ევრო 2016. VIII ტური. A ჯგუფი: ისლანდია და ჩეხეთი ევროპაზე, ჰოლანდია? [VIDEO]

ჩეხეთის ეროვნულმა გუნდმა გასვლაზე ლატვიის ნაკრები დაამარცხა და ევროპის ჩემპიონატის საგზური მოიპოვა. ქებათა ქება ჩეხებს, რომლებსაც აღარ ჰყავთ პაველ ნედვედის დონის ფეხბურთელები, მაგრამ შესარჩევი ეტაპი ერთი ამოსუნთქვით გაიარეს და საფრანგეთშიც დამსახურებულად გაემგზავრებიან.

ევროპის ჩემპიონატის შესარჩევი ეტაპის მთავარი სენსაციები სწორედ A ჯგუფში ხდება, სადაც ერთი მხრივ, ისლანდიის ნაკრები დაფრინავს და მეორე მხრივ, ჰოლანდიაა შავ დღეში.

ყველაზე საინტერესო მატჩი სტამბულში გაიმართა, სადაც თურქებმა სწორედ ჰოლანდიელები მიიღეს და სამი უპასუხო გოლი გაუტანეს მეტოქეს. მასპინძლებმა სწრაფი გოლი შეაგდეს და ნახევარი საათი არ იყო გასული, როდესაც ორი ბურთის სხვაობით იგებდნენ - დარჩენილი დრო ჰოლანდიელთა უხეირო შეტევებსა და თურქთა მწვავე კონტრიერიშებში გაილია; საბოლოოდ, ფათიჰ თერიმის შეგირდებმა მესამე შეაგდეს და მოამთავრეს კიდეც საქმე. სატურნირო ცხრილში, ჰოლანდია მეოთხე ადგილზე დაეშვა და დიდია შანსი, ევროპის ჩემპიონატს მიღმა დარჩეს.

ჩეხეთის მსგავსად, ისლანდიაც ევროპის ჩემპიონატზეა და ამისთვის კუნძულელებს ყაზახეთთან ფრეც ეყოთ. ისლანდიელებმა არ გარისკეს, ფრეზე თავიდანვე ყაბულს სჩანდნენ და მიიღეს კიდეც ის, რაც უნდოდათ.

ლატვია-ჩეხეთი 1:2
გოლები: 0:1 ლიმბერსკი (13), 0:2 დარიდა (25), 1:2 ჟუზინსი (73)
ლატვია (4-5-1): ვანინსი - ფრეიმანისი (33. გაბოვსი), დუბრა, გორკსი, მაკსიმენკო - რაკელსი, ფერტოვსი, ტარასოვსი, ჟუზინსი, კამესი (29. ა. ვიშნიაკოვსი) კარასაუსკსი (66. ცაუნია)
ჩეხეთი (4-4-2): ჩეხი - კადერჟაბეკი, სუხი, პროხაზკა, ლიმბერსკი - პაველკა, დარიდა, დოჩკალი (90. სელასი), სურალი (77. ვანეკი) - კოლარი (54. კრეჩი), შკოდა
გაფრთხილება: დუბრა, მაკსიმენკო (ლატვია)
კუთხური: 3-4; ჯარიმა: 8-12; თამაშგარე: 2-2; კარში დარტყმა: 7-10 (3-8); ბურთის ფლობა: 43%-57%
მაყურებელი: 8 000

თურქეთი-ჰოლანდია 3:0
გოლები: 1:0 ოზბაირაკლი (8), 2:0 თურანი (26), 3:0 ილმაზი (85)
თურქეთი (4-2-3-1): ბაბაჩანი - ოზბაირაკლი, აზიზი, ბალთა, ერქინი - თუფანი (66. თოფალი), ინანი - ჩალჰანოღლუ, ოზუაკუპი (83. შაჰანი), თურანი (57. შენი) - ილმაზი
ჰოლანდია (4-3-3): სილესენი - ვან დერ ვილი, ბრუმა, დე ვრეი (46. ვინალდუმი), რიედევალდი - კლაასენი, ბლინდი (74. დე იონგი), სნეიდერი - დეპაი, ნარსინგი (68. პრომესი), ვან პერსი
გაფრთხილება: ბალთა, ოზბაირაკლი, თურანი, ოზუაკუპი, თუფანი - ვან დერ ვილი, ვან პერსი
კუთხური: 2-5; ჯარიმა: 12-10; თამაშგარე: 1-5; კარში დარტყმა: 8-9 (4-4); ბურთის ფლობა: 38%-62%
მაყურებელი: 42 000

ისლანდია-ყაზახეთი 0:0
ისლანდია (4-4-2): ჰალდორსონი - საევარსონი, არნასონი, რ. სიგურდსონი, სკულასონი - გუდმუნდსონი, გ. სიგურდსონი, გუნარსონი, ბიარნასონი - სიგტორსონი, ბოვარსონი (85. კარტანსონი)
ყაზახეთი (4-2-3-1): პოკატილოვი - გორმანი, მალი, ლოგვინენკო, სუმბაიევი - სმაკოვი, კუატი - ჯოლჩიევი (46. მერკელი), ისლამხანი, კონუსბაევი - ნუსერბაევი (76. სჩელკინი)
გაფრთხილება: გუდმუნდსონი - სუიმბაევი, ლოგვინენკო, ნუსემბაიევი, ჯოლჩეიევი, მერკელი
გაძევება: გუნარსონი (89. ისლანდია)
კუთხური: 7-0; ჯარიმა: 12-20; თამაშგარე: 2-1; კარში დარტყმა: 6-3(2-1); ბურთის ფლობა: 55%-45%
მაყურებელი: 15 000

თ მ ფ წ ბ ქ
ისლანდია 8 6 1 1 15-3 19
ჩეხეთი 8 6 1 1 16-10 19
თურქეთი 8 3 3 2 11-9 12
ჰოლანდია 8 3 1 4 13-10 10
ლატვია 8 0 4 4 4-16 4
ყაზახეთი 8 0 2 6 5-16 2

მომდევნო ტური
10 ოქტომბერი:
ისლანდია-ლატვია, ყაზახეთი-ჰოლანდია, ჩეხეთი-თურქეთი.

ყოველდღიური სპორტული გაზეთი "ლელო"