ალაშკერტი-დინამო 1:1 - მშვიდად, თავდაჯერებით, კლასით... [VIDEO]

ჩემპიონთა ლიგა. II საკვალიფიკაციო ეტაპი. საპასუხო მატჩი თბილისის "დინამომ" ერევანში ფრედ ითამაშა სომხურ "ალაშკერტთან" და ჩემპიონთა ლიგის III საკვალიფიკაციო ეტაპისკენ გაიკვალა გზა.ამ სტადიაზე ჩვენი ჩემპიონის მეტოქე დღეს, 20 ივლისს გაირკვევა ზაგრების (ხორვატია) "დინამოსა" და სკოპიეს (მაკედონია) "ვარდარის" ჯახში. პირველი თამაში ხორვატებს მაკედონიაში 2:1 აქვთ მოგებული და წყვილის უპირობო ფავორიტები არიან......მაგრამ ჩვენ ჯერ ერევნის მატჩს მივხედოთ. იმთავითვე ვთქვათ, რომ "დინამომ" აბსოლუტურად დაიმსახურა შემდეგი ეტაპის საგზური. იურაი იარაბეკის შეგირდებმა პირველივე ტაიმში მოათავეს საქმე, როცა მეტოქის კარში ესოდენ სასურველი გოლი გაიტანეს.გაუსაძლის, 35-გრადუსიან სიცხეში თამაშს არცთუ ბევრი მაყურებელი დაესწრო. ეს იმის მიუხედავად, რომ შეხვედრის ორგანიზატორებმა მატჩზე უფასო დასწრება გამოაცხადეს. უნდა აღინიშნოს, რომ "დინამო" მაგრად გაამხნევეს მისმა ქომაგებმა და ამ მხრივ, აშკარად აჯობეს ერევნელ გულშემატკივრებს.იარაბეკმა თამამი, ორშემტევიანი ტაქტიკა აირჩია, "დინამომ" მოწინააღმდეგეს უმკაცრესი პრესინგი დაუწესა და პირველ ტაიმში დაჯაბნა კიდეც. იყო რამდენიმე საგოლე მომენტი და ამათგან თბილისელებმა მხოლოდ ერთი გამოიყენეს - ლადო დვალიშვილი მარცხენა ფლანგიდან შეიჭრა საჯარიმოში და გასწვრივი გადაცემა გააკეთა. თითქოს, ბურთი მეკარის უნდა ყოფილიყო, მაგრამ კასპაროვმა ის ვერ დაიმორჩილა და იქვე გაჩნდა ჯაბა ჯიღაური, რომელმაც უპრობლემოდ დააგვირგვინა შეტევა.ეს მოხდა 22-ე წუთზე. მანამდეც და მერეც პირველ ტაიმში თამაში "დინამოსი" იყო. კარგი მომენტები ჰქონდათ კიტეიშვილს, ქვილითაიას (ორჯერ), ტაიმის ბოლოს გატანა ჭელიძესაც შეეძლო.პირველი ნახევრის დასრულებას ბევრი აღარაფერი აკლდა, როცა ტრიბუნებზე ჩოჩქოლი ატყდა, მაგრამ სომხურმა პოლიციამ სიტუაცია მალევე დააშოშმინა...მართალია, მეორე ტაიმი "ალაშკერტმა" გაცილებით უკეთ ჩაატარა, მაგრამ ამის მიუხედავადაც, "დინამოს" მოგება შეეძლო. ეგ იყო მხოლოდ, რომ მეორე ტაიმის დასაწყისში დასანანი გოლი გავუშვით. მანამდე, ქვილითაიას ჰქონდა ძალიან კარგი მომენტი, როცა ხელსაყრელი სიტუაციიდან თავით ურტყამდა, მერე კი იყო გიორგი პაპუნაშვილის უძლიერესი დარტყმა, მაგრამ ბურთი ხარიხას მოხვდა, ხოლო სულ ბოლოს ჯიღაურს შეეძლო გატანა, მაგრამ მიზანს ააცილა.მოკლედ, 1:1 და "დინამო" ძალების განსაკუთრებული დაძაბვის გარეშე, მშვიდად, თავდაჯერებითა და კლასის ხარჯზე გავიდა III საკვალიფიკაციო ეტაპზე.მატჩის შემდეგიურაი იარაბეკი: "რა თქმა უნდა, მძიმე თამაში იყო. პირველ ტაიმში სრულად ვაკონტროლებდით თამაშის მსვლელობას. გვქონდა სამი აშკარა საგოლე მომენტი. მეორე ტაიმშიც გვქონდა მომენტი, მაგრამ ვერ გავიტანეთ... მადლობა ბიჭებს! ჩვენ გადავწყვიტეთ ამოცანა და გავედით შემდგომ ეტაპზე...