<p>საქართველოს ეროვნული ჩემპიონატი. უმაღლესი ლიგა. XXVI ტური <br> "სამტრედია" ევროთასებზე მოსახვედრად ორ ფრონტზე იბრძვის. <strong>ზაზა ზამთარაძის</strong> შეგირდებმა შუა კვირაში, თასის საპასუხო ნახევარფინალურ შეხვედრაში, "ჩიხურა" დიდი ანგარიშით დაამარცხეს და ფინალში გავიდნენ, სადაც თბილისის "დინამოს" დაუპირისპირდებიან.</p><p>სამტრედიელებს ევროპაში გასვლა ჩემპიონატიდანაც შეუძლიათ, მაგრამ "კოლხეთთან" წაგებული მატჩის შემდეგ საქმე ძალიან გაირთულეს და ახლა, მაქსიმალური ქულების დაგროვების შემთხვევაშიც კი, თითქმის წარმოუდგენელია მათი საპრიზო სამეულში მოხვედრა.</p><p>ფოთელებთან უღიმღამოდ ჩატარებული მატჩითა და შედეგით ადგილობრივი გულშემატკივარი უკმაყოფილო დარჩა და საფუძვლიანადაც - მოედანზე, ძირითადად, "კოლხეთი" დომინირებდა და მასპინძელი გუნდის შთაბეჭდილებას ის უფრო ტოვებდა, ვიდრე "სამტრედია".</p><p>ზღვისპირელებმა უმაღლეს ლიგაში დარჩენა წინა ტურში გაინაღდეს და ზამთარაძის გუნდთან მატჩს ყოველგვარი ფსიქოლოგიური წნეხის გარეშე შეხვდნენ. შესაძლოა, სწორედ ამის გამო იყო, რომ სტუმრებმა მთელი მატჩის განმავლობაში (ბოლო ხუთწუთიან მონაკვეთს თუ არ ჩავთვლით) ლაღი და კომბინაციური თამაში აჩვენეს.</p><p>მატჩი "კოლხეთის" უპირატესობით დაიწყო. ფოთელები საყრდენი ნახევარმცველების - <strong>ომარ გოგონაიასა</strong> და <strong>გურამ გურეშიძის</strong> შესანიშნავი გარჯის წყალობით მოედნის ცენტრს აკონტროლებდნენ და მეტოქეს ბურთის ფლობაშიც სჯობდნენ. აქტიურები იყვნენ <strong>ლევან შენგელია</strong> და <strong>მერაბ გიგაური</strong>. სწორედ ამ დუეტმა შექმნა პირველი საგოლე მომენტი - მარჯვენა ფლანგიდან გიგაურის ჩაწოდების შემდეგ შენგელია ბურთს ერთი შეხებით გზავნიდა კარში, მაგრამ მიზანს მცირედით ააცილა.</p><p>სამტრედიელებმა მეტოქის კარისკენ პირველად მე-17 წუთზე გაიხედეს, როცა "სტანდარტულიდან" <strong>ალექსანდრე იაშვილის</strong> ჩაწოდების შემდეგ <strong>ილია კერძევაძის</strong> სუსტი თავური დარტყმა მეკარე<strong> კონსტანტინე სეფიაშვილმა</strong> მოიგერია.</p><p>ამ მცირე გამონათების შემდეგ ინიციატივა კვლავ სტუმართა მხარეს გადავიდა. სახიფათო საჯარიმო დარტყმა შეასრულა <strong>გიორგი ლემონჯავამ</strong>, რომელმაც ცოტა ხანში კიდევ ერთხელ შეაწუხა სამტრედიელები, თუმცა მისი შორეული დარტყმა მეკარემ მოიგერია.</p><p>მასპინძელთა მორიგ ეპიზოდურ გამონათებას კინაღამ გოლი მოჰყვა - იაშვილის შესანიშნავი გადაცემის შემდეგ კერძევაძე ხელსაყრელი პოზიციიდან ურტყამდა, მაგრამ მცირედით ააცილა.</p><p>სამაგიეროდ, პირველი ტაიმის ბოლოსწინა წუთზე ზუსტად გაისარჯა <strong>თედორე გრიგალაშვილი</strong>, რომელმაც კუთხურიდან <strong>გეწაძის</strong> ჩაწოდებულ ბურთს მოხდენილი თავური დარტყმა შეაგება და სამტრედიელები დააწინაურა.