<p>საქართველოს 7-ქალამ 2026 წლის რაგბი ევროპის ალაფა ორი მოგებით გახსნა. ხორვატიის ქალაქ მაკარსკაში მიმდინარე პირველი ეტაპის პირველ სათამაშო დღეს, გიორგი მაისურაძის შეგირდებმა მონტენეგრო 34:5, ხოლო მოლდოვა 22:7 დაამარცხეს.</p> <p> </p> <p>ჩვენმა გოგონებმა ორივე გუნდი მეორე ტაიმში გატეხეს. პირველი მეტოქე მონტენეგრო იყო და მატჩის დებიუტშივე ანგარიში მანონი საღარაძემ ლელოთი გახსნა, რასაც ზუსტი გარდასახვა მოყვა, თუმცა ტაიმის შუაში საპასუხო ლელო მივიღეთ. მე-5 წუთზე მანონი საღარაძე სივრცეში გაიჭრა და ძელებსშუა გატანილი ლელო გარდასახა - 14:5.</p> <p> </p> <p>მიუხედავად იმისა, რომ პირველი ტაიმის ბოლოს და მეორეს დასაწყისში ორი სინბინი მივიღეთ, რის გამოც 4 წუთი კაცნაკლული ვითამაშეთ, გოგონებმა შეძლეს დომინირება და კიდევ 4 ლელოს გატანა. უპირატესობა ნინო წიკლაურმა გაზარდა, მომდევნო ლელო ოფლოუდების შემდეგ სალომე მაკასარაშვილმა მიითვალა, ბოლოს კი თავი ანა დათიაშვილმა და მარიამ ბერანძემ გამოიჩინეს.</p> <p> </p> <p>მოლდოვასთან მატჩის დებიუტიც ჩვენი სინბინით დაიწყო, თუმცა ანგარიშში საქართველო თეონა ჩიტაიშვილის ლელოთი გავხსენით. ტაიმის გაწითლებულ დროზე ისევ საქართველო უტევდა, მაგრამ დავჯარიმდით, მოლდოველებმა ბურთი სწრაფად გაითამაშეს და სანამ უკან დავიხევდით საპასუხო ლელო გაიტანეს და გარდასახეს - 5:7.</p> <p> </p> <p>მეორე ტაიმი აქტიურად დავიწყეთ, რასაც ნინო მელუას დუბლი მოყვა, ბოლო წუთზე კი მეოთხე ლელო მანონი საღარაძემ მიითვალა, გარდასახა და 22:7 გავიმარჯვეთ.</p> <p> </p> <p>დღეს საქართველო ჯგუფური ეტაპის დასკვნით შეხვედრას ჩვენი დროით 13:36 საათზე რუმინეთის წინააღმდეგ გამართავს, რის შემდეგაც თასის 1/4-ფინალის მეტოქის ვინაობაც გაირკვევა.</p> <p> </p> <p>მაკარსკაში საქართველოს 7-ქალა ნაკრების გარდა კიდევ ერთი ქართველი გოგონა ირჯება - მარიამ გოგუაძე ხორვატიაში ამჯერად მსაჯის რანგში იმყოფება.</p> <p> </p> <p><strong>საქართველოს 7-ქალა რაგბი ევროპის ალაფას პირველ ეტაპზე მაკარსკაში (ხორვატია)</strong></p> <p> </p> <p>ნათია გავაშელიშვილი, სალომე მაკასარაშვილი, ნინო წიკლაური, ლიკა ხუფენია, ანა დათიაშვილი, ანა კაპანაძე, ანა ხაბულიანი, სალომე ჩხაიძე, თეონა ჩიტაიშვილი, მანონი საღარაძე, ნინო მელუა, თამარ მანაგაძე, მარიამ ბერანძე.</p> <p> </p> <p><strong>მთავარი მწვრთნელი:</strong> გიორგი მაისურაძე</p> <p> </p> <p><strong>Rugby.ge</strong></p>
.
