crocobet დიდი 10 | ყაზბეგი 17:36 ბათუმი

მოქმედმა ჩემპიონმა ‘ბათუმმა’ crocobet დიდი 10-ის მესამე ტურში სტეფანწმინდის ‘ყაზბეგი’ 36:17 დაამარცხა და ახალი სეზონის სტარტზე ზედიზედ მესამე გამარჯვება მოიპოვა, მათგან ორი ბონუს-ქულით.   თბილისში, &bdquo;ავჭალაზე“ გამართულ შეხვედრაში ნომინალურმა მასპინძლებმა სამი ლელო გაიტანეს, თუმცა ზღვისპირელებისგან ექვსი მიიღეს. შედეგად, ‘ბათუმმა’ აქტივს 5 ქულა შემატა და ჯამში 14-ით პირველ ადგილზე აღზევდა, ‘ყაზბეგი’ კი ერთადერთი გუნდია, რომელსაც 3 თამაშის შემდეგ ჯერჯერობით ქულა არ აუღია.   ძლიერ ქარში გამართული შეხვედრის დებიუტში ანგარიში სტუმრებმა გახსნეს. სტეფწმინდელებმა მოედნის ცენტრში ბურთზე კონტროლი დაკარგეს, ის კავეკინი ტამბუმ აიტაცა და სიჩქარე აკრეფილ ოთარ მეტრეველს დროული გადაცემა გაუკეთა, მან კი ლელომდე 50 მეტრი ირბინა. ‘ყაზბეგი’ პირველ ტაიმში ზურგქარში თამაშობდა და კობა ირემაშვილმა 40 მეტრიდან ჯარიმით სცადა ჩამორჩენის შემცირება, მაგრამ მიზანმა უმტყუნა, მერე კი ლაშა გედეხაურს არეკნი გაუცუდდა.   ტაიმის შუაში სტეფანწმინდელთა შეტევებმა შედეგი გამოიღო. ფორვარდების რამდენიმე დარტყმის შემდეგ ლუკა დვალიშვილმა ბურთი ხაზზე გაიტანა, გიორგი ნავროზაშვილმა 5-მეტრიანთან ხაზი სუფთად გაჭრა და მისი ლელო ირემაშვილმა გარდასახა. ‘ბათუმმა’ ლიდერობა 32-ე წუთზე მეტრეველის მეორე ლელოთი დაიბრუნა. ზურა ნინიძის კარგი თამაშის შემდეგ ბურთი მარცხენა ფრთაზე ჩათამაშდა, სადაც მას მეტრეველი ელოდებოდა და ალამთან ლელო ნახტომში გაიტანა. ტაიმის ბოლოს ‘ყაზბეგის’ ლეგიონერი სირილო ლოვოკურო სინბინით დაისაჯა, რითაც ზღვისპირელებმა იქვე ისარგებლეს ნუკრი ფერსელიძის ლელო ბუბა ნოზაძემ გარდასახა - 7:17.   მეორე ტაიმის დასაწყისში ჯერ კიდევ კაცნაკლულმა ‘ყაზბეგმა’ 5-მეტრიანი დერეფნიდან მოლით შეუტია, მისი ჩაქცევის შემდეგ ბურთი ნიკა ბაბუნაშვილზე გავიდა და ძალისმიერი ლელოთი ჩამორჩენა შეამცირა, თუმცა თამაში რომ განახლდა მასპინძლები შეცდნენ და საკუთარ 5-მეტრიანთან მეტოქის შერკინება მიიღეს. იქიდან ბურთი მოკლე ფრთაზე ზურა ნინიძეზე გავიდა და მისი ლელო ბუბა ნოზაძემ რთული პოზიციიდან გარდასახა.   სინბინიდან დაბრუნებულმა ლოვოკურომ 4 წუთში მაღალი ბოჭვისთვის მეორე ყვითელი ბარათი მიიღო და ‘ყაზბეგი’ 20 წუთით კაცნაკლული დარჩა. ‘ბათუმმა’ 5-მეტრიანთან შერკინება ირჩია, ბურთი მარჯვენა ფრთაზე ჩაათამაშა და რომა მახათაძემ ლელო გაიტანა, ხოლო ნოზაძემ რთული გარდასახვა კვლავ უნაკლოდ შეასრულა.   სტეფანწმინდელები არ გატყდნენ, 59-ე წუთზე კიდევ ერთი მოლი ააგორეს, მას გოჩა ფიცხელაური მოწყდა და მასპინძელთა მესამე ლელო გაიტანა. ‘ბათუმს’ ბონუს-ქულის ასაღებად ლელოს გატანა ჭირდებოდა და მიზანს 68-ე წუთზე უწია - გიორგი მარგალიტაძის კარგი თამაშის შემდეგ მახათაძემ დუბლი შეასრულა. გარდასახვა ძელმა აისხლიტა და ‘ბათუმმა’ 36:17 იმარჯვა. მატჩის საუკეთესო მოთამაშე ოთარ მეტრეველი გახდა.   Rugby.ge