</p><p>მეორე ნახევარიც სტუმრების უპირატესობით დაიწყო. შენგელიას საჯარიმო დარტყმა მასპინძელთა მეკარემ გაჭირვებით მოიგერია. ამჯერად, ფოთელებს ვალში სამტრედიელებიც არ დაურჩნენ - <strong>კვირკველიას</strong> ფლანგური ჩაწოდებისა და <strong>დოლიძის</strong> თავური დარტყმის შემდეგ ბურთი ხარიხას მოხვდა და კარის ხაზზე დაეცა, შემდეგ კი მდგომარეობა მცველებმა განმუხტეს.</p><p>ფოთელები არსებულ ვითარებას არ ეგუებოდნენ და ანგარიშის გათანაბრებას ცდილობდნენ. კარგად ჩაერთო თამაშში <strong>ნიკოლოზ სიჭინავა</strong>, რომელმაც რამდენიმე მწვავე შეტევის შემდეგ ლემონჯავას მიერ ჩაწოდებულ ბურთს თავი შეაგება და ანგარიში გაათანაბრა - 1:1.</p><p>ერთ-ერთ ეპიზოდში ფოთელები მისი წაქცევისთვის პენალტსაც ითხოვდნენ, თუმცა არბიტრის აზრით, ამ ეპიზოდში <strong>ზურაბ ხიზანიშვილის</strong> მხრიდან წესების დარღვევას ადგილი არ ჰქონია.</p><p>მატჩის მიწურულამდე თამაშის სადავეები ხელთ "კოლხეთს" ეპყრო, მაგრამ ბოლო წუთებზე "სამტრედიამ" სტუმართა კართან შტურმი მოაწყო და ფორტუნას ზურგი რომ არ ექცია, გაიმარჯვებდა კიდეც.</p><p>გოლის გატანის შესანიშნავი შანსი ჰქონდა შეცვლაზე შესულ <strong>თორნიკე კაპანაძეს</strong>, მაგრამ "ელვას" თავური დარტყმა სეფიაშვილმა სასწაულებრივად მოიგერია.</p><p>ბოლო წუთზე კი იგივე კაპანაძე "მაკრატელათი" ცდილობდა სტუმრების დამწუხრებას, მაგრამ ბურთი მცირედით ასცდა მიზანს. ბოლოს მეტოქის კართან ზურგით მდგომი <strong>ბოლქვაძე</strong> ურტყამდა ძალზე სახიფათოდ და მცველებმა ბურთი კარის ზედ ხაზიდან მოიგერიეს.</p><p><span style="color: #3366ff;"><strong>საქართველოს ეროვნული ჩემპიონატი. უმაღლესი ლიგა. XXVI ტური</strong></span></p><p>02.05. სამტრედია. "ეროსი მანჯგალაძე"</p><p><em><strong>სამტრედია-კოლხეთი 1:1</strong></em></p><p>გოლები: 1:0 თედ. გრიგალაშვილი (43. გეწაძის პასით), 1:1 სიჭინავა (70. ლემონჯავას პასით)</p><p><span style="text-decoration: underline;">სამტრედია (4-4-1-1): </span>თევდორაძე - ბეჭვაია, თედ. გრიგალაშვილი, ხიზანიშვილი, კვირკველია - დოლიძე, გორგიაშვილი, დათუნაიშვილი (80. ბოლქვაძე), გეწაძე - იაშვილი (82. გაბედავა) - ი. კერძევაძე (67. კაპანაძე).</p><p>სათადარიგოები: მუჯრიშვილი, შალიკაშვილი, თევზაძე, გურული</p><p>მწვრთნელი: ზაზა ზამთარაძე</p><p><span style="text-decoration: underline;">კოლხეთი (4-2-3-1):</span> სეფიაშვილი - კილასონია, თევზაძე, ჩაკვეტაძე, ლემონჯავა - გოგონაია, გურეშიძე - კაკულია (63. სიჭინავა), გიგაური (89. ბარამიძე), შენგელია - ჟიშკარიანი (81. ამბროლაძე).