[VIDEO] ძლივს ვნახეთ ქართული კლუბის კარგი თამაში - ქეცბაიას "დინამომ" "ჟალგირისს" დამაჯერებლად მოუგო

კონფერენს ლიგის მეორე საკვალიფიკაციო ეტაპის პირველ მატჩში თბილისის &bdquo;დინამომ“ სახლში &bdquo;ჟალგირისი“ 3:0 დაამარცხა.   მასპინძელთა კლასში უპირატესობა, განსაკუთრებით ტექნიკაში თავიდანვე თვალნათელი შეიქნა - ნინუამ ბურთი ძელს გაარტყა, კვარაცხელიას ლამაზი დრიბლინგის შედეგად კარგი მომენტი მისმა პარტნიორმა ვერ გამოიყენა, პირისპირ გასულ სანტოსს მეკარე სარკაუსკასმა არ გაატანინა, შემდეგ კი მეტოქის კარი კურდიჩმა დალაშქრა. აქტიურმა სანტოსმა მალე ანგარიში გაზარდა. ცოტა ხანში საჯარიმოდან ნინუას დარტყმული ბურთი მეკარისგან ხარიხას მოხვდა, ხოლო დამატებაზე ყველას უგრეხელიძემ დაასწრო. ერთი სიამოვნება იყო კვარაცხელიას თამაშის ყურება, რომლის შეჩერება მეურვეებს ძალიან უჭირდათ, ერთ ეპიზოდში მეურვეს გაექცა, ლუპანომ მაისურზე მოქაჩა და ყვითელი ბარათი მიიღო.    შესვენების მერე თორნიკე მცველს ისევ დაუსხლტა, განივი გადაცემა გააკეთა, ბოსანჩიჩმა ბურთი ჩაჭრა და საკუთარი კარის ძელს გაარტყა. კვარაცხელია 78-ე წუთზე ხარაბაძემ შეცვალა. ტეიშეირას დარტყმული ბურთი სარკაუსკასმა მოიგერია. 79-ე წუთზე სტუმართა რიგებში მოედანზე ქართველი ლეგიონერი მამაცაშვილი შევიდა. დარჩენილ დროში ანგარიში არ შეიცვალა და უკეთესი ფეხბურთელებით დაკომპლექტებულმა უკეთესმა გუნდმა გაიმარჯვა.   საპასუხო შეხვედრა 30 ივლისს ვილნიუსში ჩატარდება.   “ჟალგირისის“ ბარიერის გადალახვის შემთხვევაში, თბილისის &bdquo;დინამოს“ მოწინააღმდეგე მესამე რაუნდში ხორვატიის &bdquo;ჰაიდუკსა“ და კვიპროსის &bdquo;პაფოსს“ შორის წაგებული იქნება, რომლებიც ერთმანეთს ევროპა ლიგის მეორე შესარჩევ ეტაპზე დაუპირისპირდებიან.   თბილისი. &bdquo;მიხეილ მესხი“ დინამო (თბ) - ჟალგირისი 3:0 გოლები: 1:0 კურდიჩი (14), 2:0 სანტოსი (26), 3:0 უგრეხელიძე (30)   დინამო (თბ): ლორია, კალანდაძე (ვაწაძე 80), უგრეხელიძე, კურდიჩი, სანტოსი, ტეიშეირა (ტკალია 80), ფსალტისი (ციკოლია 80), კვარაცხელია (ხარაბაძე 68), ნინუა, ოსეი (კაკაშვილი 63), ბა

დავითი

ვულოცავ ქეცბაიას, მთელ გუნდს ქება, თუმცა კვარა ფანტასტიკაა! კომენტატორიც კარგია დადებით მუხტს იძლევა მაგრამ აი ამ სტატიას ვინც დისლაიკებს უწერს და ვინც ისევ ნეგატივს ეძებს, გულითადი "მოკითხვა" მინდა გადავცე მაგ აკაცუკის გაგდებულებს!
ვოოტ

მაჩაიძეები, არველაძეები... თავისთავად კირხოფები, ლაუდრუპები, დე ბურები, შესაძლოა, ბელინგემებიც... გააგრძელეთ საქართველოს ისტორია...
qedo-ს

