საქართველოს ნაკრების ევრო 2024-ზე გასვლაზე საკუთარი მოსაზრება საბჭოთა კავშირის ნაკრების ყოფილმა მეკარემ, ანზორ კავაზაშვილმა გამოთქვა.
"ეს უდავოდ საქართველოს ნაკრების დიდი წარმატებაა. განსაკუთრებით მას შემდეგ, რაც სსრკ დაინგრა და ქართული გუნდებისთვის ერთმანეთთან თამაში ძალიან კომფორტული არ იყო, რადგან ქალაქები ძალიან დიდი არაა, სერიოზული კლუბები კი, თბილისის "დინამოსა" და ბათუმის "დინამოს" გარდა, არ იყო. მაშინ საქართველოს ჩემპიონატში მონაწილე გუნდები დიდი მნიშვნელობისანი არ იყვნენ.
თუმცა მოდის ახალი თაობა, ახალი სამწვრთნელო კადრები, უცხო ქვეყნებთან რეზერვების გაცვლა. შეიძლება ითქვას, დრო ყველაფერს უკეთესობისაკენ ცვლის. ახლა საქართველომ
სიღრმისეული და ლამაზი ფეხბურთის ჩვენება დაიწყო. მათ ინდივიდუალური ოსტატობა დაუბრუნდათ, რომელიც ქართველ ფეხბურთელებს ყოველთვის გამოარჩევდა. საბჭოთა კავშირის ნაკრებში ქართველები მუდამ შვიდიდან ათ ფეხბურთელამდე იყვნენ წარმოდგენილი. მე ძალიან გახარებული ვარ და საქართველოს ვულოცავ!", - ციტირებს კავაზაშვილს "ჩემპიონატი".
კავაზაშვილმა რადიო Движение-სთან განაცხადა, რომ ქართულ ფეხბურთში ფული გამოინახა, რამაც ჩვენს მოთამაშეებს ნიჭისა და ტემპერამენტის რეალიზების საშუალება მისცა, ბევრი ახალგაზრდა საზღვარგარეთ წავიდა და საქართველოს ნაკრები ელიტას უახლოვდება.
დიაგნოზი ცნობილია - კვარაცხელიამ ნეაპოლში სამედიცინო შემოწმება გაიარა
