სერბეთი VS საქართველო - გამოსამშვიდობებელი?

ძველი ბიჭების ეპოქა სანამ არ დასრულდება ფედერაციასა თუ ქვეყნის ხელისუფლებაში, მანამდე არც ერთს და არც მეორეს არაფერი არ ეშ ვე ლე ბა !!!

შორს ვარ იმ აზრისგან, ფეხბურთში ვინმეს რამე ვასწავლო, ჩვენ ხომ ყველა ფეხბურთის თეორიტიკოსი პროფესორები ვართ, კი ბატონო, არ გვყავს არათუ ვარსკვლავები, მაღალი დონის ფეხბურთელებიც, (ერთი-ორი სასიამოვნო გამონაკლისის გარდა), ზოგიერთი ამბობს, რა ქნას მწვრთნელმა? თვითონ ხომ არ გამოვა მოედანზე და ითმაშებს? რას გეტყვით იცით? რომ ვუყურებ ჩვენს ფეხბურთს, არავითარი კომბინაციები, ფეხბურთელი ბურთს რომ მიიღებს, არ იცის რა ქნას, ამიტომ იყო წინა თამაშშიც ბურთის გაუთავებელი უკან გორება და არავითარი კომბინაცია და წინსვლა და ეს კომბინაციები მწვრთნელმა არ უნდა განსაზღვროს ვარჯიშებზე? როგორც ჩანს თუ ვინმე რამეს აკეთებს კომბინაციურს, სწორ პასებს და ა.შ. (რეალურად მხოლოდ ანანიძე, მომავალში იმედია იგივეს შეძლებს ჩაკვეტაძეც, თუ არ გაფუჭდა) მხოლოდ საკუთარი ნიჭით და არა მწვრთნელის მიერ დასახული ტაქტიკით და დამუშავებული კომბინაციებით, და მერე კიდევ ვიტყვით რა ქნას მწვრთნელმაო? რა ქნას და უელსთან თამაშში რომ გამოიყვანა 4 მცველი და სამი ჩამშლელი საყრდენი ნახევარცმელი (ის რომ სამივე რეალურად ჩამშლელი იყო და არა ბურთის ამომტანი და მაკონტროლებელი მათ მიერ გამუდმებით ბურთის უკან, საკუთარი ნახევრისკენ დაბრუნებითაც ჩანს) და რეალურად შეტევაზე ორიენტირებული მხოლოდ ორი ნახევარცმელი, რომელთაგან ერთი ნაცვლად თავისთვის ჩვეული მარცხენა ფრთისა საპირისპირო მარჯვენა ფრთაზე ათამაშე (მერებაშვილი), მეორე კი საერთოდ არ ჩანდა მოედანზე იყო თუ არა და ერთი თეთრის საღირალი საქმე არ გაუკეთებია (ყაზაიშვილი) და ერთი ცენტრალური თავდამსხმელი, რომლამდეც საჯარიმოში ბურთი არ მიდიოდა, (ან ვინ იყო მიმტანი) და თვითონ ხდებოდა იძულებული არა საჯარიმოში, არამედ საჯარიმოს გარეთ ფლანგზე მიეღო ბურთი, თან ისე რომ ახლომახლო კაცი არ იყო რომ პასი მიეცა, ხოლო თვითონ კი არც მარადონაა, არც რონალდო, არც იბრაგიმოვიჩი,(სხვათაშორის არც ტომ ლოურენსი და ჩამოთვლა კიდევ უსასრულოდ შეიძლება), რომ ისეთი დრიბლინგი ჰქონდეს სამი კაცი მოატყუოს და მერე კარში დაარტყას, რა მოგებაზე ლაპარაკობ?
ჩემი აზრით თვით ასეთი კონტიგენტითაც შესაძლებელი იყო უკეთესი შემადგენლობის და უკეთესი ტაქტიკის შერჩევა შემტევ ნახევარმცველებს ვგულისხმობ მარცხნივ მერებაშვილი, ცენტრში ყაზაიშვილი, მარჯვნივ ჯიღაური, ან ჭანტურია, ისე ასეთ პირობებში რატომ არ იწვევს ნაკრებში სანდრო კობახიძეს, რომელიც ნამდვილად არ არის ცუდი ნახევარმცველი, სათამაშო პრაქტიკაც აქვს ნაკრებში თამაშის გამოცდილებაც, კაცის მოტყუებაც იცის, კარში დარტყმაც და თავისუფლად შეუძლია ითამაშოს ცენტრალურ ნახევარმცველად გასაოცარია.
მოკლედ კიდევ გავიმეორებ, ნაკრების შემტევი ფეხბურთელი, რომ ბურთის მიღების შემდეგ ფიქრობს რა გააკეთოს და ერთადერთ გამოსავალად იმას ხედავს ბურთი უკან საკუთარ ნახევარზე ცენტრალურ მცველებს დაუბრუნოს, ეს ნაკრების მწვრთნელის ბრალია, რომელსაც არა აქვს დამუშავებული ელემენტარული კომბინაციები და ტაქტიკური სქემები და არა იმისა, ეს ფეხბურთელი რომელ ჩემპიონატში თამაშობს, ან თამაშობს თუ სკამზე ზის, აი ეს არის ჩემი აზრი.
(ისე სხვათაშორის ვაისმა თვითონ თქვა, სლოვაკეთი რომ გავიყვანე მსოფლიოს ჩემპიონატზე, ჩვენი ფეხბურთელები ლივერპულში, მანჩესტერში და ა.შ. თამაშობდნენო, ან რუსეთის ლიგაში მუდმივი პრაქტიკით, ქართველები კი სუსტ ჩემპიონატებში, სუსტ გუნდებში თამაშობენ ან სათადარიგო სკამზე სხედანო, მართალია, მაგრამ ძლიერი მწვრთნელი მაშინ ხარ საშუალო დონის ფეხბურთელებით დაკომპლექტებულ გუნდთან ერთად თუ მიაღწევ წარმატებას (რა თქმა უნდა მსოფლიოს და ევროპის ჩემპიონატზე გასვლას ვგულისხმობ და არა მსოფლიოს ან ევროპის ჩემპიონობას), თორემ ვარსკვლავებით დაკომპლექტებული ნაკრები ალბათ ცუდი მწვრთნელის პირობებშიც კარგად ითამაშებს, თუ ამ მწვრთნელმა პირიქით არ შეუშალა ხელი).