კოფე გნებავთ?

მოხევეები და რაგბი. დდდდ)))))) გუნდიც კი ყოლიათ. )))))))))))

დიდი 10 | არმია 23:19 ლელო

დიდი 10 | ბათუმი 14:14 ხარები

დიდი 10 | ბათუმი 32:20 გორი

რონალდოს რეკორდი დამხობასთან ერთ ნაბიჯშია - მბაპე კრიშტიანოს გაუთანაბრდა

"სელტიკმა" შესაძლოა, მთავარი მწვრთნელი დანიშვნიდან 2 კვირაში მოხსნას

[VIDEO] სიგუამ "ფიორენტინას" გაუტანა

17-წლამდელ მოკრივეთა ნაკრებმა ევროპის ჩემპიონატზე ხუთი მედალი მოიპოვა

ქართველი ველოსპორტსმენების წარმატება საერთაშორისო ასპარეზზე- 2 ოქროს, 1 ვერცხლის და 2 ბრინჯაოს მედალი

ოფიციალურად - გიზი მამაგეიშვილი "შტურმის" ფეხბურთელია

ლევან კობიაშვილი: თუ ყველა ერთად იმუშავებს, წარმატებაც იქნება

უსაზღვრო "კვარათამასა" - ის, რაც ხვიჩას უკავშირდება

"უმაღლესი დონის თვისებები აქვს, ახლა მეტი თამაში სჭირდება" - საფონოვმა ვენგერი აღაფრთოვანა

X ტური უბრძოლველად დასრულდა: მარგვეთმა ორბი დაამარცხა, ივერიონმა დელტას მოუგო

"მის თამაშს კიდევ უფრო გავაუმჯობესებთ და ტოპ კლასის ფეხბურთელი გახდება" - გვარდიოლამ "სიტის" შემტევი გამოარჩია

ეკვადორის ნაკრების ყოფილი ფეხბურთელი მეუღლესთან ერთად ჩაცხრილეს

"ალბათ ჩვენს ვარჯიშს დაესწრო" - "ფლამენგოს" მწვრთნელმა საფონოვზე იხუმრა

საფონოვი შევალიესთვის კოშმარია - სურათიდან აღარ ამოშალეს

რა სჭირს "ვილიარეალს"? - მიქაუტაძის გუნდი თასიდან ქვედალიგელმა გამოაგდო

გასაკვირია, ნამდვილად - როგორი შეფასებები მიიღეს პსჟ-ს ფეხბურთელებმა "ფლამენგოსთან" მატჩში?

[VIDEO] "კვარას" გოლი და საფონოვის გმირობა - პსჟ საკონტინენტთაშორისო თასის გამარჯვებულია

[VIDEO] ხვიჩამ საკონტინენტთაშორისო თასის ფინალში "ფლამენგოს" გაუტანა

ლუის ენრიკემ "ფლამენგოსთან" მატჩში პსჟ-ს შემადგენლობა დაასახელა

Geo Team: გიზი მამაგეიშვილმა "შტურმთან" კონტრაქტი გააფორმა