18 წლის ქართველმა ნახევარმცველმა ხვიჩა კვარაცხელიამ მოსკოვის "ლოკომოტივში" პირველივე მატჩში გაიტანა გოლი.
ის მარბელაში "ვიკინგთან" ამხანაგური შეხვედრის 65-ე წუთზე შევიდა შეცვლაზე და 10 წუთში დალაშქრა ნორვეგიელთა კარი.
"პირველად ითამაშა კვარაცხელიამ. ქართველი ფეხბურთელი კარგად ჩაერთო შეხვედრაში: კრეატიული იყო, ამწვავებდა შეტევებს, თავისივე წამოწყებული იერიში დაასრულა გოლით.
ბურთი მოედნის ცენტრში ფარფანმა ჩაჭრა, ხვიჩა წინ გაიჭრა, ბურთი ჟამალეტდინოვს გადააწოდა, გაიხსნა საპასუხო გადაცემაზე და ერთი შეხებით ბურთი მეტოქის კარში გადაგზავნა", - გვამცნობს "ლოკოს" საიტი.
ეს მატჩი "რკინიგზელებმა" 5:1 მოიგეს, ამ გუნდის მცველი საბა კვირკველია ძირითად შემადგენლობაში იყო და მეორე ტაიმში შეცვალეს.
![alt](/pictures/image50/bab99c8fb1e625e38ca405b1b91c3585.jpg "ხვიჩა კვარაცხელიას მოსკოვის "ლოკომოტივში" სადებიუტო გოლის გასატანად 10 წუთი დასჭირდა!")
ხვიჩა კვარაცხელია მოსოკოვის "ლოკომოტივში" ჩაირიცხა - ერთი ქართველი კარგია, ორი კიდევ უფრო უკეთესი [VIDEO]
