U19: ინგლისის ნაკრები ევროპის ჩემპიონია [VIDEO]

15 ივლისს გორში დასრულდა ევროპის 19-წლამდელთა ჩემპიონატი. თენგიზ ბურჯანაძის სახელობის სტადიონზე ფინალში პორტუგალიისა და ინგლისის ნაკრებები დაუპირისპირდნენ ერთმანეთს, ინგლისელებმა 2:1 მოიგეს და ევროპის ჩემპიონები გახდნენ.

აღსანიშნავია, რომ ამ ასაკში ინგლისში ევროპის ჩემპიონი ისტორიაში პირველად გახდა.

ფინალურ შეხვედრას გორში 4 100 გულშემატკივარი დაესწრო.

მეორე ტაიმის დასაწყისში ისა სალიმენმა საჯარიმო დარტყმით გახსნა ანგარიში. ამის შემდეგ დიუჟონ სტერლინგმა საკუთარი კარი დალაშქრა და ანგარიში გათანაბრდა.

68-ე წუთზე ლუკას ნმეტჩამ ინგლისს ტიტული მოუპოვა. 86-ე წუთიდან ინგლისელები 10 კაცის ამარა აგრძელებდნენ თამაშს, თუმცა კიტ დაუნინგის ბიჭებმა გოლი აღარ გაუშვეს.

შეგახსენებთ, რომ ტურნირზე საქართველოს 19-წლამდელთა ნაკრებიც მონაწილეობდა. გიორგი ყიფიანის გუნდი ჯგუფში მესამე ადგილზე გავიდა და პლეი ოფში ვერ გავიდა.

გორი, "თენგიზ ბურჯანაძე"
U19. პორტუგალია-ინგლისი 1:2
გოლები: 0:1 სულიმანი (50), 1:1 სტერლინგი (ს.კ.) (56), 1:2 ნმეჩა (68)
გაფრთხილება: 54", 86" ედანი, 67" პირეში, 90" რემსდეილი
გაძევება: 86" ედანი

პორტუგალია U19: დიოგო კოშტა, დალოტი, დ. კეიროში, აბდუ კონტე (78" კეტა), პირეში, ჟოაო ფილიპე (56" ლეაო), ჟედსონ ფერნანდეში, მესაკე (75" მიგელ ლუიში), რუი პედრო, ჟ. კეიროში, კინა

სათადარიგო შემადგენლობა: ლეიტე ფიგეირა, ლეიტე, პასი, ფლორენტინო

მთავარი მწვრთნელი: ელიო სოუსა

ინგლისი U19: რემსდეილი, სტერლინგი, ჯეი დასილვა, ედანი, სულიმანი, ბაკლი-რიკეტსი (84" ედვარდსი), დოზელი (77" და სილვა), მაუნთი, სესენიონი, ნმეჩა (73" ბრერეტონი), ჯონსონი

სათადარიგო შემადგენლობა: ტროტი, მედოქსი, ჯეიმსი

მთავარი მწვრთნელი: კიტ დაუნინგი

მსაჯები: სრდიან იოვანოვიჩი (სერბეთი), ტიბო ნიისენი (ბელგია), იური ხომჩენკო (ბელარუსი), ოლა ჰობერ ნილსენი (ნორვეგია)