ეროვნული ლიგა. I ტურის წინ: როგორ მოემზადნენ კლუბები ახალი სეზონისთვის

პირველ მარტს ეროვნული ლიგის 2019 წლის სეზონი აიღებს სტარტს. ტურნირი მესამე წელია, რაც განახლებული სახელწოდებით და ფორმატით იმართება. დამოუკიდებელი საქართველოს ისტორიაში კი ეს რიგით 31-ე ეროვნული ჩემპიონატი იქნება.


გასული სეზონის გამარჯვებული ისტორიაში პირველად "საბურთალო" გახდა, რომელმაც უახლოესი მდევარი თბილისის "დინამოს" 10 ქულით ჩამოიტოვა და ჩემპონობა რამდენიმე ტურით ადრე გაიფორმა.

ეროვნული ლიგის გამარჯვებული კი ბათუმის "დინამო" გახდა. აჭარულმა კლუბმა უმაღლესი დივიზიონის საგზური პირდაპირ მოიპოვა, "ვიტ ჯორჯიას" კი ამისთვის პლეი-ოფში "სამტრედიას" ძლევა დასჭირდა. თბილისურმა კლუბმა იმერლები ორი მატჩის ჯამში 6:2 დაამარცხა და ეროვნული ლიგის საგზური მოიპოვა.

• თბილისის "საბურთალო"
• თბილისის "დინამო"
• ქუთაისის "ტორპედო"
• საჩხერის "ჩიხურა"
• გორის "დილა"
• თბილისის "ლოკომოტივი"
• "რუსთავი"
• ბოლნისის "სიონი"
• ბათუმის "დინამო"
• "ვიტ ჯორჯია"

სანამ პირველი ტურის მატჩების შესახებ ვისაუბრებთ, გავიხსენოთ, რა ცვლილებები მოხდა კლუბებში და რამდენად ნაყოფიერი შეკრება გაიარეს:

• ომარ მიგინეიშვილი
• დენის შელიკოვი
• ლევან კაკუბავა
• ინტერს გი
• გიორგი თევზაძე

ქუთაისის "ტორპედო" ბოლო წლებში ნამდვილად საუკეთესო ქართული კლუბია. კახა ჩხეტიანის შეგირდები უტიტულოდ წელს აღარ ასრულებენ და საოცარი სერია აქვთ - 25 მატჩია, საქართველოს ფარგლებში არ წაუგიათ.

ქუთაისელებმა 2019 წელიც ტრიუმფით დაიწყეს, სუპერთასის ფინალში "საბურთალოს" სძლიეს და სეზონის პირველ ტიტულს დაეუფლნენ.

კლუბი მნიშვნელოვნად გაძლიერდა კიდეც, "ტორპედომ" გასული სეზონის საუკეთესო ფეხბურთელი და თანაბომბარდირი ბუდუ ზივზივაძე დაიმატა, რომელიც გასულ სეზონში კონკურენტ "დინამოს" ღირსებას იცავდა.  გარდა ამისა, გუნდის რიგები შეავსეს - ნოდარ ქავთარაძემ, რიჩარდ ლუკამ, ნიკოლა სტიეპოვიჩმა, ამბროსი ჩაჩუამ და ვახტანგ ნებიერიძემ.

კლუბმა კონტაქტი გაუფორმა უკრაინელ ოლექსანდრ აზაცკის, რომელიც გასულ სეზონში ეროვნული ლიგის ერთ-ერთი საუკეთესო მცველი იყო.

გუნდი კი რამდენიმე უცხოელმა მოთამაშემ - მილოშ ლაჩნიმ, ლაზარ მარინმა და არფანგ დაფემ დატოვეს. კონკურენტ "დინამოში" გააგრძელეს კარიერა ლევან კუტალიამ და გიორგი კუხიანიძემ.

