საქართველოს ეროვნული ლიგის მე-5 ტურის შეხვედრაში "სამტრედიამ" საკუთარ მოედანზე თბილისის "ლოკომოტივი" მიიღო და ზედაძაბულ შეხვედრაში დასანანი მარცხი იწვნია - 3:4.
პირველი ტაიმის შემდეგ თბილისელები 3:0-ს იგებდნენ. "ლოკოს" შემადგენლობაში გოლები დავით სამურკასოვმა(32-ე წ.) და თორნიკე კირკიტაძემ(34-ე წ.) გაიტანეს, ანგარიში კი მესიაჩენკოს ავტოგოლით (მე-20 წ.) გაიხსნა.
თითქოს ყველაფერი "რკინიგზელთა" მარტივ გამარჯვებამდე უნდა მისულიყო, თუმცა სამტრედიელებმა 9 წუთიან მონაკვეთში ანგარიში გაათანაბრეს. 62-ე წუთზე იოსელიანის დარტყმულ ჯარიმას თავი სამურკასოვმა შეუშვირა და ავტოგოლი გამოუვიდა. 70-ე წუთზე იოსელიანმა მამარდაშვილს ულამაზესი გოლი გაუტანა, ხოლო 1 წუთში 19 წლის გიორგი ლომთაძემ რუხაძის გადაცემა გამოიყენა და ანგარიში გაათანაბრა - 3:3.
თუმცა, თბილისელებმა შეხვედრის მოგება მაინც შეძლეს. დარციმელიას ჩაწოდებული ჯარიმიდან ბურთი ქურდაძის კარში ირაკლი სიხარულიძემ 83-ე წუთზე გადაგზავნა და საკუთარ გუნდს სეზონში მესამე გამარჯვება მოუტანა.
21 მარტი, სამტრედია, ეროსი მანჯგალაძე
სამტრედია - ლოკომოტივი 3:4
0:1 მესიაჩენკო (ა.გ.;20), 0:2 სამურკასოვი (32), 0:3 კირკიტაძე (34), 1:3 სამურკასოვი (ა.გ.; 62), 2:3 იოსელიანი (70), 3:3 ლომთაძე (71), 3:4 სიხარულიძე (83).
"ლოკომოტივმა" 5 ტურის შემდეგ 10 ქულა დააგროვა და ეროვნული ლიგის სატურნირო ცხრილში ჭიაბრიშვილის გაწვრთნილი გუნდი მე-4 პოზიციას იკავებს. გია ცეცაძის შეგირდებს კი 5 ტურის შემდეგ 0 ქულა აქვთ და ბოლო ადგილზე არიან.
![ეროვნული ლიგა. IX ტური. "დინამო" (ბთ) - "სამტრედია" [LIVE]](/pictures/image7/b8b64a4dfe961eb3b74374c7fba74d30.jpg "ეროვნული ლიგა. IX ტური. \"დინამო\" (ბთ) - \"სამტრედია\" [LIVE]")
!["ტორპედომ" არაბიძის გარეშე თამაში შემოატრიალა - "იბერია 1999" გალიდერდა [VIDEO]](/pictures/image7/2331434d309fcdde7f920794f5ea7388.jpg "\"ტორპედომ\" არაბიძის გარეშე თამაში შემოატრიალა - \"იბერია 1999\" გალიდერდა [VIDEO]")
![ეროვნული ლიგა. VIII ტური. "სამტრედია" - "თელავი" [LIVE]](/pictures/image7/94986088e84492a1cea9c3490d5f171a.png "ეროვნული ლიგა. VIII ტური. \"სამტრედია\" - \"თელავი\" [LIVE]")
!["დილამ", "ტორპედომ" და "სამგურალმა" გაიმარჯვეს [VIDEO]](/pictures/image7/c1628e4fd457a088392d027a0c850394.jpg "\"დილამ\", \"ტორპედომ\" და \"სამგურალმა\" გაიმარჯვეს [VIDEO]")
ეს ფაქტიურად შეუძლებელია მგონი.
სამგურალი და ტორპედო საკმაოდ ადვილად მოუგებენ, დინამოსა და საბურთალოსთან კი შანსები ნულის ტოლია.
გაუშვით ხუციშვილი,ამ ყოვლად უმსგავსო და უძლური შემადგენლობის ავტორი და მოიყვანეთ ვინმე ადექვატური. 25 კაციდან 5-6 არის მხოლდო ქმედითუნარიანი,ეს ხომ აშკარად სჩანს.
ცეცაძე ჯადოქარი არაა რომ უძლური მოყვარულებისაგნ პროფესიონალები გამოძერწოს.