"საბურთალოში" გიორგი ჭიაბრიშვილის 6-წლიანი კარიერა დასრულდა. ეროვნული ლიგის მოგების შემდეგ, მისი ხელმძღვანელობით, გუნდმა დავით ყიფიანის სახელობის თასზეც გაიმარჯვა, რის შემდეგაც ჭიაბრიშვილმა თანამდებობა დატოვა. ის საქართველოს "პირველ არხზე" გადაცემა "ტაიმაუტში" გახლდათ მიწვეული, სადაც საინტერესო თემებზე ისაუბრა.
"საბურთალოდან" წასვლის გადაწყვეტილება მას შემდეგ მივიღე, რაც ევროტურნირებიდან გამოვვარდით.
ეს პირადად ჩემი გადაწყვეტილებაა. ვიცოდი, რომ შეგვეძლო ჩემპიონობის მოპოვება და ასევე თასის აღებაც, ამიტომ შუა გზაზე საქმის მიტოვება არ მინდოდა.
როგორც უნდა დასრულებულიყო ეს სეზონი, ხელმძღვანელობასთან უკვე ვიყავი შეთანხმებული, რომ თანამდებობას დავტოვებდი.
თასის ფინალში გამარჯვება ძალიან
გაგვიჭირდა. ლევან კორღალიძის ხელმძღვანელობით, "ლოკომოტივი" ძალიან ძლიერ გუნდად ჩამოყალიბდა.
დიდი მადლობა მინდა გადავუხადო ჩემს ბიჭებს. მათ იცოდნენ, რომ გუნდიდან მივდიოდი და თითქოს ეს გამარჯვება მე მომიძღვნეს.
მათ ყველა გატანილი გოლი ჩემთან ერთად იზეიმეს და მე დიდი მადლობელი ვარ.
ძალიან რთული იყო ევროპის ლიგის საკვალიფიკაციო ეტაპზე პირველ ჯერზე გამოსვლა. ჩვენ სავსე მაყურებლის წინაშეც არ გვითამაშია და გავედით და პირველივე ("შერიფთან") ისეთი თამაში მოვიგეთ, რომელიც ნებისმიერი ქართული კლუბისთვის რთული იყო. აქამდე მსგავს გუნდებსაც ვერ ვაგდებდით და მერე იწყება მთავარი... მეც და ზოგადად, ყველამ დავაკელით რაღაც... ზოგადად, როდესაც ევროტურნირებზე გინდა გასვლა, ყველაფერში იდეალური უნდა იყო.
ჩვენს მოწინააღმდეგეს ყოველ ტურში აქვს ასეთი თამაში. ჟურნალისტები, ჩართულობა... პლუს ამას, ფიზიკურადაც არ ვართ მზად ამ დონის თამაშებისთვის.
ეს ჩემი და გუნდის ბრალი არაა. უნდა მოვუმატოთ სისწრაფეებს და ა.შ... თუ ვინმეს ილუზია აქვს, რომ "საბურთალომ" რაიმე არ მოინდომა და ყველაფერი არ გასცა, ცდება.
ჩემი აზრით, რომ არა ეს სტრესი, ჩვენ ჩემპიონები გავხდებოდით. მე თუ ვერ გავაკეთე, ნუ მამყოფებ ამ საგიჟეთში... ვერ და არგაკეთება სხვადასხვა რამ არის...
კიდევ ერთ რამეს ვიტყვი... ადამიანს თუ სულში ასეთი რამე არ გაქვს, ამას არ იტყვი... ჩვენ ეს თამაში რომ გაგვეყიდა, ამაზე უკეთესს რას ვიყიდით?! ბევრს ძალიან ცუდი წარმოდგენა აქვს.
კიდევ ერთხელ გავიმეორებ, რომ ეს გადაწყვეტილება ცხელ გულზე არ მიმიღია. ეს გუნდისთვისაც და ფეხბურთელებისთვისაც უკეთესი იყო. ამიტომ, გამორიცხეთ, რომ აქამდე მე რომელიმე სხვა გუნდთან მოლაპარაკებებს ვაწარმოებდი.
ბათუმის "დინამოში" გია გეგუჩაძესთან ერთად მუშაობაზე ხმები ვრცელდება. მე მისგან ბევრი ვისწავლე და ის ეროვნული ლიგის საუკეთესო მწვრთნელია, თუმცა გამორიცხულია, რომ ჩვენ ისევ ერთად ვიმუშაოთ", - თქვა ჭიაბრიშვილმა.
![alt](/pictures/image50/d203f2db5b0f47852802ad481fca4ae1.jpg ""საბურთალოდან" წასვლის გადაწყვეტილება მას შემდეგ მივიღე, რაც ევროტურნირებიდან გამოვვარდით"")
"საბურთალომ" გიორგი ჭიაბრიშვილს მადლობა გადაუხადა
![alt](/pictures/image50/aa9ef97ce4006e1ee9ecc11e5c1a5810.jpg ""საბურთალოდან" წასვლის გადაწყვეტილება მას შემდეგ მივიღე, რაც ევროტურნირებიდან გამოვვარდით"")
გიორგი ჭიაბრიშვილი: ჯერ არავისთან არ მილაპარაკია, დავისვენებ და მერე ვნახოთ
![alt](/pictures/image50/d8a8adacc8dc6dc81790157b267411d0.jpg ""საბურთალოდან" წასვლის გადაწყვეტილება მას შემდეგ მივიღე, რაც ევროტურნირებიდან გამოვვარდით"")
გიორგი ჭიაბრიშვილმა "საბურთალო" დატოვა
![alt](/pictures/image50/1999040adf51fa3aab9c856e8704df84.jpg ""საბურთალოდან" წასვლის გადაწყვეტილება მას შემდეგ მივიღე, რაც ევროტურნირებიდან გამოვვარდით"")
გიორგი ჭიაბრიშვილი: როცა უმაღლეს მწვერვალს მიაღწევ, მომდევნო წელი უფრო რთულია
მე მეჩვენებოდა რომ ყოველთვის საუკეთესო ფეხბურთელებს არ აყენებდა ძირითადში მიგინეისვილი უკეთ თამაშობდა ვიდრე კუპატაძე როლოვიჩი ჯობდა გაბედავას და ის ფრანგი რატომ გაუშვეს საერთოდ არ ვიცი.