<p>საკალათბურთო სუპერლიგის პლეი ოფი დაიწყო. თბილისსა და ზესტაფონში თითო შეხვედრა გაიმართა. რეგულარული ჩემპიონატის გამარჯვებულმა თსუ-მ მე-8 ადგილზე გასული კსუ-კავკასია მიიღო და 85:74 დაამარცხა. ეს არ იყო იოლი გამარჯვება, თუმცა არც ისეთი დიდი ბრძოლა გამართულა, მატჩის ბედს 1 სროლა რომ წყვეტს ხოლმე. </p> <p> </p> <p>დაძაბულობა უფრო მოთამაშეებსა და მწვრთნელებს შორის იყო. მატჩი საკმაოდ ემოციური გამოვიდა – მსაჯებს არაერთი ტექნიკურის, არასპორტულისა და დისკვალიფიკაციის მიცემაც კი მოუხდათ. მოედნიდან კსუ-კავკასიას მთავარი მწვრთნელი, ბექა წივწივაძე დაითხოვეს, რისი მიზეზიც მეტოქეთა მიმართ კონფლიქტური სიტუაციის შექმნა იყო.</p> <p> </p> <p>მატჩის პირველი ნახევარი საკმაოდ თანაბარი და შესაბამისად, საინტერესო გამოვიდა. პირველი პერიოდი ფრედ – 18:18 დასრულდა, მეორე კი კავკასიამ მინიმალური სხვაობით მოიგო და დიდ შესვენებაზე ლიდერის ამპლუაში გავიდა – 38:37.მესამე პერიოდიდან ყველაფერი შეიცვალა. თსუ-მ მოახერხა კავკასიელთა დაცვის დეზორგანიზება, რაშიც ლომის წილი თსუ-ს ლეგიონერ, კურვოსიე მაკკოლს მიუძღვის, რომელმაც პერიმეტრიდანაც დაბომბა მეტოქე და საჯარიმოდანაც. </p> <p> </p> <p>მესამე პერიოდი უნივერსიტეტელებმა 25:12 მოიგეს, ბოლო პერიოდის წინ 12 ქულით დაწინაურდნენ და მატჩის ბედიც გადაწყვიტეს. თამაში ისე ჩამთავრდა, კავკასიას მეტოქესთან მიახლოების შანსი არ მისცემია. თსუ-ს მაკკოლმა ულიდერა, რომელმაც 23 ქულა და 7 მოხსნა მიითვალა. ალექსანდრე ფევაძემ 9 ქულა, 8 მოხსნა და 4 პასი მოაგროვა. 14 ქულით კვენტინ ჰარდრიქტი, ხოლო 13-ით – მალკოლმ დრამრაითი გამოირჩნენ. კავკასიაში 14 ქულით საუკეთესო იყო ჰავიერ ბელი. </p> <p> </p> <p>ამ წყვილში სერიის მეორე მატჩი 25 აპრილს, კვლავ თბილისი არენაზე გაიმართება.</p> <p> </p> <p>ზესტაფონში გამართულ შეხვედრას რაც შეეხება, ფიცხელი ბრძოლისგან ის უფრო შორს იდგა. იყო მომენტი, როცა ზესტაფონის მარგვეთი 24 ქულით ამარცხებდა ორბს, საბოლოოდ კი 98:78 მოუგო. არადა, ეს გახლავთ ყველაზე თანაბარი წყვილი, რადგან რეგულარული ჩემპიონატი ამ გუნდებმა ცხრილში გვერდი-გვერდ დაასრულეს. მარგვეთი მე-4-ზე გავიდა, ორბი კი მე-5-ზე. </p> <p> </p> <p>მარგვეთმა გუნდურად ითამაშა. ჩავარდნა არც ერთ კალათბურთელს არ ჰქონია და გამარჯვებაში თავისი წვლილი ყველამ შეიტანა. მასპინძლებს 18 ქულით, 9 მოხსნითა და 5 პასით კრისტიან ჯონსმა ულიდერა. 19 ქულით ბომბარდირი სანდრო სანაძე გახდა, რომლის ანგარიშზე 5 პასიც იყო. ორბში 21 ქულით შონ მური გამოირჩა.</p> <p> </p> <p>სერიის შემდეგ მატჩს კვლავ ზესტაფონი – 25 აპრილს უმასპინძლებს.</p> <p> </p> <p><strong>GBF</strong></p> <p> </p>
სუპერლიგის რეგულარული ჩემპიონატი დასრულდა: პლეი ოფის წყვილები ცნობილია
რუსთავმა ბათუმთან წააგო და სუპერლიგაში დასარჩენად კასპის გრიფინს შეხვდება
რაშმა თსუ დაამარცხა და სუპერლიგაში დარჩა | ორბმა და მარგვეთმა საჭირო გამარჯვებები მოიპოვეს
"ოქროს ბურთს" კვარაცხელიას გადავცემდი" - საფრანგეთის ნაკრების ყოფილი ფეხბურთელი ხვიჩათი აღფრთოვანებულია
Breaking: პეპ გვარდიოლა მზადაა იტალიის ნაკრები გაწვრთნას
სუპერლიგის პლეი ოფი დაიწყო: თსუ-მ კავკასია დაამარცხა, მარგვეთმა – ორბი
რამდენად ფრთხილი იქნება ენრიკე შესანიშნავ "კვარასთან" - "ბაიერნამდე"
პსჟ-ში შეიძლება კიდევ ერთი პორტუგალიელი გადავიდეს
20 წ. | საერთაშორისო სერიაზე სამხრეთ აფრიკაში
მსხალაძის ოქრო აკვრაში და გოგოხიას ბრინჯაო ატაცში
ნიკა ამაშუკელის "საუკეთესო ბილეთი" ჩემპიონთა თასის ნახევარფინალში
პირველი ქართული გუნდი Nascar-ის სერიაში - დათა ქაჯაიამ დეტალებზე ისაუბრა
crocobet დიდი 10 | ნიკა ამაშუკელი ფინალურ მატჩს მეხუთედ იმსაჯებს
"სიტი" თუ "არსენალი"? - ვენგერმა პრემიერლიგის გამარჯვებული იწინასწარმეტყველა
23 მატჩი და 24-მილიონიანი კომპენსაცია - "ჩელსიმ" როსენიორი გაათავისუფლა
[VIDEO] ბითაძის 21 წუთი - "დეტროიტმა" სერიაში ანგარიში გაათანაბრა
იამალმა შეიძლება მსოფლიო ჩემპიონატზე ვერ ითამაშოს - "ბარსელონამ" "სელტას" მოუგო
კვლავ ქოჩორაშვილის გარეშე - "სპორტინგმა" "პორტუს" ბარიერი გადალახა
ლუის ენრიკე: "კვარას" უეჭველი ჩემპიონთა ლიგის მატჩი ეგონა
VIDEO | ეროვნული ლიგა | დილა 1-0 დინამო (ბთ). კაცნაკლულმა ზღვისპირელებმა ბოლომდე იბრძოლეს, მაგრამ...
კიტეიშვილმა "შტურმი" ორკაცნაკლულ "ლასკთან" მარცხისგან იხსნა
როგორი შეფასებები მიიღეს პსჟ-ს ფეხბურთელებმა "ნანტთან" მატჩში?
ჟოზეს დიდი დაბრუნება? - მოურინიომ შესაძლოა, "რეალი" კიდევ ერთხელ ჩაიბაროს