა დასჭირდა.       საქართველოში ცოტა ვითამაშე. აქედან იტალიაში გადართვა ხომ რთულია და მითუმეტეს, როცა უთამაშებელი ხარ. გამოცდილება მემატება, რაშიც სხვადასხვა პოზიციაზე თამაშის პრაქტიკაც მნიშვნელოვანია."     კვარაცხელიას როლი       "ხვიჩა კვარაცხელია ყველას ძალიან დაგვეხმარა, ევროპაში წამოვსულიყავით. აქაურმა გუნდებმა ქართველ ახალგაზრდებზე დაკვირვება დაიწყეს. სერია ა-ში თამაში ჩემთვის დიდი მოტივაცია იყო და იმ პერიოდში, როცა აქ მოვედი, ეს ოცნებებზე მაღლაც იდგა, რადგან პირდაპირ ეროვნული ლიგიდან დიდი ტრამპლინი გამოდგა. "კვარას" ფაქტორზე უკვე ვისაუბრე, ამ ტრანსფერში განსაკუთრებით აღსანიშნავია მამუკა ჯუღელისა და ნუკრი რევიშვილის როლი."     მიზნები       "ვისურვებდი ჩვენი ამბიციური გუნდით სერია "ა"-ში დაბრუნებასა და იქ თამაშს, შემდეგ კი შევძლებ, უფრო დიდი მიზნები დავისახო. ქვეყანას შევეჩვიე, იტალიურადაც ვსაუბრობ და ამ ეტაპზე აქ გაგრძელება მირჩევნია. დაველოდოთ, მომავალში, შეთავაზებები ისევ იტალიიდან, ესპანეთიდან და ინგლისიდან თუ იარსებებს.       გასავარდნ ზონაში ვიყავით და ახლა უკვე პლეი-ოფისთვის ვიბრძვით. ახალი მწვრთნელის მოსვლის შემდეგ, ფაქტობრივად, აღარ ვმარცხდებით. თავდაჯერებულება მოგვემატა. გასულ სეზონში გავარდნას არ ვიმსახურებთ, თუ ახლა ვერ დავწინაურდებით, მომავალი სეზონი თავიდანვე ამბიციურად უნდა დავიწყოთ და აღვზევდეთ."     ევროპის ჩემპიონატი       "ახალგაზრდულ ევროპის ჩემპიონატზე ახლა არა მასპინძლის სტატუსით, არამედ საკუთარი შრომით გავედით და ეს კიდევ უფრო მეტად უნდა დავაფასოთ, მიღწეულს გავუფრთხილდეთ და მეტზე ვიფიქროთ.      წინა ჩემპიონატის წინ ნაკრებთან ერთად შეკრებებზე ვიყავი, ბოლოს კი გუნდში უთამაშებელობის გამო, რამაზ სვანაძის სიაში ვეღარ მოვხვდი. გული დამწყდა, ბიჭებთან ერთად ეს სიხარული რომ ვერ გავიზიარე, მაგრამ მჯეროდა, წარმატება ისევ გველოდა და ახლა კიდევ უფრო მოტივირებული ვარ, გუნდს გამოვადგე.       თამაში ყველა მეტოქესთან შეგვიძლია. ჩვენი გუნდის მთავარი სიძლიერე ერთიანობაა. რა თქმა უნდა, განსაკუთრებული დაკვირვების ქვეშ ვიქნებით და შანსი გვექნება, სხვადასხვა კლუბები დავაინტერესოთ."       <img src="/media/uploads/2025/04-15/screenshot-2025-04-15-143139-1744713130.png" alt="screenshot-2025-04-15-143139-1744713130.png" width="700" height="500" />   საკუთარი როლი და ადგილი       "უკვე ვისაუბრეთ, რომ ფლანგის შემტევი ვარ, მაგრამ სხვადასხვა პოზიციაზე ვთამაშობ. ნაკრებში, ძირითადად, გამოკვეთილ ფორვარდად მეყრდნობიან.  შესაძლოა, ფლანგზე უფრო კომფორტულად ვგრძნობდე თავს, თუმცა თავდამსხმელობასაც კარგად შევეგუე. ასეთ დროს მნიშვნელოვანია, მიღებული მინიმლური შანსიც კარგად გამოიყენო.     კლუბში ბოლო დროის შედეგიანობა იმედს მაძლევს, ევროპის ჩემპიონატს ოპტიმალურ ფორმაში უნდა შევხვდე. ვისურვებდი, მთელი გუნდი ასე იყოს. როცა ქვეყანას წარმოადგენ, ჰიმნი ირთვება და მაისური გაცვია, უფრო მეტად მონდომებული ხარ."       მეგობრები       "გუნდში რამდენიმე ფეხბურთელია, ვისთანაც უფრო მეტ დროს ვატარებ... როგორც აღვნიშნე, ნაკრებში ერთიანობაა, მაგრამ არიან ბიჭები, რომელთა ერთადაც პატარა ასაკიდან მოვდივარ და ფაქტობრივად, ერთად გავიზარდეთ."     <img src="/media/uploads/2025/04-15/screenshot-2025-04-15-142739-1744713329.png" alt="screenshot-2025-04-15-142739-1744713329.png" width="300" height="400" />   რამ განაპირობა თაობის წარმატება?       "სხვადასხვა მიზეზი არსებობს. შესაძლოა, მართლაც, სხვების მაგალითზეც ვისწავლეთ, რომ მხოლოდ ნიჭი საკმარისი არაა, უნდა იშრომო, პროფესიონალურად დაიხარჯო. სხვანაირად ვერ ითამაშებ ისე, როგორც გსურს და შეგიძლია. საკუთარ თავზე ბევრი მუშაობა და სხვისი თვალით დაკვირვება აუცილებლად დაგჭირდება."       თავისუფალი დრო       "როცა დრო მაქვს, იტალიურის სწავლას ვუთმობ. დასვენებიდან გამომდინარე, ახლოს ვინც ვართ, ვცდილობთ, ვახშამზე ერთად წავიდეთ. აქ რომიც ახლოსაა. მაგალითად, ახლა პადელის ჩოგბურთის თამაშს ვგეგმავთ. სახლში გამოკეტილი ნამდვილად არ ვართ, ყველაფერი თავისუფალ დროზეა დამოკიდებული."

