TOP.GE
ფეხბურთილეგიონერები
ქართველი მცველი ტაილანდის ჩემპიონატის ბომბარდირებშია
07:55/05-11-2013
+-

29 წლის გიორგი ციმაკურიძეს აზიის ჩემპიონთა ლიგაში თამაშის კარგი პერსპექტივა აქვს
ქართველი მცველი ტაილანდის ჩემპიონატის პირველი ლიგის ბომბარდირებში მოხვდა.

გოჩა ტყებუჩავას დროინდელი საქართველოს ახალგაზრდული ნაკრების კაპიტანი გიორგი ციმაკურიძე სწორედ ამ აზიურ ქვეყანაში თამაშობს.

29 წლის ფეხბურთელი მცველი იყო ყველა იმ გუნდში (ალჩევსკის "სტალი", დონეცკის "შახტარი", მარიუპოლის "ილიჩევეცი", ლუგანსკის "ზორია", სლოვაკური "ჟილინა", თბილისის "დინამო", ცხინვალის "სპარტაკი", ახალგაზრდული ნაკრები), სადაც კი უთამაშია, მაგრამ წლეულს ტაილანდურ "ფხუკეტში" (ჩემპიონატში მე-13 ადგილი დაიკავა) გადავიდა და პოზიცია შეუცვალეს.

"წლევანდელ სეზონში 10 გოლი გავიტანე. ამ მაჩვენებლით, ბომბარდირებში მე-5 ადგილზე გავედი.

დიახ, მარჯვენა მცველი ვიყავი, მაგრამ ტაილანდში შემტევად მათამაშებენ - ძირითადად, ნახევარდაცვის მარჯვენა ფლანგზე, რამდენიმე შეხვედრაში კი ცენტრალური თავდამსხმელის პოზიციაზეც ვითამაშე.

შეტევაში ჩართვა ყოველთვის მომწონდა, ახალ როლშიც ვივარგე და მიხარია, რომ საკმაოდ წარმატებული სეზონი ჩავატარე.

ჩემპიონატის ბომბარდირმა 7 გოლით გამასწრო, მაგრამ 6 მატჩი ტრავმის გამო გამოვტოვე. სხვათა შორის, ბოლოსწინა ტურში ორი გოლი გავიტანე, მაგრამ მსაჯმა აბსურდული თამაშგარეები დააფიქსირა და არც ერთი არ ჩათვალა.

საერთოდ, აქ მსაჯობა სერიოზული პრობლემაა", - ამბობს ციმაკურიძე.

ის ამბობს, რომ მალე, შესაძლოა, ტაილანდის ჩემპიონშიც გადავიდეს:

"ჩემი საკითხი მალე გადაწყდება. "ფხუკეტში" დარჩენა აღარ მსურს და, ალბათ, ახალი სეზონიდან სხვა გუნდში გადავალ. ტაილანდის პრემიერლიგის რამდენიმე წამყვანი გუნდი მეპატიჟება და იმედია, კარიერას რომელიმე მათგანში გავაგრძელებ.

მინდა, აზიის ჩემპიონთა ლიგაშიც ვითამაშო და საკმაოდ დიდი შანსია, "ბურირამ მინტოლ იუნაიტეტში" მოვხვდე, რომელმაც ტაილანდის ჩემპიონის ტიტული ორი ტურით ადრე გაინაღდა. სხვათა შორის, ეს გუნდი იმდენად მდიდარია, ორი წლის წინ დელ პიეროსაც იწვევდა. იტალიელი თანახმაც იყო, მაგრამ მერე ავსტრალიაში უკეთესი პირობები შესთავაზეს და იქ წავიდა.

ჩემით დაინტერესებული მეორე გუნდი "ბანგკოკ გლასია", რომელიც მე-5 ადგილზე გავიდა. მოკლედ, მიწვევები მაქვს და მალე ყველაფერი გაირკვევა".

ყოველდღიური სპორტული გაზეთი "ლელო"

ასევე იხილეთ:

ფინანსური კატასტროფა: ტაილანდი, ვიეტნამი და ინდოეთი გაგვისწრებენ

(0)
/
Dislike(0)
კომენტარები
0
კომენტარი ჯერ არ გაკეთებულა
სიახლეებიპოპულარული
პრემიერ ლიგა
გუნდი
სტატისტიკა
პრემიერ ლიგა
ბომბარდირებიგოლები | ასისტები
სატრანსფერო სიახლეები
Ad c2