"ტორპედო" ეროვნული ლიგის 1-ელ ტურში "სიონს" მიიღებს, რომელმაც გასულ სეზონში მერვე ადგილი დაიკავა და ეროვნულ ლიგაში დარჩენა პლეი-ოფში "გაგრას" დამარცხებით მოიპოვა.

ქართული ფეხბურთის ისტორიაში ეს გუნდები ერთმანეთს 39-ჯერ დაუპირისპირდნენ, უპირატესობა კი ქუთაისელთა სასარგებლოდაა - 27 მოგება, 5 ფრე და 7 მარცხი.



ბოლნისის "სიონი" გასულ სეზონში ეროვნული ლიგის ერთ-ერთი ყველაზე სუსტი გუნდი იყო. ქვემოქართლელებმა მე-8 ადგილი დაიკავეს და ადგილის შენარჩუნება მხოლოდ პლეი-აუტით, "გაგრას" ძლევით მოახერხეს.

ბოლნისელებმა შეკრება თურქეთში გაიარეს, სადაც სამი სპარინგ-შეხვედრა გამართეს, სადაც 1 ფრეს და სამ მარცხს დასჯერდნენ.

გუნდი რამდენიმე მოთამაშემ დატოვა, რომელთაგან გურამ გიორბელიძე, ლუკა ნოზაძე და ალექსანდრე კოშკაძე უნდა გამოვარჩიოთ.

რაც შეეხება დანამატებს: თორნიკე თარხნიშვილი, არჩილ ტვილდიანი და ნიკოლოზ აფაქიძე გუნდის გამორჩეული შენაძენებია.



თბილისის "ლოკომოტივმა" გასული სეზონი მე-6 ადგილზე, ცხრილის შუაში დაასრულა. მათ 4-წრიან სეზონში ჩემპიონი "საბურთალოს" დამარცხება ერთხელ მოახერხეს, ხოლო 2-ჯერ ფრეს მიაღწიეს.

გასული სეზონის შემდეგ კლუბი რამდენიმე მოთამაშემ დატოვა, მათ შორის: რევაზ თევდორაძემ, ლევან ქურდაძემ, სანდრო შეწირულმა, ამერიკელმა ჯონ ოლურემიმ და ზურიკო დავითაშვილმა, რომელიც კარიერის გაგრძელებას "რუბინში" აპირებდა, თუმცა კონტრაქტის პირობებზე ვერ შეთანხმდა.

გუნდში ახალგაზრდა მოთამაშეებიც მოვიდნენ - დემეტრე ბულისკირია, თორნიკე კირკიტაძე, ალექსანდრე გურეშიძე. კლუბის ერთ-ერთ ლიდერად მოგვევლინება რევაზ ინჯგია, რომელიც თბილისელთა აღზრდილია და დებიუტი გასულ სეზონში ჰქონდა.

ყველაზე გამორჩეული კი ეროვნული ლიგის 2017 წლის სეზონის საუკეთესო ბომბარდირის, ირაკლი სიხარულიძის დაბრუნებაა.

პირველ ტურში "ლოკომოტივის" მეტოქე "რუსთავი" იქნება, რომელიც გასული სეზონის ცხრილში მისი მეზობელი იყო.

ისტორიის განმავლობაში ეს კლუბები ერთმანეთს 25-ჯერ შეხვედრიან, საიდანაც 13-ჯერ "რუსთავმა" გაიმარჯვა, 4 მატჩი ფრედ დასრულდა, 8-ჯერ კი გამარჯვება თბილისელებს დარჩათ.

"ლოკომოტივმა" შეკრება ესპანეთში გაიარა და 4 ამხანაგური მატჩი გამართა - 2 მოგება, 1 ფრე, 1 მარცხი - ასეთია "ლოკოს" შედეგი.



გუნდის რიგები რამდენიმე გამორჩეულმა მოთამაშემ დატოვა, მათ შორის, ახალგაზრდა ტალანტმა ხვიჩა კვარაცხელიამ, რომელიც მოსკოვის "ლოკომოტივის" მოთამაშე გახდა. კლუბი დატოვა ომარ მიგინეიშვილმა. ის ჩემპიონი "საბურთალოს" ღირსებას დაიცავს. წავიდნენ თორნიკე კირკიტაძე და თორნიკე თარხნიშვილიც.

