ფიფას აგენტის, კლაუდიო კავალიერის თქმით, ქართველ ფეხბურთელს იტალიური კლუბი, სავარაუდოდ, მილიონ ევროდ შეიძენს
"გაძეტა დელო სპორტი" ჩვენთვის საინტერესო სატრანსფერო სიახლეს გვამცნობს - სერია A-ს კლუბი "ბოლონია" გიორგი ჭანტურიასა და ნელსონ ვალდესის შეძენას აპირებს.

გამოცემის თანახმად, "ბოლონია", რომელიც ჩემპიონატში 16 ქულით მე-18 ადგილზეა, შეტევის გაძლიერებას აპირებს. ამ მიზნით გუნდს 30 წლის პარაგვაელი ფორვარდი ნელსონ ვალდესი მიჰყავს (ბოლო კლუბი "ალ ჯაზირა"). ვალდესი "ვერდერში", "დორტმუნდსა" და "ვალენსიაში" თამაშით გემახსოვრებათ.

"ბოლონია მალე დაიმატებს "ვერდერის" და "დორტმუნდის" ყოფილ ფორვარდს, რომელმაც გაერთიანებულ საემიროებში "გამოიზამთრა". კლუბს ასევე მოსწონს "ვიტესის" ქართველი ფორვარდი გიორგი ჭანტურია. ის 20 წლისაა", - წერს "გაძეტა".

"ბოლონიას" დავიდე ბალარდინი წვრთნის. გუნდის საუკეთესო ფორვარდი ალესანდრო დიამანტია 4 გოლით.

"ტუტო მერკატოსთან" საუბარში ამ ინფორმაციას ადასტურებს ფიფას იტალიელი აგენტი კლაუდიო კავალიერი, რომელიც ჭანტურიას საქმეებს კურირებს.

შეგახსენებთ, რომ ადრე საუბარი იყო "ჯენოას" ვარიანტზეც. კავალიერის თქმით, ჭანტურიას "ბოლონია", სავარაუდოდ, მილიონ ევროდ შეიძენს.

ასევე იხილეთ:

ჭანტურიას აგენტი: გიორგის იტალიურ ტრანსფერზე ვმუშაობ

Top 6 თანამედროვე ქართველი უნიჭიერესი ფეხბურთელი, რომელთა კარიერამ მოლოდინები ვერ გაამართლა [VIDEO]

6 ქართველი ფეხბურთელი, რომლებმაც იმედები ვერ გაამართლეს

"საბურთალომ" გიორგი ჭანტურია გუნდში მიყვანიდან 2 კვირაში გაუშვა

თეგები:

გიორგი ჭანტურია

ტრანსფერი

ნელსონ ვალდესი

კლაუდიო კავალიერი

გაზიარება:

(0)

/

(0)