</p><p>სათადარიგოები: ძაგანია, ქორჩილავა, კაკულია, ჩადუნელი</p><p>მწვრთნელი: ზაზა ინაშვილი</p><p><span style="text-decoration: underline;">გაფრთხილება:</span> ხიზანიშვილი (54), გიგაური (65), თედ. გრიგალაშვილი (90)</p><p><span style="text-decoration: underline;">არბიტრი:</span> ი. კვირიკაშვილი.</p><p><span style="color: #3366ff;"><strong>ბომბარდირები:</strong></span></p><p>ი. მოდებაძე (დილა) 13</p><p>გ. პაპუნაშვილი (დინამო თბ) 11</p><p>ჯ. დვალი (ზესტაფონი)* 10</p><p>ო. კვერნაძე (ტორპედო) 9</p><p>შ. ლომია (ზუგდიდი) 9</p><p>დ. სიჭინავა (კოლხეთი/სიონი) 9</p><p>გ. ბერიაშვილი (დინამო ბთ) 8</p><p>ნ. კაჭარავა (ცხინვალი) 8</p><p>შენიშვნა: * - ჯაბა დვალი კარიერას მოლდოვის "დაჩიაში" განაგრძობს</p><p><span style="color: #3366ff;"><strong>მომდევნო (XXVII) ტური</strong></span></p><p><span style="text-decoration: underline;">8 მაისი, პარასკევი</span></p><p>მერანი-მეტალურგი</p><p>ვიტ ჯორჯია-შუქურა</p><p><span style="text-decoration: underline;">9 მაისი, შაბათი</span></p><p>დილა-კოლხეთი</p><p>დინამო (ბთ)-დინამო (თბ)</p><p>გურია-სამტრედია</p><p>ტორპედო-სიონი</p><p>ცხინვალი-ზესტაფონი</p><p>ზუგდიდი-ჩიხურა.</p><p><strong>ყოველდღიური სპორტული გაზეთი "ლელო"</strong></p>
სარეკორდო ტრანსფერი - "ტორპედომ" მამუჩაშვილი დაიმატა და გიგაური გაუშვა
"იბერია 1999"-მა კოტ-დ'ივუარის ნაკრების ფეხბურთელი დაიმატა
"დილას" იტალიელი მწვრთნელი ჩაუდგა სათავეში
გუგეშაშვილი "პაოკში" წარადგინეს - ძირითადი მეკარე გუნდს ტოვებს
38 წლის ჟირუ MLS-დან ლიგა 1-ში ბრუნდება - ცნობილია სად ითამაშებს ვეტერანი
ილია თოფურიამ სასურველი მეტოქე დაასახელა
"ამ ფეხბურთელს ვაღმერთებ" - ბრედ პიტი
[VIDEO] "რეალის" ლამაზი გოლები "ზალსბურგთან" - ალონსოს გუნდმა ჯგუფში პირველი ადგილი დაიკავა და "იუვენტუსს" შეხვდება
"ლივერპულმა" "ნაპოლის" თავდამსხმელი ძვირად დაუფასა
"დილა" სუპერთასის პირველი ფინალისტია
Tutto Juve: ეს შანსი გამოსაყენებელია - მიქაუტაძის შეძენის სურვილი იტალიურ გრანდსაც აქვს
ლუნინი "რეალს" მხოლოდ ერთ შემთხვევაში დატოვებს
ფედელე: კვარაცხელიას შეცვლა? - მხოლოდ ღმერთის იმედი უნდა გვქონდეს
2022 წლის შემდეგ პირველად - ნიკოლოზ ბასილაშვილი უიმბლდონის ძირითად ბადეში ითამაშებს
რონალდომ "ალ ნასრთან" კონტრაქტი გაახანგრძლივა
ისტორიული დაპირისპირება: საქართველო ირლანდიის წინააღმდეგ მიხეილ მესხის სტადიონზე - ემოციები და მოლოდინები
კასანომ "ნაპოლის" კვარაცხელიას შემცვლელი ურჩია
"ალ ნასრმა" სტეფანო პიოლი გაათავისუფლა
"მანჩესტერ იუნაიტედმა" და "ჩელსიმ" შესაძლოა ფეხბურთელები გაცვალონ
ზაზა ფაჩულიას აკადემია 14-წლამდელთა ჩემპიონატის გამარჯვებულია | მენსანა ვერცხლს დასჯერდა
"თუ მოიგებ, ოქტაგონს შენი სახით მოვწმენდ" - რატომ დაუპირისპირდნენ თოფურია და ცარუკიანი ერთმანეთს?