რაც შეეხება დანამატს - კლუბში ირაკლი შეყილაძე და პაატა კიტეიშვილი მოვიდნენ, რამდენიმე დღის წინ კი გუნდს ლუკა იმნაძე შემოუერთდა.

"რუსთავმა" შეკრება თურქეთში გაიარა, სადაც 4 მატჩი გამართა და ასეთი შედეგი აქვს - 2 მოგება, 1 ფრე, 1 მარცხი.






თბილისის "დინამო" ყველა ჩემპიონატში მთავარ ფავორიტად ითვლება ხოლმე. გამონაკლისი არც 2019 წლის სეზონი იქნება. თბილისურ გრანდში ბევრი სიახლეა.

ცვლილებები გასული სეზონის ბოლოდანვე დაიწყო, როდესაც გუნდი კახა კაჭარავამ დატოვა და მთავარი მწვრთნელის პოსტი ზაურ სვანაძემ ჩაიბარა.

"დინამომ" სეზონი მეორე ადგილზე დაასრულა და ჩემპიონობის შანსი ნაადრევად დაკარგა.

ყველაზე მნიშვნელოვანი, რაც თბილისურ კლუბში სეზონის ბოლოს მოხდა, ჩისკო მუნიოსის დაბრუნებაა, რომელსაც თავისთავად არაერთი უცხოელი, მათ შორის, ესპანელი ფეხბურთელიც მოჰყვა.

აი, ისინიც: ფრან კარბია, ხოსე პერალესი, ანტონიო როხანო, აბდელ ჯალილი, ვიქტორ მონხილი, სერხიო ნოჩე. გარდა ამისა, კლუბს ქართველი მოთამაშეებიც შეუერთდნენ - ნოდარ იაშვილი, გიორგი კუხიანიძე, გიორგი პაპავა.

გუნდი კი რამდენიმე კარგმა ფეხბურთელმა დატოვა, რომელთაგანაც ზოგიერთი კარიერას ევროპაში აგრძელებს. ახალგაზრდა მარცხენა მცველი ლევან ხარაბაძე შვეიცარიული "ციურიხის" მოთამაშე იჯარის წესით 1.5 წლის განმავლობაში იქნება. მან უკვე ჩაატარა რამდენიმე მატჩი, მათ შორის, ევროპა ლიგაზე "ნაპოლის" წინააღმდეგ. ლევანის ანგარიშზე უკვე ჩაიწერა გოლი და საგოლე გადაცემა.

პოლონურ "ზაგლებიეში" წავიდა გიორგი ივანიშვილიც, ლაშა თოთაძემ აზიას მიაშურა და ირანულ "ნასაჯში" გადაბარგდა, გიორგი კუცია კი გორის "დილას" ღირსებას დაიცავს.

"დინამომ" შეკრება თურქეთში გაიარა, სადაც შვიდი მატჩი გამართა, რომელთაგანაც სამი მოიგო, სამი ფრედ დაასრულა და ერთში დამარცხდა.

თბილისელთა პირველი მეტოქე საჩხერის "ჩიხურა" იქნება. ეს გუნდები ერთმანეთს ისტორიაში 33-ჯერ შეხვდნენ, უპირატესობა "დინამოს" მხარესაა - 21 მოგება, 6 ფრე, 6 მარცხი.



საჩხერელებმა გასული სეზონი მეოთხე ადგილზე დაასრულეს და ევროტურნირების ზონაში ქუთაისის "ტორპედოს" წყალობით მოხვდა, რომელმაც მესამე ადგილი დაიკავა და საქართველოს თასი მოიგო.

უნდა ვაღიაროთ, რომ "ჩიხურა" წელს უფრო შესუსტდა, ვიდრე გაძლიერდა.