სოსო

როცა კვერნაძის ფროსინონეში გადასვლა გამოცხადდა,ამ საიტზეც ბევრი პესმისტური გამოხმაურება იყო,ბათუმის ძირითადშიც ვერ ხვდება და იტალიის სერია ა-ში სად მიდის,ეტყობა ვიღაცამ ჩაუწყოვო.მართლაც ცოტას თამაშობდა აქ,მაგრამ მანამდე თელავში გამოსვლების დროს,თავდაუზოგავი თამაშით მიიქცია ყურადღება და კვარაცხელიას მაგალითით,მასაც ენდნენ,მერე კი,უკვე საკუთარი შრომით მიაღწია ყველაფერსდა სეზონის ბოლოს,უკვე ძირითადსაც გაუშინაურდა და შედეგიან თამაშსაც.ისე გამოდის,რომ ისიც უნივერსალური თვისებების,შესანიშნავი ფიზიკური მონაცემების მქონე ჭკვიან ფეხბურთელად ყალიბდება და თუ რაღაცამ არ შეუშალა ხელი,მისი მომავალიც ტოპლიგის ძლიერ კლუბებში უნდა განვიხილოთ.კვარა ღმერთმა კარგად გვიმყოფოს,მაგრამ როცა მის პოზიციაზე,სხვა ჯერ შესაძლოა ცოტა ნაკლები სიძლიერის და განსხვავებული სტილის,მაგრამ ასევე ძალიან ნიჭიერი და უნივერსალური თვისებების სხვა ფეხბურთელიც გყავს,ნაკრებს გაცილებით მეტი არჩევანი ექნება,სათამაშო გეგმის სხვადასხვა ვარიანტის ასარჩევად.კვარა ხომ ბრილიანტს ჰგავს,რომლის წახნაგებიც ყველა მიმართულებით თანაბრად რომ ბრწყინავს და სჭრის.21 წლამდელთა ნაკრებში,კვერნა ძალიან ბევრს შრომობდა გუნდის სასარგებლოდ და მისი გარჯა,დიდ ნაკრებსაც გამოადგება,ცენტრში თუ შეტევაში.მაგ ნაკრებში,რამდენიმე სხვა ბიჭიც უკვე დიდ ნაკრებზეც შეიძლება მივაზომოთ და ორიოდე წელიწადში,ვინძლო,უკვე სრულიად გაახალგაზრდავებული და ბრძოლის უნარიანი ნაკრები გვყავდეს,პოზიციებზე საკმაოდ დიდი კონკურენციით. 4-5 წლისწინ,სანაკრებო თამაშების წინ,ერთი მეორეს მიჰყვებოდა ხოლმე ინფორმაციები,ამან ტრავმა მიიღო,ამას გაუმიზეზდა,ეს უთამაშებელია,ის კი,ძალიან ცოტას თამაშობს და ფიზიკურად ვერ იქნება მზად....!დღეისთვის სანაკრებო თამაშების წინ,ჩვეულებრივ,ჩვენი ფეხბურთელები განაკუთრებულად შედეგიანად იწყებენ თამაშს და ესეც მიგვანიშნებს,რომ ყველა კანდიდატი ცდილობს,საუკეთესო ფორმაში მოიყვანოს თავი,გადალახოს კონკურენცია და ნაკრების მწვრთნელს თავი მოაწონოს.მაშინდელ ფეხბურთელებს თამაშის საკუთარ თავზე აღება, კარში დარტყმა ეშინოდათ და სხვების ზურგს ეფარებოდნენ,ბურთი ჩემთან არ აღმოჩნდესო.დღეს კი,ყველა მზად არის,ყველაფრის გასაკეთებლად.გრძნობენ,რომ ამის გაკეთება,მაშინდელისაგან განსხვავებით უკვე შეუძლიათ და იმიტომ.შენ კლუბში სრულფასოვან ფეხბურთელად და ხშირად ლიდერად რომ გრძნობ თავს,ფიზიკურადაც რომ შეგიძლია,მაგან იცის,თვითრწმენის ასე გაძლიერება.
ნუგზარი