რაც შეეხება მარცხენა მცველის პოზიციას, ტრავმირებული შპიჩიჩის არყოფნაში, ვფიქრობდი, ამ პოზიციაზე თევზაძე დამეყენებინა თუ ჭელიძე. გავითვალისწინე ის, რომ მეტოქე ძალიან სახიფათოა სტანდარტული სიტუაციებისას და ჭელიძის სასარგებლოდ გავაკეთე არჩევანი. თევზაძე კარგი ფეხბურთელია და მას შანსი აუცილებლად მიეცემა...ამაღამ მივფრინავ ზაგრებში, სადაც "დინამოსა" და "ვარდარის" საპასუხო შეხვედრას დავესწრები. ზაგრების "დინამო" კარგი გუნდია. მისი ფეხბურთელების საერთო ფასი 75 მილიონს აღწევს, თუმცა ყველა თამაში 0:0-დან იწყება...ზაგრების "დინამო" ფავორიტია და ეს ჩვენთვის კარგია. ყველაფერს გავაკეთებთ იმისთვის, რომ ქართველი გულშემატკივარი მომავალშიც გავახაროთ".ალეკო ამისულაშვილი: "შეგვეძლო დღევანდელი თამაშის მოგებაც, მაგრამ საბოლოო შედეგით მაინც კმაყოფილები ვართ. რაც შეეხება ზაგრების "დინამოს" ფავორიტობას, არც "მეორე ნომრად" თამაშია პრობლემა, თუ ეს საჭირო გახდება... მინდა მადლობა გადავუხადო გულშემატკივარს, რომელიც ბოლომდე გვერდით გვედგა".ლადო დვალიშვილი: "ჩვენთვის სასურველ შედეგს მივაღწიეთ. ახლა ისღა დაგვრჩენია, დაველოდოთ ჩემპიონთა ლიგის მატჩის შედეგს, სადაც ჩვენი მეტოქე გაირკვევა. ალბათ, ეს ზაგრების "დინამო" იქნება. მონდომებისა და თავდადების ხარჯზე, ყველაფრის მიღწევაა შესაძლებელი".ჩემპიონთა ლიგა. II საკვალიფიკაციო ეტაპი. საპასუხო მატჩი19.07. ერევანი. "ვაზგენ სარქსიანი". 3 000 მაყურებელი ალაშკერტი-დინამო 1:1 (<a href="/fexburti/qarthuli-fekhburthi/skhvadaskhva/94070-dinamo-alashkerti-20-ufro-shemqmneli-mravalferovani-da-sashishi-videophoto.html" target="_blank">პირველი მატჩი 0:2</a>)გოლები: 0:1 ჯიღაური (22), 1:1 გოზალიანი (51)ალაშკერტი: კასპაროვი, ვოსკანიანი, ტაშიჩი, მურადიანი, დაშიანი (76. ღაზარიანი), ი. კვეკვესკირი, არტაკ იედიგარიანი, მინასიანი, არტურ იედიგარიანი (65. მელქონიანი), გრიგორიანი (84. ვერონიანი), გოზალიანი.სათადარიგოები: ბეგლარიანი, პოღოსიანი, ჰოვსეპიანი, სავინიმწვრთნელი: აბრამ ხაშმანიანიდინამო: სკრიბე, ლობჟანიძე, რენე ფერეირა, ამისულაშვილი, ჭელიძე, ჯიღაური, პარუნაშვილი, კიტეიშვილი (68. პაპუნაშვილი), ჭანტურიშვილი (84. კურიე), დვალიშვილი, ქვილითაია (62. ცინცაძე).სათადარიგოები: ლომაია, გელაშვილი, ალვარო, თევზაძემწვრთნელი: იურაი იარაბეკიგაფრთხილება: ამისულაშვილი (51), გრიგორიანი (58), ი. კვეკვესკირი (70)არბიტრი: მოჰამედ ალ ჰაკიმი (შვედეთი)<a href="/fexburti/evroturnirebi/chempiontha-liga/94308-legioni-chempiontha-ligashi-vako-gvilias-bate-shemdeg-etapzea.html" target="_blank">იხილეთ სხვა მატჩების შედეგები</a>(იბეჭდება მცირე ცვლილებით)ყოველდღიური სპორტული გაზეთი "ლელო"

