prosports.kz: ჩაკვეტაძე გაგვტანჯავს, ოქრიაშვილი ტექნიკური, მაგრამ ზარმაცია

ყაზახური "პროსპორტის" საფეხბურთო მიმომხილველს, ალიბეკ კუბენოვს მიაჩნია, რომ ერთა ლიგაზე მათი მთავარი მეტოქე საქართველოს ნაკრებია.

"საქართველოს ნაკრებს ძალიან საინტერესო, მრავალპლანიანი და კონკურენტული შემადგენლობა ჰყავს. ვაისის გუნდში პირველი ნომერი, დიდი ალბათობით, "კრილია სოვეტოვის" მეკარე გიორგი ლორია იქნება, რომელსაც რუსეთის პრემიერლიგაზე საერთოდ არ ათამაშებენ, მაგრამ მისი კვალიფიკაცია ეჭვს არ იწვევს.

დაცვის ხაზი სახელებით შთამბეჭდავია. ყველა ასპექტში ყველაზე მნიშვნელოვანი ფიგურა საბა კვირკველიაა - "ლოკომოტივის" საუკეთესო ცენტრბეკი და ერთ-ერთი საუკეთესო რუსეთის ჩემპიონატზე. მასთან ერთად, წესით, "ვიტესის" ყოფილმა კაპიტანმა გურამ კაშიამ უნდა ითამაშოს.

სხვა მცველები შედარებით ახალგაზრდები არიან - ხოჭოლავა, კაკაბაძე და დვალი, რომელიც "ირტიშში" ასპარეზობდა. მართალია, ისინი ევროპის სხვადასხვა გუნდის ღირსებას იცავენ, მაგრამ ძალიან საიმედოებს ვერ ვუწოდებთ.

ნახევარდაცვაში, პირველ რიგში, თვალში ჯაბა კანკავა და ნიკა კვეკვესკირი მოგხვდებათ, უდავო ოსტატები, "ტობოლის" ერთ-ერთი ლიდერები. ისინი ჩვენი ჩემპიონატის წარმომადგენლები არიან და მათთან კონკურენცია სავსებით შესაძლებელია.

დანარჩენთა დონე საშუალოა, ყველანი საზღვარგარეთ თამაშობენ, ოღონდ არა დიდ კლუბებში.

მხოლოდ გიორგი ჩაკვეტაძეს თუ გამოარჩევ - შესანიშნავ ქართველ ტალანტს, ბელგიური "გენტის" ძირითადი შემადგენლობის ფეხბურთელს, რომელსაც ნათელი გონება აქვს. ამ ბიჭს მართლა შეუძლია გატანჯოს ჩვენი დაცვა.

ჩვენს მეტოქეს ორი ისეთი შემტევი ჰყავს, რომელთაც განსაკუთრებული ყურადღება უნდა დავუთმოთ. თორნიკე ოქრიაშვილმა და ლევან მჭედლიძემ ტრავმები მოირჩინეს და ვაისის გუნდის შეტევითი პოტენციალი მნიშვნელოვნად გააძლიერეს. ოქრიაშვილი ტექნიკურია, მაგრამ როგორც ქართველთა უმეტესობა, ზარმაცი ვინგერია. ჩინებული დარტყმა აქვს და მოედნის ხედვა. მჭედლიძე იტალიური სკოლის ტარანული ტიპის ფორვარდია და შესაბამისი ტაქტიკური უნარ-ჩვევების მქონეა".

ნიკა კვეკვესკირი: მზად ვართ, დავამტკიცოთ, რა შეუძლია საქართველოს ნაკრებს

ყაზახი ექსპერტი: საქართველო საშინაო გუნდია, სტუმრად თამაში უჭირს - უნდა დავამარცხოთ!

გიორგი ქვილითაია: ტრავმის მიღების შემდეგ პირველად ის ვიკითხე - შევძლებდი თუ არა ნაკრებში თამაშს?

sports.kz: საქართველოდან ომახიანი მარშის ხმა ისმის, თუმცა მათ საერთაშორისო სარბიელზე ვერაფერს ვერ მიაღწიეს

ვლადიმირ ვაისი: შეიძლება ქაღალდზე ფავორიტები ვართ, მაგრამ ყველაფერი მოედანზე წყდება