საქართველოს ნაკრები ლატვიაში გაფრინდა: მუნდიალის საკვალიფიკაციოსთვის მზადება იურმალაში გრძელდება

საქართველოს კალათბურთელთა ეროვნულმა ნაკრებმა 2027 წლის მსოფლიო ჩემპიონატის საკვალიფიკაციო ტურნირისთვის მზადების პირველი მოსამზადებელი ეტაპი უკვე დაასრულა. ალექსანდარ ჯიკიჩის გაწვრთნილი გუნდი დღეს, 21 ივნისს, დილის 6:00 საათზე, თბილისიდან პირდაპირი რეისით რიგაში გაფრინდა, საიდანაც ავტობუსით 30 წუთის სავალ მანძილზე მდებარე ზღვისპირა კურორტ იურმალაში გადაინაცვლებს და გენერალურ შეკრებას შეუდგება.   ჩვენს გუნდს პირველი საკვალიფიკაციო ეტაპის დასკვნითი ორი უმნიშვნელოვანესი მატჩი ელის: 2 ივლისს უკრაინასთან (ლატვიაში) და 5 ივლისს ესპანეთთან (თბილისში). მიუხედავად იმისა, რომ საქართველოსა და ესპანეთის ნაკრებებს მომდევნო ჯგუფური ეტაპის საგზური უკვე განაღდებული აქვთ, ამ შეხვედრებს მაინც უდიდესი მნიშვნელობა ენიჭება – აქ დაგროვილი თითოეული ქულა გუნდებს მეორე რაუნდშიც გადაჰყვებათ, სადაც კიდევ 6 მატჩი ელით და სწორედ ამ ჯამური შედეგით გაირკვევა, მოიპოვებენ თუ არა მსოფლიო პირველობის საგზურს.   შემადგენლობა და გეგმა მატჩებამდე   თბილისური შეკრების შედეგად, მთავარმა მწვრთნელმა ლატვიაში წასაყვანი 14-კაციანი შემადგენლობა შეარჩია:   რატი ანდრონიკაშვილი (&bdquo;ალფტანესი“, ისლანდია) გიორგი ოჩხიკიძე (&bdquo;ს.კ ბათუმი“) ლუკა ალავიძე (&bdquo;ს.კ ქუთაისი“)დუდა სანაძე (&bdquo;პალმერ ბასკეტი“, ესპანეთი) სანდრო სანაძე (&bdquo;ს.კ მარგვეთი“) გიორგი კობახიძე (&bdquo;ს.კ მარგვეთი“) კახაბერ ჯინჭარაძე (&bdquo;ს.კ ქუთაისი“) ალექსანდრე ფევაძე (&bdquo;ს.კ თსუ“) ბექა ბურჯანაძე (&bdquo;გრანადა“, ესპანეთი) გიორგი კორსანტია (&bdquo;გიპუზკოა ბასკეტი“, ესპანეთი) ალექსანდრე მერკვილაძე (&bdquo;ოსტენდე“, ბელგია) გიორგი ტურძილაძე (&bdquo;ს.კ თსუ“) ვილი ისიანი (&bdquo;ს.კ რუსთავი“) გოგა ბითაძე (&bdquo;ორლანდო მეჯიქი“, NBA)   თბილისური ვარჯიშების შემდეგ, გუნდს გამგზავრებამდე შემოუერთდნენ ბექა ბურჯანაძე და ცოტნე ცარციძე. რაც შეეხებათ სხვა წამყვან ლეგიონერებს – ნაკრების კაპიტანი თორნიკე შენგელია, ნატურალიზებული ამერიკელი უკანახაზელი მარკის რიდი და სანდრო მამუკელაშვილი გუნდს პირდაპირ ლატვიაში შეუერთდებიან. შენგელია შეკრებაზე მას შემდეგ გამოცხადდება, რაც ესპანეთის ჩემპიონატის ფინალურ სერიას დაასრულებს. სერიაში ანგარიში ამ მომენტისთვის 1:1-ია.   ნაკრები იურმალაში 28 ივნისამდე დარჩება და ოფიციალურ მატჩებამდე ორ საკონტროლო შეხვედრას გამართავს:   24 ივნისი (იურმალა): საქართველო – ანგოლა 28 ივნისი (რიგა): საქართველო – ლატვია (ეს მატჩი ზუსტად იმ დარბაზში ჩატარდება, სადაც 3 დღეში ნაკრები ოფიციალურ შეხვედრაში უკრაინას დაუპირისპირდება).   სატურნირო ვითარება მსოფლიო ფორუმის გზაზე   მსოფლიო ფორუმზე მოსახვედრად ევროპის კონტინენტიდან სულ 32 ეროვნული გუნდი იბრძვის, რომლებიც ფინალური ეტაპის 12 საგზურს ორეტაპიანი სისტემით გაინაწილებენ. ამჟამად მიმდინარე A ჯგუფში სიტუაცია ასეთია: 4 მოგებით ცხრილის სათავეში ესპანეთია, 2-2 გამარჯვებით უკრაინა და საქართველო მიჰყვებიან, ხოლო დანიას არცერთი მოგება არ აქვს.   დიდი ალბათობით, მომდევნო ეტაპზე ესპანეთსა და საქართველოსთან ერთად უკრაინაც გადავა. მეორე ჯგუფურ ეტაპზე, რომელიც 2026 წლის აგვისტოსა და ნოემბერში, ასევე 2027 წლის თებერვალში გაიმართება, ნაკრებები ახალ ჯგუფებში დაწყვილდებიან და მხოლოდ იმ მეტოქეებს დაუპირისპირდებიან, რომლებსაც მანამდე არ შეხვედრიან. საბოლოოდ, ამ ახალი ექვსგუნდიანი ჯგუფების 3-3 საუკეთესო ნაკრები მსოფლიო პირველობის საგზურს მოიპოვებს.   GBF.GE