vato

შენელებული კადრებია?
datiko48

ჩვენმა ფეხბურთელებმა უნდა ისწავლონ კარში დარტყმა,რამდენი გოლის გატანა შეეძლოთ და ააცილეს,ძველად მიდიოდა ვარჯის დროს დარტყმის სწავლება სხვადასხვა კუთხიდან,ასე რომ უნდა დაფიქრდნენ მწვრთნელები!!!
andria

ვისაც ალაშკერტთან გამარჯვება რამე გგონიათ,წადით და თავები ჩამოიხრჩეთ! ნახეს საამაყო :) :) :)
ლუკა

თუ მოედანზე ხარ გუნდს ან ეხმარები, ან ვერ ეხმარები. თუ ვერ ეხმარები ე.ი. შენს გასაკეთებელს თანაგუნდელები აკეთებენ და იმათ თავიანთი საქმის გარდა შენი გასაკეთებელი ზედმეტ ტვირთად აწვება და ღლის. ჭანტურიშვილი, პარუნაშვილი და ქვილითაია ორივე თამაშში ძალიან, ძალიან სუსტები იყვნენ. ასეთ ფეხბურთელებს დინამოში ადგილი გარანტირებული სულაც არ უნდა ქონდეთ. მათი შემცვლელები საქართველოს ჩემპიონატში მრავლად მოიძებნებიან. არ ესმის ზოგიერთ დინამოელს თუ რამხელა პასუხისმგებლობა აქვს ქართული ფეხბურთის წინაშე. მიუხედავად სუსტი წერტილებისა დინამო არენა გადაიჭედება თუ ამ ხარვეზებს დინამოელები გამოასწორებენ ზაგრებში და გამსვლელ შედეგს დადებენ. დინამო იმსახურებს გულშემატკივრის გვერდში დგომას დღეს ისე როგორც არასდროს.
ალეკსანდრე

იმედია ზაგრებში სხვანაირად ითამაშებენ,მეკარე აშკარად სუსტია,ჩვენ გასაცოდავებულ ჩემპიონატშიც კი უკეთესის შოვნა შჰეიძლება
soso

Dinamom epizodebshi kargad itamasha.magram karshi amdeni arazustidartkma aravis epatieba.
Dato

ვინც ვერ ხვდება, რომ ალაშკერტს კლასით დინამომ აჯობა და არა თუ აჯობა, ერთი თავით მაღლა იდგა, არ გეწყინოთ და, იმას ფეხბურთის არაფერი გაეგება.
status quo

ააა,კლასით არა? ვაი თქვენს პატრონს.
levani

რა კლასი, რა სტრატეგია? სამწუხაროდ მეორე ტაიმს ვუყურე და მრცხვენოდა რასაც ქვია. რა ევრო ტურნირები??? ორი ზუსტი პასი არ კეთდება თუ ბურთი ბალახზე არ გორავს. ალაშკერტზე ოდნავ მაღალი დონის გუნდი, სამარცხვინო დღეში ჩაგვაგდებდა. კიდევ კარგი, გადავრჩით.
rosto

ერთი გუნდი დაგვრჩა ევროპაზე ხალხო და დავუდგეთ გვერდით სანამ დაგვრჩა
gio

მართა;ია ამათ კლასით ვაჯობეთ. ზაგრებთან უნდა ვიომოთ. მწვრთნელს კიდე არავინ ცვლის შუა მდინარეში
tbiliseli

