ერთა ლიგაზე საქართველოს ნაკრებთან მატჩამდე პრესკონფერენციაზე ჩრდილოეთ მაკედონიის ეროვნული გუნდის მწვრთნელმა ბლაგოია მილევსკიმ ისაუბრა:
"საქართველოს ბულგარეთთან და სხვა წინა შეხვედრები გავაანალიზეთ. ეს შესანიშნავი ფეხბურთელებით დაკომპლექტებული შესანიშნავი გუნდია. ბულგარეთთან კარგად ითამაშეს, მაგრამ ეს უკვე ისტორიაა და ვნახავთ, რა მოხდება ხვალ მოედანზე. თბილისში ჩატარებულ შეხვედრას ხვალინდელ დაპირისპირებასთან საერთო არაფერი აქვს. ქართველი ფეხბურთელები ინდივიდუალურად ძლიერები არიან და თუ საშუალება მიეცი, შეუძლიათ გამოიყენონ. ინდივიდუალური ოსტატობა მნიშვნელოვანია, თუმცა საბოლოოდ გუნდი იგებს ან აგებს.
მოკლე პერიოდში 4 მატჩის ჩატარება გვიწევს და ფეხბურთელებს მაქსიმალურად კარგ ფორმაში ყოფნას
ვერ მოვთხოვთ. ვინც აქ არის, ბოლომდე იხარჯება. ვეცდებით, ხვალ უკეთ ვითამაშოთ. თბილისურ შეხვედრასთან შედარებით საქართველო სხვა გუნდია. მათ ახალი მწვრთნელი ჰყავთ, ახალი ფილოსოფია აქვთ და სრულიად სხვანაირად თამაშობენ. აი, რატომ ვერ ვხედავ ამ ორ მატჩს შორის კავშირს. გვინდა სტადიონი გაივსოს და გულშემატკივრებმა მხარი დაგვიჭირონ. ეს, რა თქმა უნდა, ჩვენთვის მნიშვნელოვანია".
![alt](/pictures/image50/9a613183bc31fb6e25ec849893cfd62b.jpg ""საქართველოს ნაკრები უკვე სულ სხვა გუნდია" - ჩრდილომაკედონიელთა მწვრთნელი")
სანიოლი: თუ ისევ ისე ვითამაშებთ, სახლში კარგი მოგონებებით დავბრუნდებით![alt](/pictures/image50/186fa5b94bff7a356d339f3ae5174689.jpg ""საქართველოს ნაკრები უკვე სულ სხვა გუნდია" - ჩრდილომაკედონიელთა მწვრთნელი")
კვეკვესკირი: კარგად დაწყებული საქმე უნდა გავაგრძელოთ![alt](/pictures/image50/f0a72cda5b58f1119c76b2171c9deda9.jpg ""საქართველოს ნაკრები უკვე სულ სხვა გუნდია" - ჩრდილომაკედონიელთა მწვრთნელი")
როტაცია მეკარესაც შეეხება? - საქართველოს ნაკრების სავარაუდო შემადგენლობა