დაახლოებით ოთხი წლის წინ გიორგისთან ვრცელი ინტერვიუ წავიკითხე. მაშინვე ვთქვი რომ ეს ბიჭი წარმატებას მიღწევდა პირველ რიგში, საქმისადმი დამოკიდებულების გამო. ასეც იქნება!

ტიფოზებმა საგიჟეთი მოაწყვეს - ლოჩოშვილის გუნდი სერია C-ში გავარდა

რანგნიკი: ამიტომ მოიგო პსჟ-მ კვარაცხელიასთან და არა მბაპესთან, მესისთან და ნეიმართან ერთად ჩემპიონთა ლიგა

"ლეიკერსის" საჩუქარი ხვიჩას - პსჟ ტურნირიდან გამოვარდნის საშიშროების წინაშეა

დევიდი შეიძლება თურქეთის ჩემპიონატის ერთ-ერთი ყველაზე მაღალანაზღაურებადი ფეხბურთელი გახდეს

პოგბა მალე "მონაკოს" ფეხბურთელი გახდება

"ალ ჰილალს" "ნაპოლის" კიდევ ერთი ვარსკვლავის შეძენა უნდა

უარი "შტუტგარტის" მოთხოვნებზე - "რეალი" შტილერს აღარ შეიძენს

"ალონსოს მოსვლის შემდეგ, თავს მნიშვნელოვან ფეხბურთელად ვთვლი" - არდა გიულერი

"ლესტერი" ვან ნისტელროის გაათავისუფლებს

40 წლის კაზორლას გოლი - "ოვიედო" ლა ლიგაში დაბრუნდა

დავითაშვილით საფრანგეთის რვაგზის ჩემპიონი დაინტერესდა

"ნაპოლი" ორი ნახევარმცველის შენარჩუნებას შეძლებს

"პორტუგალიასთან მატჩამდე, კვარა ჩემთან მოვიდა და მითხრა..." - ვილი სანიოლი

"აქ ტიტულების მოსაგებად მოვედი" - "დილას" მწვრთნელი კონფერენს ლიგის კენჭისყრაზე

გოჩოლეიშვილი "შახტარში" ბრუნდება - ლაცაბიძეს ისევ იჯარით გაუშვებენ

20 წ. | იტალიაში გასამგზავრებლად 30 შეირჩა

ლატვიაში დასრულებულ ამხანაგურ ტურნირში საქართველომ A დივიზიონის წევრი ფინეთი დაამარცხა

კვარაცხელიას უკრაინელი თანაგუნდელი ეყოლება - პსჟ-მა ძაბარნის ტრანსფერზე შეთანხმებას მაინც მიაღწია

ბუფონის მიერ დაბლოკილი მოურინიო - როგორ გახდა იტალიის ნაკრების მწვრთნელი გატუზო

ანტონიო კონტემ "ნაპოლიში" დარჩენის მიზეზი განმარტა

მორატას ისევ სერია A-ში უხმობენ - ალვარომ შესაძლოა, მესამე იტალიური გუნდის მაისური მოირგოს

"ნაპოლის" კონკურენტი გამოუჩნდა - სანჩოს გადაბირება სერია A-ს სხვა კლუბმაც მოისურვა

მამარდაშვილის "ლივერპულის" სუპერ ტრანსფერი - სარეკორდო კლუბში და სულ მალე ბრიტანეთშიც

ქართველი ტალანტი ჩაკვეტაძის სტილითა და ტოპჩემპიონატის პერსპექტივით - რა აახლოებს ხვიჩას "ოქროს ბურთთან" - ნუკრი რევიშვილი ბევრ თემაზე

კვარაცხელიას სვლა ჩემპიონთა ლიგის მოსაგებად და მიქაუტაძის დიდი დაპირისპირება "მანჩესტერთან" - მთავარი ამბები ზაფხულამდე

გიორგი კვერნაძემ "ბარის" ეფექტური გოლი გაუტანა [VIDEO]

კვერნაძემ "ფროზინონეში" სადებიუტო გოლი გაიტანა და თანაც როგორი! [VIDEO]

გიორგი კვერნაძე სერია A-ს უახლოვდება - ქართველის დამატებას ორი გუნდი ცდილობს

კვერნაძემ ლამაზი გოლი გაიტანა და "ფროზინონეს" ზედიზედ მესამე გამარჯვების მოპოვებაში დაეხმარა [VIDEO]