დინამო მაღლა იდგა ალაშკერტზე კლასით ითამაშეს იმდენი რამდენივ საჭიროა/ შანსი არ მისცეს მეტპქეს. რაც შეეხება ზაგრების დინამოს ობიექტურად ძლიერია ჩვენზე და რატო არ უნდა იყოს, როცა ხორვატიის მაკრების მეკარე ყავს პიაცა ყავს როგი ყავს. და მაინც შანსი არის
gocha123

ras nishnavs mshvidad da dzalebis dazogvit?anu dzalebi rom ar daezogat moigebdnen e.i tanxas mets miigebdnen.hoda ketili inebet da chamoacherit eg tanxa biujetidan...
dato - რეალობა

იარბეკის არიყოსთქო დინამოს თამაშში კლასი სად დაინახათქო ეს დავცერე და არა ............................. რატო სახელებს არ წერთ, წერტილები არ დამიწერია.........
dato - რეალობა

.............. არ იყოს, სად დაინახა დინამოს ტამაშში კლასი ? ნორმალური არც პასები არც კომბინაციები და გუნდური თამაშის ნატამალი არ იყო.... ეტყობა სხვა თამაშს უყურა :-) მწვრთნელია შესაცვლელი სასცრაფოდ ! მერამდენე კომენტარი უნდა დამიბკლოკოთ თ.....................
Geo

შედეგი რათქმაუნდა მისაღებია, თუმცა გამოჩნდა რომ ეს ეტაპი მაქსიმუმია იმის, რისი მიღწევაც ამ დინამოს შეუძლია. რათქმაუნდა გულით და სულით ვუსურვებ წსრმატებას ზაგრებთან, მაგრამ არამგონია რამეს მიაღწიონ ამ კლასით და ამ ტემპით. რატომ ყიდულობს ფიფია ამ არაფრისმთქმელ ფეხბურთელებს? ერთადერთი ჩისკო ყავდა წლების წინ ვისი ნახვაც ღირდა მოედანზე. თუ შედეგი გინდა ზაგრების დონის გუნდთან, მინიმუმ 4-5 "ჩისკო"-ა საჭირო. პაპუნაშვილს მეტი დრო მიეცით. კაი ბიჭია
miriani

გუშინდელი მატჩი ისე ითამაშეს როგორც უნდა ეთამაშათ. გაიტანეს გოლი და მერე ბურთის გორებას მიყვნენ 35 გრადუს სიცხეში. თავის მოკვლა არ იყო საჭირო. მთავარია თავში არ აუვარდეთ. ეს ალაშკერტი კლასის საზომად აშკარად არ გამოდგება. რანი ვართ ამას ზაგრებთან თამაში გვიჩვენებს. ისე საინტერესოა ახლა რას ფიქრობს კარენა პენალტების სერიაში ალაშკერტი რომ გაყავდა შემდეგ ეტაპზე. კარენ ჯან სადა ხარ გვითხარი რამე!
გივია

ისეთი შთაბეჭდილება იქმნებოდა დინამოს რო დასჭირვეობდა 3-4 ბურთის სხვაობით მოუგებდა ალაშკერტს. იმედია მეორე ტამში ბიჭებმა უბრალოდ აღარ მოინდომეს და აღარ ითამაშეს თორე ასეთი მეორე ტაიმი არ გვეკადრებოდა. ასე ზაგრებთან უბრალოდ უშანსოდ ვიქნებით. პირველი ტაიმი მართლაც გავდა საშუალო ევროპული გუნდის თამაშს რომელსაც მაღალი მიზნებისათვის ბრძოლა შეუძლიათ. იმედია პირველივე თამაშში არ დავკარგავტ შანსებს.
c

სასწრაფოდ! გვჭირდება მეკარე მაღალი კლასის ეს მეკარე რისი მაქნისია კარგაD გამოჩნდა.. იქნებ ლომაიას მისცეს შანსი ან მოიწვიოს თუნდაც კვასხვაძე, ერთი ცენტრ-ფორვარდი და ერთი ჩამშლელიც გვჭირდება, იმედია ხალხის ხმას გაიგებენ და აზრს გაითვალისწინებენ.. მეკარე პირველ რიგშიი და თავდამსხმელი.
kaxa

Aqac aralearuli daskvnebi ra shansi ris ligaze moxvedra amoavsebs zagrebi da tundac vardari dinamos geyot geyot tvalebshi nacris seyra an am pipias ... arshemdgar pexburtelebs rom yidulobs waakitxet vinmem dzmurad es gasayrelia 90%fexburtelebis gundidan azrze ar arian rqven ra ggoniat .... arian evropashi da msoolioshi tundac chinelebi miluonebs rom ixdian pexburtelebshi uaghresad rtuli da dzneli tamashia moitxovs udides inteleqts talants shromismoyvareobas da yvelapris gacemas da kide umtavresi discuplinas da rezhims rac qartvel fexburtelebis99%ar aaqvs
თემური