ნაწილობრივ გეთანხმები. რამდენიმე ფეხბურთელი სასწრაფოდ მოსაცილებელია. მხოლოდ ცხენივით სირბილი არ კმარა, აზროვნებაცაა საჭირო.
უკანპასა ნაკრების გულშემატკივარი

იქნებ პრესკონფერენციაზე ჰკითხოს ვინმემ მწვრთნელს რა მიზეზით შეცვალეს პატარა კვარა? დაიღალა?
მეზღვაური

ყოჩაღ დინამოს.მარტო კვარამ არა მთლიანმა გუნდმა კარგად ითამაშა.ვფიქრობ გუნდი დაკომპლექტებულია უკვე და ნელ-ნელა კიდევ უფრო შეთამაშდებიან ერთმანეთში,განსაკუთრებით ახალწვეულები. ზოგადად კარგი დაცვის ხაზი ჩამოყალიბდა + კარებში ზეგამოცდილი ლორია.ძირითადი შემადგენლობა ვფიქრობ უკვე ჩამოყალიბებულია.ამას დამატებული ხარაიშვილი,გვასალია,დოლტმურდიევიც დაუბრუნდებიან ტრავმის შემდეგ გუნდს. ხარებაშვილი და იორო რომ არ წაეყვანა ბაშაკშეჰირს საერთოდ მაგარი იქნებოდა. ჩემი აზრით გავალთ მესამე ეტაპზე და იქ უფრო ჰაიდუკთან თამაში იქნება ადვილი ვიდრე პაფოსთან ჩემი აზრით,მაგრამ პაფოსს კარგად იცნობს ქეცბაია,პლუს ჩვენი რამოდენიმე ლეგიონერი,ასე რომ ვნახოთ რა იქნება. ყოველ შემთხვევაში იმედი არის. პ.ს მეკარე და დაცვა დინამოს იბერიაზე უკეთესი ჰყავს აშკარად.
ალფა

ვილნიუსში ხელოვნური მოედანი ექნებათ და არ გაგიკვირდეთ თუ ცუდად ვითამაშებთ. ეს უპირატესობა ექნებათ იმათ. იმედია ამდენს ხვდებიან დინამოში და ხელოვნურ საფარიან მოედანზე მოემზადებიან.
გიგო პაპა

