"როგორც მოგეხსენებათ, 2024 წლის ევროპის ჩემპიონატზე მოსახვედრად დარჩენილი ბოლო 3 საგზურიდან ერთ-ერთის მოსაპოვებლად მარტში საქართველო იბრძოლებს.
21 და 26 მარტს გველის საკვალიფიკაციო ეტაპის პლეი-ოფის შეხვედრები და როგორც ვიცით დანამდვილებით, 21 მარტს თბილისში ვუმასპინძლებთ ან ლუქსემბურგს, ან აზერბაიჯანის ნაკრებს და ფინალური შეხვედრა კი 26 მარტს გველის.
23 ნოემბერს გასამართ წილისყრაზე გაირკვევა, თუ რომელი ნახევარფინალის გამარჯვებული იქნება მასპინძელი ფინალურ შეხვედრაში და უნდა ვისურვოთ, რომ ფინალის მასპინძელი ჩვენი ნახევარფინალური წყვილის
სამწუხარო რეალობა გვაქვს, რომ ნახევარფინალურ მატჩში ხვიჩა კვარაცხელია ვერ დაგვეხმარება, თუმცა დარწმუნებული ვარ, რომ ჩვენს გუნდს ნებისმიერი შემთხვევაში აქვს იმის რესურსი, ნახევარფინალში გაიმარჯვოს, ევროპის ჩემპიონატის პლეი-ოფის ფინალში ითამაშოს და გადამწყვეტ მატჩში უკვე ხვიჩასთან ერთად შევძლოთ იმ ოცნების ახდენა, რასაც ევროპის ჩემპიონატის ფინალურ ეტაპზე თამაში ჰქვია."
კვარაცხელია ევროპის ჩემპიონატის პლეი-ოფს გამოტოვებს - შიში და ორაზროვნება...
"მივმართავ ფეხბურთის ფედერაციის უფროსობას, კერძოდ: ლევან კობიაშვილს, ალექსანდრე იაშვილს, დავით მუჯირს, კახა ჭუმბურიძეს და სხვა დანარჩენებს:
ფურთხის ღირსები ხართ იმისთვის, რასაც თქვენი გუნდი ჩვენ, პატრიოტ ქომაგებს, შეგნებულად თუ შეუგნებლად გვიკეთებთ! რომ არაფერი ვთქვათ 2020 წელს მაკედონიასთან თამაშზე ხალხის თამაშგარეში დატოვებაზე (როდესაც თითიც არ გაატოკეთ ქომაგთა თუნდაც მცირე ნაწილი რომ დასწრებოდა ამ ისტორიულ მატჩს, ხოლო თავად ურცხვად გამოიჭიმეთ ტრიბუნებზე შვილებთან თუ სხვადასხვა ვეტერან ფეხბურთელებთან ერთად), ამჟამინდელი ისტორიული შანსის განიავების ალბათობა გაზარდეთ, თქვენს ბუნაგში არსებული არაკომპეტენტურობის გამო! ფედერაციის შენობა გაავსეთ საძმაკაცოთი და ყოფილი ფეხბურთელებით (ლევან ცქიტიშვილი, ზაზა ზამთარაძე, ლაშა სალუქვაძე და სხვ.), ხოლო პროფესიონალი და საქმის მცოდნე კადრები დეფიციტური გახადეთ, რის სავალალო შედეგსაც ახლა გულშემატკივრები მწარედ ვიმკით. ჰოდა იცოდეთ, რომ თუკი ხვიჩა კვარაცხელიას პლეი-ოფის ნახევარფინალში დისკვალიფიკაცია საბედისწერო აღმოჩნდება ჩვენი ეროვნული გუნდისთვის, მომდევნო დღეები ასევე საბედისწერო იქნება თქვენთვის, ვინაიდან მრავალრიცხოვანი ქართველი გულშემატკივრის რისხვას ვერანაირად ვერ გაექცევით და უმკაცრეს პასუხს აგებთ გამოჩენილი გულგრილობისთვის!!!
P.ს. დღეს ერთადერთი სწორი ქმედება თქვენი მხრიდან იქნება გამოხვიდეთ და საჯაროდ ბოდიში მოუხადოთ ნაკრების ქომაგ მრავალათასიან არმიას, ასევე შეპირდეთ რომ ყველაფერს გააკეთებთ, რათა მარტის თამაშებამდე სანაკრებო ატმოსფერო საუკეთესო დონეზე იყოს მომზადებული