საქართველოს ეროვნულმა ნაკრებმა მსოფლიო ჩემპიონატის საკვალიფიკაციო მატჩებისთვის მზადება დაიწყო

ბაგატსკისი ამბობს, რომ საქართველოს ნაკრები ისევ უნდა დაამარცხონ

"მადლობა საქართველო, რომ მომეცი შესაძლებლობა, წარმომედგინა ქვეყანა სიამაყითა და სიხარულით" - მარკის რიდი

20 წ. | ვინ მოდის საქართველოში - ინგლისი

"მისი დაუფასებლობა არ შეიძლება" - რუნიმ მბაპეზე ისაუბრა

შენგელიას 9 ქულა | "ვალენსიამ" "ბარსას" ფინალური სერია გაუთანაბრა

ზედიზედ მეოთხე გამარჯვება - ლაშა გურული შეუჩერებელია

რაფინია შეცვალეს - მისი ტრავმა ქრონიკულია

"დილას" ბერძენი მწვრთნელი ჩაუდგა სათავეში

"ვიბრძოლებ თუ არა წელს?" - გეიჯიმ სამომავლო გეგმებზე ისაუბრა

"მესისთან თამაში სურდა" - კაზემირო მაიამის "ინტერში" გადავიდა

იბრაჰიმოვიჩი: აშშ-ს მუნდიალის მოგება შეუძლია

"გვრცხვენია. ბოდიშს ვიხდი" - არდა გიულერი პარაგვაისთან მარცხის შემდეგ

"ჩვენ პატივისცემას ვიმსახურებთ" - მერაბ დვალიშვილის მიმართვა

[VIDEO] გაძევება პირზე ხელის აფარების გამო - თურქეთი 10-კაციან პარაგვაისთანაც დამარცხდა და ჯგუფში ჩარჩა

[VIDEO] ბრაზილიამ ჰაიტი მარტივად დაამარცხა

[VIDEO] მაროკომ შოტლანდიას საიბარის გოლით სძლია, რომელსაც "ბაიერნი" შეიძენს

"დისტანციურად გამოძახებულია" - ბრაზილიის პრეზიდენტმა ნეიმარს მწარედ დასცინა

[VIDEO] აშშ-მ ავსტრალიასაც მოუგო და 1/16-ფინალში გავიდა

"კუკურელია იუდაა და ტანჯვა ელოდება" - "ბარსელონას" ფეხბურთელები მას იამალით ემუქრებიან

20 წ. | ვინ მოდის საქართველოში - ავსტრალია

20 წ. | სამწვრთნელო შტაბმა სატურნირო რაზმი დაასახელა

"ლიონმა" ფეხბურთელების გაშვება დაიწყო - მორეირა ბუნდესლიგაში გადავიდა

ბაგატსკისი ამბობს, რომ საქართველოს ნაკრები ისევ უნდა დაამარცხონ

დანიასთან მატჩამდე საქართველოს ნაკრებმა "თბილისი არენაზე" ივარჯიშა

პირველი ტაიმის შემდეგ საქართველოს ნაკრები დანიას 12 ქულით ამარცხებს

[VIDEO] ჩინებულია - საქართველოს ნაკრებმა დანიას ისევ მოუგო და მეორე ეტაპის საგზური გაინაღდა!