ეროვნული ლიგა. XVIII ტური:"დილამ" "დინამოს" წინააღმდეგობა ვერ გაუწია [VIDEO]

ეროვნული ლიგის მე-18 ტურში თბილისის "დინამომ" საკუთარ მოედანზე დაამარცხა "გორის "დილა", რომელმაც ეს შეხვედრა გასაკვირად სუსტად ჩაატარა.

უკვე 26-ე წუთზე მასპინძლები 3:0 დაწინაურდნენ და მატჩის ბედი გადაწყვიტეს. ანგარიში კიტეიშვილმა გახსნა, როდესაც მეკარე ბეგაშვილმა ვერ მოახერხა თავისი გუნდის გადარჩენა. შემდეგ თოთაძემ ულამაზესად შესრულებული საჯარიმო დარტყმით დალაშქრა გორელთა კარი, ხოლო ზივზივაძემ მესამე გოლი კიტეიშვილის დარტყმული ბურთის ბეგაშვილის მიერ უხეიროდ მოგერიების მერე გაიტანა. პირველი ტაიმის დასასრულს კი კიტეიშვილმა მიმდინარე ჩემპიონატზე მე-11 გოლი გაიტანა.

შესვენების შემდეგ მსაჯმა სტუმართა გუნდის მცველი ანზორ სუხიაშვილი გააძევა, 59-ე წუთზე ზივზივაძემაც  შეასრულა დუბლი, გუნდში დაბრუნებული მათე ვაწაძეც შევიდა შეცვლაზე და "დინამომ" დიდი ანგარიშით გაიმარჯვა.


თბილისი. "დინამო არენა"
დინამო - დილა 5:0
გოლები: 1:0 ოთარ კიტეიშვილი (15), 2:0 ლაშა თოთაძე (22), 3:0 ბუდუ ზივზივაძე (26), 4:0 ოთარ კიტეიშვილი (39), 5:0 ბუდუ ზივზივაძე (59)

დინამო: დემეტრე ბულისკერია, გუჯა რუხაია, ლაშა თოთაძე, ლუკა ლოჩოშვილი, დავით კობოური, ბუდუ ზივზივაძე, ოთარ კიტეიშვილი (კ) (გიორგი ზარია 81), მიხეილ ერგემლიძე (მათე ვაწაძე 71), დმიტრო ივანისენია, გიორგი ივანიშვილი, ნიკა ნინუა (ბაქარ ქარდავა 76)

მთ. მწვრთნელი: კახაბერ კაჭარავა

დილა: გიორგი ბეგაშვილი, გოდერძი მაჩაიძე, ლუკა რაზმაძე, ნოდარ ქავთარაძე, ლევან ნონიკაშვილი, გიორგი კორიფაძე, მიკოლა კოვტალიუკი (ზაურ კერელეიშვილი 74), ისიფუ ლემპტი (ამოს ნონდი 46), ალექსანდრე კვახაძე (კ), ლეანდრო რიბეირო (დავით რაჟამაშვილი 46), ანზორ სუხიაშვილი

მთ. მწვრთნელი: გიორგი დარასელია