30 წელია სტადიონზე არ ვყოფილვარ. ვიფიქრე, ა ძმაო, ამ გუნდის ქომაგობა უკვე ღირს-მეთქი, ძველი დინამო გამახსენა თორნიკემ. მიუხედავად ანგარიშისა, ყოველთვის შემტევ და ლაღ ფეხბურთს რომ თამაშობდა. ჯერ დიდი დინამო რას უბერავდა, მერე გუცაევის ხათრით(უკვე კარიერის ბილოსკენ), შემდეგ მესხი-უმცროსის, ცაავას, ჟვანიას, შოთას, ქინქლაძის, თავად ქეცბაიას გამოც. მაგრამ რად გინდა, როცა ვიფიქრე უეჭველი 5-6 ბურთიანი უპირატესობით უნდა მოვიგოთ მეთქი მკვდარ ჟალგირისთან, მაშინ გამოუსვა ცელი თემურამ გუნდს. მოკლა თამაში, პირველი კვარა გაიყვანა მოედნიდან. ერთადერთი ნათელი წერტილი გუნდში. არა იმიტომ რომ მაგარია, არამედ როგორც ხვიჩას, მასაც უნიკალური მოედნის ხედვა და სხარტი აზროვნება აქვს. ჯანდაბას, ვიფიქრე, იქნებ ხარაბაძემ ქნას მეთქი რამე. თქვენც არ მომიკდეთ, აქეთ შეგვაჯდა მოწინააღმდეგე. არადა, პირველს ბას გაყვანას და ვაწაძის შემოყვანას ვვარაუდობდი, დაგლიჯავდნენ თორნიკე და მათე ერთად. მერე ქეცბას მატარებლებიც გამახსენდა ნაკრების სათავეში ყოფნისას და სულ ჩავიქნიე ხელი. გახარებული კომენტატორებიც აღნიშნავდნენ ბოლოს, შესანიშნავი პირველი ტაიმი ჩაატარესო. და ვინ დაუშალა რომ მეორე კიდევ უკეთესი ყოფილიყო? ბოლო-ბოლო რეალს ხო არ ეთამაშები, ნახევრად გატეხილი მკვდარი ჟალგირისია რა. იტყოდა ხოლმე მესები არა მყავსო. მესიც გყავს და რონალდოც, მაგრამ შიში ოხერია. ამ ბიჭს შესაცვლელი არაფერი ჭირდა, დაცვასაც ეხმარებოდა და შეტევაში ხომ საერთოდ საოცრება იყო. გაიყვანენ ხოლმე ხვიჩას მოულოდნელად მინდვრიდან და გუნდი დარჩენილ დროს უფანტაზიო ხდება და ფაფხურს იწყებს. იგივე მოხდა თორნიკეს შემთხვევაშიც. მე პირადად არასოდეს ვისურვებდი თემურის ნაკრების მწვრთნელობას. როგორც ფეხბურთელი მაგარი შემტევი და ჯიგრიანი იყო, მაგრამ როგორც მწვრთნელი ვერ გამოდგა ძლიერი. სხვათა შორის ისევე როგორც შოთა. მხოლოდ ერთი სურვილი მაქვს, რაც შეიძლება მეტი აზალგაზრდა ქართველი ამ უსახური აფრიკელი ფეხბურთელების ნაცვლად. აგერ, კი გამოჩნდა დღეს გორის დილას მაგალითზე რასაც წარმოადგენენ ეს უცხოტომელები. კარგს და ძლიერს აქ არავინ ჩამოიყვანს. იმედია, გავა დინამო შემდეგ ეტაპზე.
გგ

ბოლოს როდის წამოვედი სტადიონიდან ასეთი ნასიამოვნები, აღარც მახსოვს. განსაკუთრებით, პირველი ტაიმი იყო უნაკლო. და ძალიან კარგი ჟესტი ორივე გუნდის ფან-კლუბებისგან, ლიეტუველები “საქართველოს” და ჩვენები “ლიეტუვას” რომ სკანდირებდნენ! ❤️ წარმატებები ბიჭებს!
პეპე

დიდება უფალს გაიხარეტ ჯიგრებო ბრავო ქეც ქეც ქეც ქეც ქეც....................
ლევანი

ასეთი გამართული ფეხბურთი, მართლა აღარ მახსოვს დინამოს შესრულებით როდის ვნახე. მადლობა ბიჭებო, მადლობა თემურ, დიდი ხანია ვიცით, ქეცბაია რა დიდი ქართველია, დღეს კიდევ ერთხელ დავინახეთ. ყოჩაღ ბიჭებო და მადლობა!
,,

კვარა ძალიან მაგარია, მაგრამ სექტანტები ნუ გახდებით ახლა. უგრეხელიძემ თავისი კარიერის მატჩი დადო, სანტოსმა ხარისხიანად ითამაშა, ნინუამ კლასი დადო. ნეტა სწრაფი იყოს ნინუა და კანფეტი იქნებოდა.
დდდ

