ბელარუსის ნაკრების მთავარმა მწვრთნელმა მიხაილ მარხელმა გაავრცელა ინფორმაცია, რომლის თანახმადაც, ეროვნული გუნდის კაპიტანმა ალეკსანდრ მარტინოვიჩმა ბარძაყის უკანა კუნთები გაიწყვიტა და 7 კვირა გაუცდება.
მარტინოვიჩმა, რომელიც "კრასნოდარის" ვიცე-კაპიტანიც გახლავთ, ტრავმა გუშინ, 17 თებერვალს, "მიოლდესთან" გამართულ ამხანაგურ შეხვედრაში მიიღო.
"ძალიან ძნელია დღეს ალეკსანდრის დაზიანების საბოლოო ვერდიქტზე საუბარი, თუმცა ვარაუდობენ, რომ მას 7 კვირამდე გაუცდება.
სამწუხაროა, რომ გუტორი და ჩიჩკანიც გამოგვაკლდნენ. ამიტომაა საჭირო შეკრება, რათა ფორსმაჟორულ სიტუაციაში ცვლილებების შეტანა შევძლოთ. ბუნებრივია, ნაკრებშიც არის ტრავმის მიღების შანსი, როგორც კლუბში. ასეთია ცხოვრება. ეს ნებისმიერ დროს
შეიძლება მოხდეს", - უთხრა მარხელმა "პრესსბოლს".
გეგა დიასამიძე: ბელარუსები ამბობენ, საქართველოს ნაკრებს გოლს გავუტანთ და მერე დაცვაში ჩავჯდებითო