მიუხედავად შეცდომებისა, ეს დინამო ბოლო თაობის ყველაზე კარგია, ნიჭიერი ბიჭები არიან, ამ გუნდით გარკვეული წარმატებების მიღწევა შეიძლება...
dato

იმედია პირველი თამაშები იყო და ბოლომდე ვერ გაიხსნენ, ისეთი დაბალი დონის გუნდი როგორიც ალაშკერტი იყო ის თამაში რაც ვაჩვენეთ საკმარისი იყო, მაგრამ ძალიან მოსამატებელი აქვს მთლიანად გუნდს თორემ გაუჭირდებათ ძალიან შემდეგ ეტაპზე, ერთიც არის რო ამ გუნდთან თამაშით ბოლომდე ვერც შევაფასებთ, იმედია მოუმატებენ და თან ბოლომდე დახარჯვით და თავდადებით გადალახავენ შემდეგ ეტაპს, წარმატებებს უსურვეფ ჩვენ ბიჭებს.
დინამო

ეს პარუნაშვილი არ მომწონს და თუ არ ვარგოდა ალვარო რაღას დააბრუნე, მოკლედ საყრდენის პოზიციაზე პრობლემები გვექნება, იქნება ცინცაძე ჩადგეს ფორმაში, ან რამე არის მოსაფიქრებელი, ეს ველევი შეიძლება მგონი მანდ დაყენება..... პარუნაშვილს გათელავენ :(

საქართველოს ამერიკული ფეხბურთის ნაკრების წარმატება

"ლივერპულს" კვლავ განადგურების შეეშინდა - უცხოური მედია "დინამოს" ტრიუმფს იხსენებს

მიზანი ერთია, დიადი ნათელი - ცნობილი გახდა ანჩელოტის ამოცანა და ხელფასი

20 წ. | მსოფლიომდე ინგლისთან

თოფურია vs ოლივეირა: დიდ დაპირისპირებამდე – წინასწარი ანალიზი და მოლოდინები

"მათ კომპლექსები არ გააჩნიათ" - ლაპორტა "ბარსელონას" ფეხბურთელებზე

დღეს საფრანგეთის ჩემპიონატი დასრულდება - ხვიჩას ოქრო და სხვა ქართველების ამბები...

[VIDEO] ბრწყინვალე იამალის გოლი და საგოლე პასი - "ბარსელონა" ვადამდე გახდა ჩემპიონი

[VIDEO] უმძიმესი კადრები "ელ პრატიდან" - "ესპანიოლი" "ბარსელონას" მატჩი რამდენიმე წუთით შეჩერდა

ლეგენდა მიდის - "ლიონის" მთავარი თავდამსხმელი მიქაუტაძე გახდება

ევროპის ჩემპიონატზე საქართველოს ნაკრების მეტოქეები ცნობილია

Ballon d'Or 2025: კვარაცხელია რეიტინგში კიდევ უფრო დაწინაურდა

მოურინიოს პორტუგალიის ნაკრების მწვრთნელად არ დანიშნავენ

მარადიშვილი საქართველოს ნაკრების ფეხბურთელი უნდა გამხდარიყო, ახლა კი შეიძლება კარიერის დასრულება მოუწიოს

"ესპანელი ბიჭუნა ხარ" - მახაჩევმა თოფურიას მიმართა

პსჟ გოლების მანქანის შეძენას გეგმავს

"რეალისთვის" ყველაფერი გავაკეთე" - კარლო ანჩელოტი

სუპერლიგის ფინალურ სერიაში "ქუთაისი" და თსუ შეერკინებიან

ფეხბურთელი, რომელმაც კვარასთან ერთად სკუდეტო მოიგო, სერია C-ში ითამაშებს

"დე ბრუინს "ნაპოლის" შესახებ ეს უთხრეს" - ცნობილმა იტალიელმა ჟურნალისტმა ბელგიელზე ისაუბრა