ქომაგის რეაქცია, მას შემდეგ, რაც დრაფტზე მისმა გუნდმა რუსი კალათბურთელი აირჩია - ვიდეო სოციალურ ქსელში ვირუსულად ვრცელდება [VIDEO]
მესიც საუდის არაბეთში? - "ალ ჰილალის" პრეზიდენტმა მოლაპარაკებები დაიწყო
"თელავი" პლეი-ოფში ითამაშებს; "სამტრედია" გავარდა
თბილისის "დინამომ" "სამტედიადან" ორი ფეხბურთელი დაიმატა
ფიფას საფეხბურთო კონფერენციას ლონდონში ვლადიმირ ვაისი და ზაზა ზამთარაძე დაესწრნენ
ეროვნული ლიგა. XXXIV ტური. "სამტრედია" - "დილა" [LIVE]
ალექსანდრე იაშვილი: ყველას დავანახეთ, რომ შეგვიძლია ასეთ გუნდებთან თამაში და მათი დამარცხება
ზუგდიდი-კოლხეთი 0:1 - ჩემპიონატის პირველი გოლი [VIDEO]
იაშვილი: მიზანია ვიბრძოლოთ პლეი-ოფის საგზურისთვის, მინიმუმ მეორე ადგილისთვის
"ბევრს "სკოლას" ეძახიან, თორემ რეალურად, არც მოედნები აქვთ და არც არაფერი"
34-ე ტური: ჯერ ყველაფერი გასარკვევი რჩება
"კაპიტნისა და ვიცე-კაპიტნის საკითხი ჯერ არ გადამიწყვეტია" - ვილი სანიოლის პრესკონფერენცია
"საბურთალომ" ბულგარეთში გამგზავრებამდე ახალწვეულები წარადგინა
ბოლო წამის პენალტი რომ არა... "საბურთალო" "ტორპედო-ბელაზს" დაუზავდა [VIDEO]
ველით სისტემის შეცვლას - ვილი სანიოლი და საქართველოს ნაკრები სომხეთისთვის ემზადებიან
სანიოლმა უეფას კონფერენციაზე ევრო 2024-ზე მიღებულ გამოცდილებაზე ისაუბრა
კვეკვესკირის როლი გასახდელში დიდია... ეს კონკურენციაა... ბათუმში კარგი საფარი იქნება - სანიოლისა და იაშვილის პრესკონფერენცია
"საბურთალომ" ზურაბ არზიანი დაიმატა და თურქულ შეკრებაზე გაემგზავრა
საქართველოს ნაკრებს დანაკლისი აქვს - ვაისის განკარგულებაში 19 ფეხბურთელი დარჩა
უმაღლესი ლიგის I ტურის მიმოხილვა და სიმბოლური ნაკრები
თბილისის "საბურთალო": გოშაძე, ხარაიშვილი და გრიგალაშვილი ნაკრებში
2024 წლის სეზონი დასრულებულია! "იბერია 1999"-მა ჩემპიონის ფარი აღმართა
გიორგი ხარაიშვილი: ეს შანსია, ეროვნული გუნდის სამწვრთნელო შტაბს თავი მოაწონო
კოლხეთი-მერანი 2:1 - მოგება ზღაპარში
ეროვნული ლიგა. XXXV ტური. "თელავი" - "სამტრედია" [LIVE]
გია გეგუჩაძე: ნიჭიერ ბავშვებს თბილისში ჩამოსვლა აღარ დასჭირდებათ
ალექსანდრე იაშვილი: ანტალ იაკობაშვილთან საუბარი გვქონდა, მაგრამ სამწუხაროდ, მას უნგრეთის ნაკრებში სურს თამაში