"ლუცერნმა" ოფიციალურად განაცხადა, რომ კლუბმა "ხიმნასტიკიდან" საქართველოს ნაკრების მცველი ოთარ კაკაბაძე დაიმატა. ჩვენებურმა შვეიცარიულ კლუბთან კონტრაქტი 2021 წლის 30 ივნისამდე გააფორმა.
ოფიციალური საიტი არ აღნიშნავს, თუმცა შვეიცარიული პრესა იტყობინება, რომ გარიგების საფასურმა ნახევარი მილიონი ევრო შეადგინა.
"დიდი მადლობა ოთარს! ჩვენ მარჯვენა ფლანგზე გავძლიერდით. ის ძალიან ახალგაზრდა და წარმატებაზე დამშეული მოთამაშეა.
დარწმუნებულნი ვართ, რომ მას თავისი პოტენციალი ბოლომდე არ გამოუვლენია", - აღნიშნა წარდგენისას "ლუცერნის" სპორტულმა კოორდინატორმა რემო მეიერმა.
"ძალიან ბედნიერი ვარ აქ ყოფნით. მოუთმენლად ველოდები, როდის შემეძლება თამაში და თანაგუნდელების დახმარება.
შეგახსენებთ, რომ კაკაბაძის სახელს ზაფხულში ლა ლიგას უკავშირებდნენ და "ხეტაფეს" ვარიანტიც სახელდებოდა, თუმცა საქართველოს ნაკრების მცველი საბოლოოდ, "ლუცერნში" ვაკო გვილიასთან ერთად აღმოჩნდა.
![alt](/pictures/image50/6c34cca33413ace6ea670b8b026b2195.jpg "ოფიციალურად: "ლუცერნმა" ოთარ კაკაბაძე წარადგინა")
ვარაუდები - რატომ გადადის ოთარ კაკაბაძე "ლუცერნში"?
