არ გაბედოს არავინ, რომ ეს ფეხბურთელები დაიცვას; ყველას დავუპირისპირდები, ვინც უნდა იყოს, რადგან ეს ადამიანები არიან ამის ღირსნი. რასაც დაიმსახურებენ, იმას მიიღებენ და მე ამის გარანტიას ვიძლევი, - ამის შესახებ საქართველოს ფეხბურთის ფედერაციის პრეზიდენტმა ლევან კობიაშვილმა გარიგებულ მატჩებთან დაკავშირებით დაკავებული ფეხბურთელების საქმეზე გამართულ ბრიფინგზე განაცხადა.ლევან კობიაშვილმა მედიას და საზოგადოებას მოუწოდა, რომ გვერდში დაუდგნენ, რათა მსგავსი ფაქტების წინააღმდეგ ეფექტური ბრძოლა გაგრძელდეს.
„კონკრეტული ადამიანები საუბრობენ კლუბში არსებულ ფინანსურ პრობლემებზე
მოვუწოდებ ყველას, მათ შორის, მედიის წარმომადგენლებსაც, რომ მნიშნველოვანია, ყოველთვის ისეთი მესიჯები გავაშუქოთ, რომლებიც ხელს კი არ უწყობს მათ ქმედებებს, პირიქით. გთხოვთ, გვერდში დავუდგეთ ერთმანეთს, რომ ვებრძოლოთ ამ ყველაფერს“, - აცხადებს ლევან კობიაშვილი.
სახელმწიფო უსაფრთხოების სამსახურის მიერ საფეხბურთო მატჩების ჩაწყობის ფაქტზე დაკავებულია ჯამში 11 ფეხბურთელი. ყველა მათგანს ბრალი უკვე წარუდგინეს.
interpressnews.ge