"ქართული ფეხბურთის ხარისხი იზრდება და ეს შთაგონება სხვა პატარა ქვეყნებისთვისაცაა" - სავიოლა ლეგენდების მატჩის წინ

"იცით, "ალავესის" ფეხბურთელმა რა მითხრა?" - მამარდაშვილი

უარი "ლივერპულს" და "ჩელსის" - ალონსოს ინიციატივით "რეალმა" პირველი ტრანსფერი შეათანხმა

გიორგი პაპუნაშვილმა და კიდევ ოთხმა ფეხბურთელმა "ტორპედო" დატოვა

დაბრუნებაც, დებიუტიც... "იბერია 1999"-მა და "დინამო ბათუმმა" მოიგეს, ერთი მატჩი ფრედ დასრულდა

გიორგი პაპუნაშვილი: "ტორპედოს" შეუძლია ჩემპიონობისთვის იბრძოლოს

ეროვნული ლიგა. I ტური. "დინამო" (ბთ) - "დინამო" (თბ) [LIVE]

ბათუმის "დინამომ" ჯიღაურისა და კუჩინსკის პრეზენტაცია მოაწყო

ვახტანგ ჭანტურიშვილი უკრაინულ "ოლეკსანდრიაში" ითამაშებს

ჯიღაურის დუბლი აზიის ჩემპიონთა ლიგაზე - ორი ქართველის გუნდი პლეი-ოფში გავიდა, მესამეს კარგი შანსი აქვს [VIDEO]

ქართული კლუბები ევროტურნირების გზაზე - კონკურენცია, პრობლემები და ნაკრების კანდიდატები

საქართველოს ჩემპიონატი და ლეგიონერები: სარეკორდო სეზონი

[სავარაუდო ტრანსფერი] ვახტანგ ჭანტურიშვილი ტრნავის "სპარტაკში"?

[მკითხველთა ფორუმი] ნაკრების პრობლემა - ვინ დაგვიცავს მარჯვენა ფლანგზე?

თვითმხილველის ნაამბობი: "დინამო", სომხეთი, არგენტინელები და გულწრფელი სურენი...

გიორგი ქვილითაია: უპირატესობის მიუხედავად, რთულ თამაშს ველით

უჩა ლობჟანიძე: მზად ვარ 90 წუთის სათამაშოდ, დანარჩენს მწვრთნელი გადაწყვეტს!

ტაბატაძემ გაიტანა, ნეიმარი მსაჯმა დაინდო - გველესიანი რონალდოს დაუპირისპირდება [VIDEO]

ჯაბა ჯიღაური: უშეღავათო ბრძოლის მოლოდინად ვართ!

ეროვნული ლიგა. V ტური. "დინამო" (თბ) - "გარეჯი" [LIVE]

ალაშკერტი VS დინამო - ჩვენ ერევანში გოლის გასატანად ჩამოვედით!

[ექსკლუზივი] რომან ფიფია: ისეთი ლეგიონერები ჩამოვლენ, გაგიხარდებათ!..

ეროვნული ლიგა. IV ტური. "თელავი" - "დინამო" (თბ) [LIVE]

კოხრეიძე საფრანგეთის ლიგა 2-ში? გიორგი ერთ-ერთ ლიდერს აინტერესებს

იარაბეკს ჭანტურიშვილი და პარუნაშვილი სლოვაკეთში მიჰყავს?

"იბერია 1999"-მა და "დილამ" მოიგეს, ფოთში ფრე დაფიქსირდა

Geo Team: გიორგი პაპუნაშვილი კარიერას სერბეთში გააგრძელებს

"დილამ" სტუმრად "ტორპედოს" მოუგო; ორი მატჩი ფრედ დასრულდა

ვოლკოვის და პაპუნაშვილის "ზირამ" "ომონიას" მოუგო, მაგრამ ევროტურნირებს გამოეთიშა

დღის კარიკატურა: თბილისის "დინამომ" ერთი წინაღობა დასძლია

მარუსიჩმა თბილისის "დინამო" დატოვა და უკვე ახალ გუნდშიც წარადგინეს

"ტორპედოს" მძლეველმა "ომონიამ" ვოლკოვის "ზირა" გაანადგურა

ლაშა პარუნაშვილი: ამისთვის ათი წელი მაინც გვჭირდება...