დინამოს წინა თამაშზე ვიღაცამ დაწერა კომენტარში- რა დღეშია ჩვენი საკლუბო ფეხბურთი ( ანუ, სანაკრებო დონეზე ქვას არ ვტოვებთ ქვაზე) 16 წლის ბიჭის გადასარჩენები გავხდითო... ჩვენი ფეხბურთი რა დღეშიც არის, ამის თაობაზე, არამგონია, ვინმეს ილუზიები ჰქონდეს, მაგრამ თუ თავებს არ მოვიტყუებთ, იმ პატარა ბიჭის გარეშე ვერც დინამოა დიდი ვერაფერი კონფერენსლიგის ღირსი გუნდი, გინდ ქეცბაია ჩაუყენე და გინდ ლობანოვსკი... პატარა კვარას გარეშე დარჩენილი დინამო ისევ იმ უნდილ გუნდს დაემსგავსა, როგორსაც მიგვაჩვია და ეს ქეცბაიას დაგეგმილს ნაკლებად ჰგავდა... გაგვიმართლა, რომ გოლი არ გავუშვით და პირდაპირ ჯეკ პოტი დაგვეცა, რომ ვარ-ი არაა ამ ეტაპზე - ხარაბაძეზე პენალტი აშკარა იყო... არ ვიცი, საპასუხო შეხვედრაში რა დროს მიიღებს თორნიკე, ფაქტია, რომ ქეცბაია ვერ რისკავს მის დატვირთვას 90 წუთით და მის გარეშე კი 15 წუთიც გაუჭირდება დინამოს, მითუმეტეს, რომ რატომღაც მგონია, ჩვენი ერთ დროს მოძმე ლიეტუველები დაუფარავად ინადირებენ ქართველ ვუნდერკინდზე...
კახი

ეს იყო პატარა კვარას ეფექტი, სწორედ ის ქმნიდა განსვავავებას თამაში, მისი შეტევების და ტექნიკის გამო გამო მოვიგეტ, ბრილიანტი გვეზრდება, უდიდესი ტალანტია , დინამომ თუ მოახერხა და მინიმუმ 2 წელი დაიტოვა მასში 50 მილიონს გადაიხდიან. დიდ კვარაზე ნაკლები არაფრით არ იქნება. ხო ისე რა მსხვილი ფეხები აქვს, საღოლ ძმაო.
100%

მადლობა! წარმატებები.
ნელსონ მანდელა

ფაქტოვრივად სამივე გოლი ნინუამ შექმნა და სამწუხაროა არავინ რომ ახსენებს, კვარა ჟუნიორი სასწაული ფეხბურთელია მიხარია რომ კიდევ წელიწად ნახევარი გუნდში იქნება, კიდევ ერთხელ გამოჩნდა რომ გუნდში მთავარი მწვრთნელია და თუ ის არ ვარგა ვინც გინდა მოიყვანო ვერაფერს მიაღწევს გუნდი
qedo

რა თამაში? ხუმრობთ? გარდა კვარაცხელიასი ყველა ერთიანად სამარცხვინოა!!! ძალიან ცუდია, რომ შემთხვევით მოიგეს, რაც შემდეგში ძალიან ცუდ სამსახურს გაუწევს ამ ხროვას!
ტიტე

ძალიან გამიხარდა, მომეჩვენა თუ რაღავნაირად ძალიან გავდა 1992-1993 წლების დინამოს თამაშს აი ლინფილდს რომ ეთამაშნენ იმ პერიოდისას, მაშინაც ახალი სახეები, საზოგადოებისთვის უცნობი ახალგაზრდები და ძალიან, ძალიან ლამაზი თამაში. ძალიან მომეწონა ფრანგი ლეგიონერი 14 ნომერი, გვარი აღარ მახსოვს (იმედია ისე ითამაშებს მალე აღარ დამავიწყდება), შთამბეჭდავად ითამაშა ნინუამ, რაც შეეხება კვარაცხელიას, მასზე ვფიქრობ ნადირობა დიდი კლუბების მხრიდან ჯერ თუ არ დაწყებულა დღეის შემდეგ დაიწყება.
მერაბი ჩხოროწყუ

ქართველებო ძმებო გილოცავთ აიდა დინამო თბილისი აიდა ქეცბაია გენაცვალე ჯიგარი კაცი ხართ ,ასე წარმატებები , მადლობა კარგი ფეხბურთისთვის,
რაბუ

მადლობა ქართული ფეხბურთის გადამრჩენ ბატონ ბადრი კვარაცხელიას

0:4 - "დილა" სახლში "აპოლონს" ვერ გაუმკლავდა

"ხულიგნობისა და საზოგადოებრივი წესრიგის დარღვევის თითოეულ ფაქტზე განხორციელდება დაუყოვნებლივი და უმკაცრესი რეაგირება" - "ტორპედოს" განცხადება

