საქართველოს ფეხბურთის ფედერაციის სადისციპლინო და დავების განმხილველმა კომიტეტმა ეროვნული ლიგის მე-10 ტურის ორი შეხვედრის ("ლოკომოტივი" - "საბურთალო" / სამგურალი" - "დინამო თბილისი") მსვლელობისას მომხდარ ინციდენტებზე იმსჯელა.კომიტეტმა განიხილა ოფიციალურ პირთა მოხსენებითი ბარათები, მოისმინა მხარეთა მოსაზრებები და მიიღო შემდეგი გადაწყვეტილება:
თბილისის "ლოკომოტივის" მთავარ მწვრთნელ გიორგი ჭიაბრიშვილს შეხვედრის არბიტრის სიტყვიერი და ფიზიკური შეურაცხყოფის გამო სანქციის სახით დაეკისრა 10-მატჩიანი დისკვალიფიკაცია და ჯარიმა 5000 ლარის ოდენობით.
თბილისის "დინამოსთან" გამართული მატჩისას მომხდარი ინციდენტის გამო წყალტუბოს "სამგურალი" უახლოეს სამ საშინაო შეხვედრას მაყურებლის გარეშე გამართავს. ამასთან ერთად,
ამავე ინციდენტში მონაწილეობის გამო თბილისის "დინამოს" მთავარი მწვრთნელის ასისტენტ ლაშა ჭელიძეს სანქციის სახით დაეკისრა 3-მატჩიანი დისკვალიფიკაცია და ჯარიმა 1200 ლარის ოდენობით.
წყარო: ეროვნული ლიგა
ჭიაბრიშვილის გაუგონარი საქციელი - გიორგიმ მსაჯისთვის თავის ჩარტყმა სცადა და მერე ხელი ჰკრა [VIDEO]
