ბულგარეთთან ამხანაგური მატჩის წინ ჩატარებულ პრესკონფერენციაზე კომენტარი საქართველოს ნაკრების ნახევარმცველმა გიორგი აბურჯანიამ გააკეთა.
"საუკეთესო განწყობა ნამდვილად არ გვაქვს, რადგან ორ ოფიციალურ შეხვედრაში დავმარცხდით. მიუხედავად ამისა, ვფიქრობ, რომ ასეთი მომენტები ფეხბურთის შემადგენელი ნაწილია და მუშაობა აუცილებლად უნდა გავაგრძელოთ.
ახალი გუნდის მშენებლობა მიმდინარეობს და ასეთ დროს ჩავარდნები ხდება. რაც ყველაზე მნიშვნელოვანია, თამაშის ხარისხი უნდა გამოვასწოროთ და დარწმუნებული ვარ, ეს ავტომატურად აისახება შედეგზეც", - ციტირებს აბურჯანიას nakrebi.ge.
ფეხბურთელები და მთავარი მწვრთნელი - საქართველოს ნაკრების შეფასება
