"ტორპედოსა" და "საბურთალოს" მატჩის 65-ე წუთზე უსიამოვნო ეპიზოდი მოხდა: ტორპედოელმა გუგა ფალავანდიშვილმა შორი მანძილიდან კარში ძლიერად დაარტყა - ბურთს საბურთალოელი ლადო მამუჩაშვილი გადაეფარა, კეფაში მოხვდა და გონება დაკარგა. - ტორპედო-საბურთალო 2:0 - ქუთაისი ოქროსკენ იწევს [VIDEO]
ექიმებმა მამუჩაშვილი სავადმყოფოში გადაიყვანეს და, საბედნიეროდ, ყველაფერი მშვიდობიანად დასრულდა - თბილისელი ფეხბურთელი გონს მოიყვანეს და გუნდთან ერთად თბილისში იმ დღესვე გამოემგზავრა. გუშინდელი გამოკვლევის შემდეგ კი დადგინდა, რომ მამუჩაშვილს მსუბუქი ფორმის ტვინის შერყევა აქვს.
"ბურთის მოხვედრის შემდეგ გავითიშე და მოედანზე დავეცი, თუმცა, მადლობა ღმერთს, გადავრჩი
მაგრამ რამდენიმე დღით დატვირთვა ამიკრძალეს, 5 ოქტომბრის შემდეგ კი ნელ-ნელა ვარჯიშს შევუდგები. მადლობა გულშემატკივარს და ყველა იმ ადამიანს, ვინც ჩემი მდგომარეობა გულთან მიიტანა", - ამბობს მამუჩაშვილი.
"საბურთალომ" კი განცხადებაში მადლობა გადაუხადა ქუთაისის "ტორპედოს", მის გულშემატკივრებს, ექიმებსა და ყველა იმ ადამიანს, რომლებმაც ყურადღება გამოიჩინეს ფეხბურთელის მიმართ.
(იბეჭდება მცირე ცვლილებით)
ყოველდღიური სპორტული გაზეთი "ლელო"
!["სანამ კინი "ტორპედოს" მწვრთნელია, "ჯუნგლები" ტრიბუნას ვტოვებთ" - "ტორპედოს" ფანების განცხადება [PHOTO]](/pictures/image7/bb30fbdcce74fb9d4782eb2bd171d15d.png "\"სანამ კინი \"ტორპედოს\" მწვრთნელია, \"ჯუნგლები\" ტრიბუნას ვტოვებთ\" - \"ტორპედოს\" ფანების განცხადება [PHOTO]")
