გადაცემაში "სპორტი იმედზე" სტუმარი სფფ-ის ვიცე-პრეზიდენტი ალექსანდრე იაშვილი გახლდათ, რომელმაც ბათუმის "დინამოს" შემტევის, ჯოვინო ფლამარიონის ნაკრებში შესაძლო გამოძახების შესახებ ისაუბრა. როგორც იცით, ბრაზილიელმა საქართველოს მოქალაქეობა მიიღო და ჩვენი გუნდის რიგებში თამაში სურს.
"ძალიან დიდი ხანია პირადად მე მაქვს კომუნიკაცია ჯოვინოსთან. მას შარშანაც შევხვდით და ძალიან მნიშვნელოვანია თავად ფეხბურთელის სურვილი, მან შენი ქვეყნის ეროვნულ ნაკრებში ითამაშოს; ამას ემატება ისიც, რომ მისი მეუღლე არის ქართველი.
ჩვენი სურვილია, რომ რაც შეიძლება დიდი არჩევანი ჰქონდეს ნაკრების მთავარ მწვრთნელს... ერთადერთი პრობლემა ჯოვინოსთან დაკავშირებით ჯერჯერობით მხოლოდ
ის გადაბმულად 5 წელი უნდა თამაშობდეს შენს ჩემპიონატში. სამწუხაროდ, ის 3 თვე განათხოვრებული იყო სხვა კლუბში და საქართველოში არ ასპარეზობდა.
მაგ 3 თვეს ჯერჯერობით არ თვლის ფიფა. დეტალები არის რაღაც მოსაგვარებელი და ჩვენ გვაქვს კომუნიკაცია ფიფასთან... სირთულეები იყო ასევე წიტაიშვილის, ვაჩიბერაძის მოქალაქეობის მიღებაზე, თუმცა საბოლოოდ მაინც მივედით შედეგამდე, რომ ისინი არიან საქართველოს ნაკრების წევრები", - თქვა იაშვილმა.
