შვებულებიდან დაბრუნებულმა გიორგი ჩაკვეტაძემ "უოტფორდის" პირველ ამხანაგურ მატჩში მიიღო მონაწილეობა და თავიც გამოიჩინა.
პირველი ლიგის "უიკომბთან" გასვლაზე ჩატარებულ შეხვედრაში "უოტფორდი" 2:3 დამარცხდა, თუმცა ჩაკვეტაძემ ანგარიში დრიბლინგის შედეგად ეფექტური გოლით გახსნა და საერთოდაც კარგი შთაბეჭდილება დატოვა.
ჩაკვეტაძემ 70-ე წუთამდე ითამაშა და მწვრთნელმა ტომ კლევერლიმ განაცხადა, რომ მიუხედავად ევრო 2024-ის შემდეგ გუნდში გვიან გამოცხადებისა, ქართველი კარგ ფიზიკურ ფორმაშია, რაც ძალიან ახარებს; ფეხბურთელია, რომელიც მოსწონს, ვინაიდან ჭკვიანია, ბურთს შესანიშნავად ფლობს, პოზიციას არჩევს; მისი ამოცანაა, გიორგიმ უფრო მეტი საგოლე გადაცემა გააკეთოს და გოლები გაიტანოს; ცენტრალური ფიგურაა, რამეთუ შეტევა ძირითადად მისი წინამძღოლობით მიმდინარეობს და საკმაოდ მონდომებულია.
"უოტფორდი" 3 აგვისტოს საკუთარ მოედანზე სპარინგს "ბრენტფორდთან" გამართავს, 10 აგვისტოს კი, ჩემპიონშიფის პირველ ტურში, სტუმრად "მილუოლს" დაუპირისპირდება.
"ჩაკვეტაძე ევრო 2024-ზე შესანიშნავი იყო - მსურს, გუნდშიც ასეთი გიორგი ვიხილო" - აცხადებს "უოტფორდის" მწვრთნელი
!["გიორგის დრიბლინგები ფენომენალურია... ჩემს შვილს ჩაკვეტაძის შესახებ ვეუბნები, რომ..." - "უოტფორდის" მეკარე ქართველი თანაგუნდელის შესახებ [VIDEO]](/pictures/image7/8f301f0357b51e9fb45fdc2057f17a6b.png "\"გიორგის დრიბლინგები ფენომენალურია... ჩემს შვილს ჩაკვეტაძის შესახებ ვეუბნები, რომ...\" - \"უოტფორდის\" მეკარე ქართველი თანაგუნდელის შესახებ [VIDEO]")
![ჩაკვეტაძე ნაკრებში ჩინებულ ფორმაში მოდის - "უოტფორდმა" გაიმარჯვა და მეოთხე ადგილზე გადავიდა [VIDEO]](/pictures/image7/9c16cf0dc6039bc2a2aea1deeea4cb5d.jpeg "ჩაკვეტაძე ნაკრებში ჩინებულ ფორმაში მოდის - \"უოტფორდმა\" გაიმარჯვა და მეოთხე ადგილზე გადავიდა [VIDEO]")
![ჩაკვეტაძის საგოლე გადაცემა, ბაიოს პოკერი და "უოტფორდის" შესანიშნავი გამარჯვება შეფილდში [VIDEO]](/pictures/image7/8cba2da339929885c5d68cc5183c3bf3.jpg "ჩაკვეტაძის საგოლე გადაცემა, ბაიოს პოკერი და \"უოტფორდის\" შესანიშნავი გამარჯვება შეფილდში [VIDEO]")