"ორივე შეხვედრა ერთმანეთზე უფრო სამარცხვინო სანახავი იყო" - გულშემატკივართა გაერთიანებამ "ტორპედოს" ულტიმატუმი წაუყენა

7-კაცა | ხვალ მეორე ეტაპს ვიწყებთ

ადეიემი "დორტმუნდიდან" "ბარსელონაში" გადავიდა

ნეიმარი თავისი კლუბის მატჩის დღეს პოკერის ტურნირს თამაშობდა

მესიმ ნაკრებში ბოლო მატჩი უკვე ითამაშა? - რა უთხრა ლეგენდარულმა არგენტინელმა ფინალის შემდეგ თანაგუნდელებს

ოფიციალურად - კაზემირო "ინტერ მაიამიში" მესისთან ერთად ითამაშებს

ფიფამ მსოფლიოს ჩემპიონატის სიმბოლური გუნდი დაასახელა

რომერო მალე "ტოტენჰემს" დატოვებს

"ბარსელონა" 15 მილიონად მსოფლიო ჩემპიონის შეძენას აპირებს

არგენტინის ნაკრების მწვრთნელი შესაძლოა, გალარდო გახდეს

მექსიკის ნაკრების მეკარემ 41 წლის ასაკში დაასრულა კარიერა

ნეიმარმა შესაძლოა, საფეხბურთო კარიერა დაასრულოს

მესი ნაკრებთან ერთად ბუენოს-აირესში არ გაემგზავრა

თავისი კადრები ეყოლება - ზიდანს საფრანგეთის ნაკრებში ბარტეზი მიყავს

კარგი გარჯა დაუფასდა - ესპანელები დე ლა ფუენტეს კონტრაქტს გაუხანგლძრივებენ

ირაოლამ დაადასტურა - “ლივერპულის” ახალმა მწვრთნელმა გუნდში მეკარეებზე ისაუბრა

“ოლისესგან 20 თვის გოგონა მყავს” - “ბაიერნის” ვარსკვლავი სკანდალში გაეხვა

მოიგებს "კვარა" "ოქროს ბურთს"? - დეტალური ანალიზი

შეთანხმება ვერ ხერხედება - სლოტს ნიდერლანდების ნაკრებში მუშაობა მხოლოდ 2 წლით უნდა

მოლაპარაკებები ბერძნულ გრანდთან - გოჩოლეიშვილი სავარაუდოდ, "შახტარში" ისევ არ დარჩება

გადაწყდა - ბელგიის ნაკრებს ვან ბომელი ჩაიბარებს

თბილისის "დინამოში" კიდევ ერთი ახალწვეულია

"ყოველთვის იქნება ჩემი ისტორიის უმნიშვნელოვანესი ნაწილი" - საბა ხარებაშვილი თბილისის "დინამოს" დაემშვიდობა

თბილისის "დინამომ" ფრანგ ნახევარმცველს გაუფორმა კონტრაქტი

[VIDEO] 16 წლის კვარაცხელია საუკეთესო იყო - თბილისის "დინამოს" მომდევნო ეტაპზე გასასვლელად 120 წუთი ბრძოლა დასჭირდა

"ბარსამ" ვუნდერკინდი თორნიკე არავის არ უნდა დაუთმოს და ხვიჩას შემთხვევაში დაშვებული შეცდომა არ გაიმეოროს" - უცხოური მედია

[VIDEO] თბილისის "დინამომ" ლუქსემბურგში მოიგო - საბოლოო გამარჯვებული თბილისში გაირკვევა

"დიდება რუსეთს" - "ცრვენა ზვეზდას" ფანებმა არენა რუსული დროშებით ააჭრელეს და აუტსაიდერთან დამარცხდნენ [VIDEO]

"დინამო" (თბ) - ჟალგირისი" [LIVE]

მამაცაშვილი კარიერას "ჟალგირისში" გააგრძელებს

ვაისი: ასეთ გადამწყვეტ მომენტში ჩაკვეტაძეს პენალტი სხვანაირად უნდა დაერტყა

[VIDEO] შენგელიას 10 ქულა - "ბარსელონა" "ჟალგირისთან" დამარცხდა