ოთხი ცვლილებით - საქართველოს ნაკრების სავარაუდო შემადგენლობა

AutoSharing Option
საქართველოს ეროვნულმა ნაკრებმა ძალები აღიდგინა და მომავალი მეტოქისთვის ემზადება. გიბრალტართან დაშავებული გიორგი წიტაიშვილი მომჯობინდა და გუნდთან ერთადაა, თუმცა, სავარაუდოდ, ბულგარეთში მას დასვენების საშუალება მიეცემა და უფრო 9 ივნისს, ჩრდ. მაკედონიაში ველით.

მიუხედავად იმისა, რომ პირველი მეტოქე სუსტი გვყავდა, დატვირთული გრაფიკიდან გამომდინარე, ფიზიკური ძალების აღდგენას დიდი მნიშვნელობა აქვს - თამაშიდან თამაშამდე სხვა ბევრი ვერაფერი ესწრება. გამარჯვებულ შემადგენლობაში ცვლილებები ამ ფაქტორების გამოც იქნება და გიბრალტართან ზოგიერთ ფეხბურთელს შანსი რომ მიეცა, იმიტომაც...

Sportall.Ge

ვვარაუდობთ, რომ ბოლო მატჩისგან განსხვავებით, ბულგარეთში 4 ცვლილებას ვიხილავთ.

გიორგი ლორია
- "ანორთსისის" მეკარე "ჯვაროსნებში" პირველის სტატუსითაა და მინიმუმ, "ერთა ლიგის" ჯგუფური ეტაპის ბოლომდე ასე გაგრძელდება, როტაციას კი ამ შეხვედრაში არ ველით.

ოთარ კაკაბაძე, გურამ კაშია, დავით ხოჭოლავა - ვილი სანიოლის გუნდის ბოლო პერიოდის შეხვედრებს თუ განვიხილავთ, ცენტრალური მცველების ამ სამეულს ის ყველაზე მეტად ენდობა და ცვლილებას ნაკლებად ველით.

გარკვეული შანსი მაინც არის, ძირითადში ლაშა დვალი ვიხილოთ, რომელიც უფრო დავით ხოჭოლავას ალტერნატივად უნდა განვიხილოთ.

საბა ლობჟანიძე - დარწმუნებული ვართ, "ჰათაისპორის" ფეხბურთელმა (რომელსაც
შოთა არველაძის "ჰალს" უკავშირებენ) ძალები სრულად აღიდგინა, მიუხედავად იმისა, რომ გიბრალტართან ბევრი ენერგია დახარჯა. საბა ჩვენს გუნდში ყველაზე შეუცვლელი და უკონკურენტო ჩანს და გამორიცხული არაა, ივნისის 10 დღეში 360 წუთი ითამაშოს.

Sportall.Ge

ნიკა კვეკვესკირი (1-ლი ცვლილება) - გიბრალტართან თავის გამოჩენის საშუალება ანზორ მექვაბიშვილს მიეცა, ახლა კი სასტარტოში ნიკა კვეკვესკირი უნდა დაბრუნდეს. "ჯვაროსნების" მთავარი მიზანი მაინც არწაგება უნდა იყოს, ეს ცუდ შედეგად არ ჩაითვლება, გამოცდილ ნახევარმცველზე კი ბევრი რამ იქნება დამოკიდებული - სათამაშო ტემპის კონტროლის, რგოლებს შორის კავშირისა და მისთვის ჩვეული გრძელი გადაცემების გამო.

გიორგი აბურჯანია - "აბუ" გიბრალტართან საკმაოდ კარგად გამოიყურებოდა და მოსალოდნელია, რომ მას სასტარტოში ახლაც ვიხილავთ.

წინა მატჩისგან განსხვავებით, ვაკო გვილიას განაცხადში ველით და შესაძლოა, გამოცდილ შუახაზელს დროც მიეცეს, ოთარ კიტეიშვილი კი მეტად უნდა დაიტვირთოს.

გურამ გიორბელიძე (მე-2 ცვლილება) - წიტაიშვილი გიბრალტართან მართლაც მოგვეწონა, მაგრამ ფრანგი დამრიგებელი მის თამაშს მაინც ნაკლებად გარისკავს.