რუმინეთთან თამაში არ ვიცი,მაგრამ ნორვეგიასთან თამაში ვნახე და სამწუხაროდ,ჩვენ თვითონ წავაგეთ.თავიდან ვიგებდით,მაგრამ პირველი ტაიმის ბოლოს ნოვეგიელები შეტევაზე გადმოვიდნენ,ჩვენებმა შეძლეს და ჩვენ ჩათვლის ხაზთან აუტზე გადავიყვანეთ მეტოქე,თუმცა აუტიდან მიღებული ბურთი,ჩვენმა მორაგბემ ხელში კარგად ვერ დაიჭირა და მართალია ჩვენ მხარეს ჩამოუვარდა,მაგრამ ნორვეგიელმა ჩათვლის ხაზიდან ერთ ნაბიჯში მიიღო და დაამიწა.მეორე ტაიმშიც,ბურთი ჩვენ გვქონდა შეტევაზე მივდიოდით,მაგრამ პარტნიორის ნაცვლად,პირდაპირ მეტოქეს მისცა პასი და მანაც ძელებს შორის დაამიწა.საბოლოოდ 12-7 წავაგეთ.არ ვიცი მაგ წაგებამ სად მიგვიყვანა,მაგრამ ნორვეგიელებმა,ნამდვილად მაგრად გაიხარეს.
.
კარგია გოგოებო,ყოჩაღ!იმედია ასევე გავაგრძელებთ.7 კაცა თუ 7 ქალა რაგბი,ისეთი თამაშია,ყველას რომ შეუძლია ითამაშოს.სწრაფი,სანახაობრივი და უსაფრთხო.რატომ არ უნდა ითამაშონ,თუნდაც გოგოებმა?
რაგბის კავშირმა და მაისაშვილმა თანამშრომლობა დაასრულეს
15-ქალას ელიტური მეტოქე
ნიკა ამაშუკელი - ტოკიო, ლონდონი და გენუა
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
"არანაირი პრობლემა არ იქნება" - სკალონი მესის სამწვრთნელო შტაბში შესაძლო გაწევრიანებაზე
უკრაინასთან მატჩში საქართველოს ნაკრების შემადგენლობა ცნობილია
U17. საქართველოს ნაკრები საკვალიფიკაციო ეტაპის A ლიგაში გავიდა
"მერაბმა ლამაზად შეუსრულა - უსმანი ყველა ფრონტზე დამარცხდა" - ამბობს დაღესტანელი პრომოუტერი
საქართველოს ნაკრებმა პირველი ვარჯიში თბილისი არენაზე გამართა
216 სანტიმეტრი სიმაღლის ცენტრით - ჯიკიჩმა ნოემბრის სანაკრებო მატჩებისთვის გაფართოებული შემადგენლობა დაასახელა
საბა ლაზიშვილი: უმართან ბრძოლა ჩემთვის პირადულია, რადგან კულისებს მიღმა ისეთი რაღაცები მოხდა...
ერლინგ ჰოლანმა შესაძლოა, ზაფხულში "სიტი" დატოვოს
დვალიშვილის თხოვნის შემდეგ, უსმან ნურმაგომედოვი და მისი თანაგუნდელები აბუ-დაბის ციხიდან გაათავისუფლეს
[VIDEO] "ილიასთან მთელი ცხოვრების გატარება მინდოდა... ურთიერთობის გაგრძელება ამას ნიშნავდა" - თოფურიას ყოფილმა მეუღლემ საჯაროდ განქორწინებაზე პირველად ისაუბრა
რომელუ ლუკაკუმ 33 წლის ასაკში სანაკრებო კარიერა დაასრულა
მილევსკიმ უკრაინა ანდორას დონეზე დააყენა და ჩვენ უფრო ცუდ დღეში მოგვიხსენია - მაშინ სადაა საქართველოს ნაკრები?!
რამოსი კვლავ ლა ლიგაში? - ლეგენდარულ ესპანელს ახალი ვარიანტი აქვს
მესი კვლავ არგენტინის ნაკრებში და უკვე სხვა როლით? - ლეოს ახალი წინადადება აქვს
წლის რჩეული მამაკაცი - საფრანგეთში ამ პრიზის მფლობელი კვარაცხელია გახდა