მამუკა კობახიძე კარიერას თბილისის "ლოკომოტივში" გააგრძელებს. 24 წლის მცველმა კლუბთან კონტრაქტი 2018 წლის იანვრამდე გააფორმა და 30 ნომრიანი მაისურით ითამაშებს.კობახიძემ გასული სეზონი განათხოვრების წესით, რუსეთის პირველ დივიზიონში, "ნეფტეხიმიკში" გაატარა. ცენტრალურმა მცველმა 2016/2017 წლების სეზონში 21 მატჩი ჩაატარა.
პროფესიონალურ დონეზე მისი კარიერა "ზესტაფონში" დაიწყო, სადაც 2009/2013 წლებში თამაშობდა. იმერული კლუბის მაისურით, კობახიძემ 70 მატჩში 2 გოლი გაიტანა. მომდევნო სეზონი მან განათხოვრების წესით, ვლადიკავკაზის "ალანიაში" გაატარა.
2013 წელს კობახიძე გორის "დილაში" გადავიდა, სადაც "ლოკომოტივის" ამჟამინდელი მთავარი მწვრთნელის, გიორგი დევდარიანის ხელმძღვანელობით თამაშობდა.
კობახიძეს საქართველოს 16, 17, 19 და 21 წლამდე ნაკრებში, ჯამში 28 მატჩი აქვს ჩატარებული. თემურ ქეცბაიას მწვრთნელობის დროს, იგი რამდენჯერმე მოხვდა ეროვნული ნაკრების განაცხადში, თუმცა თამაშის შანსი არ მისცემია.