უპირველესად, ამის მიზეზი გასული სეზონის საუკეთესო ბომბარდირის (ბუდუ ზივზივაძესთან ერთად), გიორგი გაბედავას "ზაგლებიეში" წასვლაა. საჩხერელებმა მთავარი დამრტყმელი ძალა დაკარგეს.

გუნდი დატოვა გუნდის ახალგაზრდა ლიდერმა ირაკლი ბუღრიძემაც, რომელიც კარიერას ბელგიურ "ბეერხოსტში" აგრძელებს. წავიდნენ ბაქარ მირცხულავა და ლევან კაკუბავაც.

"ჩიხურამ", სხვა ქართული კლუბების მსგავსად, შეკრება თურქეთში გაიარა და 4 ტესტ-მატჩი გამართა, საიდანაც 2 გამარჯვება, 1 ფრე და 1 მარცხი წამოიღო.

დიდი ალბათობით, 2019 წელს "ჩიხურას" სამეულისთვის ბრძოლა გაუჭირდება.



გორის "დილამ" ეროვნული ლიგის გასულ სეზონში მეხუთე პოზიცია დაიკავა. გუნდმა ვერც საპრიზო ადგილებისთვის იბრძოლა და არც გავარდნის საფრთხის ქვეშ დამდგარა.

ამის მთავარი მიზეზი ბრაზილიელი ლეგიონერი ლეანდრო რიბიერო იყო, რომელმაც შესანიშნავი სეზონი ჩაატარა. მან 14 გოლსა და 11 საგოლე გადაცემას მოუყარა თავი და მოლდოვას მიაშურა, სადაც კარიერას ჩემპიონ "შერიფში" გააგრძელებს. ის ეროვნული ლიგის 2018 წლის სეზონის საუკეთესო ლეგიონერად დასახელდა.

რიბიეროსთან ერთად კლუბი დატოვა დავით რაჟამაშვილმა, გიორგი გადრანმა, ნოდარ ქავთარაძემ და სხვებმა, თუმცა გორელთა რიგები საკმაოდ საინტერესო მოთამაშეებმა შეავსეს. 21 წლის ტოგოელი შემტევი დიდიე კოუგბენია, სავარაუდოდ, "დილას" ერთ-ერთი ლიდერი იქნება. გუნდში მოვიდა გიორგი ცუკია, ბაქარ მირცხულავა, დაბრუნდა კაპო-ვერდელი ალვინ ფორტესი.

I ტურის მატჩში "დილას" მეტოქე დებიუტანტი "ვიტ ჯორჯია" იქნება. ეს გუნდები ერთმანეთს 30-ჯერ შეხვდნენ. "დილამ" 5-ჯერ იმარჯვა, 4 მატჩი ფრედ დასრულდა, 21 გამარჯვება კი "ვეტერინართა" ანგარიშზეა.



"ვიტ ჯორჯიამ" უმაღლესი დივიზიონი რამდენიმე წელია დატოვა და წლების შემდეგ ისევ უბრუნდება ეროვნულ ლიგას, რომლის მოგებაც 21-ე საუკუნეში ორჯერ მოახერხა.

გუნდში ბევრი ცვლილება არ ყოფილა. "ვეტერინართა" რიგები ირაკლი კამლაძემ დატოვა. თბილისელებს კი 4 ფეხბურთელი შემოუერთდათ - დავით მუჯირი, ვანო კურდღელაშვილი, გიორგი გაფრინდაშვილი და კახაბერ კაკაშვილი.

დიდი ალბათობით, "ვიტ ჯორჯია" მაღალი მიზნებისთვის ბრძოლას ვერ მოახერხებს და ახალ სეზონში მისი მთავარი მიზანი ეროვნულ ლიგაში ადგილის შენარჩუნება იქნება.

რამდენი მლნ ლარი მიიღეს და რაში დახარჯეს ეროვნული ლიგის კლუბებმა - 2018 წლის ანგარიში