სლოვაკეთის 21 წლამდე ფეხბურთელთა ნაკრების მთავარმა მწვრთნელმა ადრიან გულამ საქართველოსთან გამართული შეხვედრის შემდეგ პრესკონფერენციაზე ჟურნალისტების შეკითხვებს უპასუხა.
"ჩვენი მხრიდან შესანიშნავ გუნდურ მოქმედებას ჰქონდა ადგილი. ძალიან კარგად ვითამაშეთ და მინდა ვთქვა, რომ საოცარი თაობა გვყავს. ლოჩოშვილის გაძევება დაგვეხმარა, ბუნებრივია, თუმცა, დარწმუნებული ვარ, მოედანზე თანაბრად რომ ვყოფილიყავით, იგივე შედეგი დაფიქსირდებოდა. ლუკას გაძევების მომენტი ვერ დავინახე, ჩემ ზურგს უკან ხდებოდა ყველაფერი, თუმცა, როგორც ვხვდები, რაღაც დარღვევა იყო.
უნდა აღვნიშნოთ, რომ ძალიან ძლიერ გუნდს მოვუგეთ. ყველამ დაინახა, რომ ქართველებს მაღალი დონის ფეხბურთელები ჰყავდათ და
ჩემს ბიჭებს მათ დასამარცხებლად ბოლომდე დახარჯვა დასჭირდათ. 3:1-ზე, თითქოს ყველაფერი გადაწყვეტილი იყო, თუმცა მოწინააღმდეგემ აჩვენა, რომ შეტევა შეეძლო. ჩვენ თამაშში დავრჩით. ეს დიდი მიღწევაა. ჩემი ფეხბურთელები ასეთ შეხვედრებში იზრდებიან. მიხარია, რომ გავიმარჯვეთ, თუმცა ბევრი სამუშაო გვაქვს კიდევ.
რაც შეეხება დაპირისპირების ეპიზოდს მატჩის ბოლოს, ვიღაც თავზე შემომახტა, თუმცა მე ყვითელი ბარათი უკვე მქონდა და უკან დავიხიე, თავი შევიკავე. სხვებსაც დამშვიდებისკენ მოვუწოდე".
U21. გაძევებები, გინება, ჩხუბი, ფურთხება და საქართველოს ახალგაზრდული ნაკრების დასანანი მარცხი სლოვაკეთთან [VIDEO] 
U21. გია ცეცაძის წითელი ბარათი და დაპირისპირება მატჩის მიწურულს [VIDEO]
![ახალგაზრდული ნაკრები ნიდერლანდებთან დამარცხდა და შვედეთთან გადამწყვეტი მატჩი ელის [VIDEO]](/pictures/image7/c4f6a5aa22d407f90dadbaddd1b0ad6a.jpg "ახალგაზრდული ნაკრები ნიდერლანდებთან დამარცხდა და შვედეთთან გადამწყვეტი მატჩი ელის [VIDEO]")