23 კაცში ალბათ ირაკლი აზაროვი დაბრუნდება, თუმცა სანიოლის არჩევანი
სავარაუდოდ, მაინც გიორბელიძე უნდა იყოს, რომელმაც გასულ შეხვედრაში ტაიმზე მეტი ითამაშა.

ზურიკო დავითაშვილი (მე-3 ცვლილება) - დასვენებულ ზურიკოს ახლა სასტარტოში (ჩაკვეტაძის ნაცვლად) ველით. მარტის ამხანაგურ მატჩებში გამოიკვეთა, რომ
მას ნახევარდაცვაში უამრავი სამუშაოს შესრულება შეუძლია, რაც ბულგარეთში ასე გამოგვადგება. მეტოქის ბანაკში პირველ დაპირისპირებაში  ფრით (ჩრდ. მაკედონიასთან 1:1) უკმაყოფილო არიან და აგრესიულად შემოგვიტევენ.

ხვიჩა კვარაცხელია - გვჯერა, კვარაცხელია ქართველი გულშემატკივრების მოლოდინს გაამართლებს და თავის მაღალ კლასს კიდევ ერთხელ გამოავლენს.

ხვიჩას სამხრეთ იტალიური მედიაც აქტიურად აკვირდება და თითოეულ დეტალს განიხილავენ. მთავარია, ყველაფერმა ამან "კვარაზე" ემოციურად არ იმოქმედოს, თუმცა მისი ხასიათიდან გამომდინარე, ამის ნაკლებად გვეშინია.

ბუდუ ზივზივაძე (მე-4 ცვლილება) - გიორგი მიქაუტაძემ გიბრალტართან ბევრი იშრომა, ბოლოს გაიტანა კიდეც, მაგრამ ბულგარეთში ძირითადში ზივზივაძე უნდა დაუბრუნდეს. მას უნგრეთში ბევრი გააქვს და მოწინააღმდეგის კარი ბოლოს ნაკრების მაისურითაც აიღო.

მთავარია, ბულგარელეთის ნაკრებთან ნავსი გავტეხოთ. თითქოს განსაკუთრებული არაფრით გამორჩეული გუნდი ჩვენთვის საკმაოდ ბევრი გოლის გატანას ახერხებს, ასე იყო ბოლო ამხანაგურ მატჩშიც (1:4 გასულ სექტემბერში). არ დაგვავიწყდეს, რომ ამ ქვეყანის უძლიერესი ნაკრები, ერთ დროს, ხრისტო სტოიჩკოვის მეთაურობით (2:1) დავამარცხეთ.

შეხვედრა რაზგრადში 5 ივნისს, თბილისის დროით 22:45 საათზე დაიწყება და მას 41 წლის იტალიელი (ნეაპოლელი) არბიტრი ფაბიო მარესკა განსჯის.

altსაუკეთესო გოლის გატანის გარეშე - საქართველოს ნაკრების შეფასებაaltრაც თავიდან გვიკვირდა - საქართველოს ნაკრების შედეგი და მომავლის სამუშაო

მკითხველის კომენტარები / 22 /
საღოლ გაარტყით )) მოდი კაი სანიძლაო კიტე იქნება მაგ დავითაშვილის მაგიერ.
რომა
04 ივნისი 2022 13:55
7
გასამარჯვი მატჩია!სულ გაგვემარჯოს!ოღონდაც თითების შლა "ვიქტორიით",ჰოპლას ძახილამდე,დიდ სპორტსმენებს არ შვენის, ვთხოვ, გულის ყურით წაიკითხონ,ჩემი პოსტი ფეხბურთელებმა,თუ კი რამეს კითხულობენ,სტატიაზე: საქართველოსთან ამგვარი შეცდომები არ უნდა განმეორდეს ბულგარელი მწვრთნელის გამონათქვამით.იმ პოსტში ჩვენი გამარჯვების საწინდარია,გვაქვს რეალურად გადამწყვეტი ჩანაფიქრ-შესრულებით, საფუძვლები ამ მატჩის მოგებისა,დღევანდელი ნაკრებით.
ზ.მ. დიდი ვაშლიდან
04 ივნისი 2022 13:50
1
მამარდაშვილი
დვალი კაშია ხოჭოლავა
კაკაბაძე კვეკვ. კიტეიშ. აზარ.
ლობჟანიძე კვარაცხელია
ზივზივაძე
Აზაროვი ან დავითაშვილი, კვეკვესკირი ან გვილია. 3-4-2-1 რომელიც შეიძლება 5-3-2 ად ან 5-4-1 ად ტრანსფორმირდეს, გააჩნია თამაშის მსვლელობას. ბულგარეთთან ასე ვისურვებდი.
ამატაკი
04 ივნისი 2022 13:32
15
ბულგარეთს აუცილებლად სჭირდება გამარჯვება.სხვანაირად ფაქტობრივად დაკარგავს ჯგუფიდან გასვლიდ შანსს.ამიტომ აუცილებლად შემოგვიტევენ და კონტრშეტევბაზე,მეორე ნომრად თამაში მოგვიწევს.ეს კი,ჩვენთვის ძალიან ნაცნობი და კომფორტული მოდელია.ბულგარელებმა ძალიან მძიმე ბრძოლა გადაიხადეს და დაღლილობასთან ერთად,ტრავმებიც ექნებათ,არც განწყობა ექნებათ ზეაწეული.უკვე ჯგუფში ჩარჩენის შიშიც ექნებათ შეპარული და ეს ნერვიულობას მოუმატებთ.ცუდ დღეშია მათი მწვრთნელიც.დღევანდელ ნაკრებში,კვარა და საბა,ისეთი გამქცევები არიან,აუცილებლად გვექნება შანსები.ზივზივაძე კი,არც მარტოა ცუდი და ფლანგურ პასებზე ხომ კიდევ უკეთესად თამაშობს.ვფიქრობ ბევრი რამე იქნება დამოკიდებული პირველ გოლზე.ვინ შესძლებს გატანას.ჩვენ ბოლო თამაშებში გოლი არ გაგვიშვია და ეს დაუსრულებლად ვერ გაგრძელდება.სავარაუდოდ, ამ ორი თამაშიდან რომელიმეში მაინც,აუცილებლად გაგვიტანენ და იმედია ეს არ აგვრევს.გიბრალტართან ჩვენ გამუდმებით ვცდილობდით დაცვის ზურგს უკან ჩაგვეყარა ბურთები და იქიდან შეგვექმნა საფრთხე.მგონი საკმაოდ წარმატებულადაც, ბულგარეთი გიბრალტარი არ არის და ასე ადვილად ვერ გავატარებთ,თუმცა უკვე თავდასხმის კომბინირებასაც ვახერხებთ და აუცილებლად ვიპოვით ბზარებს,ბულგარელთა არც ისე დალაგებულ დაცვაში.მთავარია შანსები არ გავანიავოთ.ნაკრები ყოველი თამაშის შემდეგ ვითარდება და ლაგდება,თავდაჯერებაც მოვიდა.ასე რომ ამ თამაშს დიდი იმედით ველი და სწორედ გამარჯვებას ვუსურვებ, ბიჭებს.ამის გაკეთება თავისუფლად შეუძლიათ.
სოსო
04 ივნისი 2022 13:24
2
შენ არ გჭირდება ხოო?
სანო
05 ივნისი 2022 21:00
1
კიტეიშვილი კვეკვესკირის დუეტი უნიკალური იქნება, აბურჯანიასადმი დიდი პატივისცემის მიუხედავად.
დიმა
04 ივნისი 2022 13:11
2
ისეთი გუნდები გვყავს გამწარებული,ბულგარეთი რა მოსატანია, მიდით ბიჭებო!!!!
გიორგი
04 ივნისი 2022 12:31
2
და ვინ გავამწარეთ? პირიქით კი რამდენიც გინდა. ბოლოს მაკედონიამ გაგვამწარა!
დავით
04 ივნისი 2022 15:40
5
სახლში კი
ბაჩი
04 ივნისი 2022 13:13
6
მოვიგებთ
las
04 ივნისი 2022 12:11
1
გააკეთეთ გამოხმაურება
X
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

ასევე დაგაინტერესებთ
სიახლეები პოპულარული