ფამაგუსტის "ანორთოსისის" ქართველ მთავარ მწვრთნელ თემურ ქეცბაიას ძალიან დაწყვიტა გული კვიპროსის ჩემპიონატის ნაადრევად დასრულებამ და ჩემპიონად ნიქოზიის "ომონიას" გამოცხადებამ.
მოგეხსენებათ, კუნძულელთა ჩემპიონატს "ანორთოსისი" და "ომონია" თანაბარი ქულებით ლიდერობდნენ, თუმცა ნიქოზიელებს ურთიერთშეხვედრებში ჰქონდათ უპირატესობა (1:0, 0:0) და სწორედ ამიტომ მიიღეს ჩემპიონთა ლიგის საგზური.
ქეცბაიას შესახებ "ანორთოსისის" სპორტულმა დირექტორმა იანის კონსტანტინუმ ისაუბრა:
"თემური დეპრესიაშია. ის მიიჩნევს, რომ ჩემპიონობა წაართვეს. ქეცბაიას თამაში უნდოდა, სჯეროდა, რომ "ანორთოსისი" ჩემპიონი გახდებოდა და გასაგებიც არის, რატომ არის ასე გულდაწყვეტილი".
აღსანიშნავია, რომ გადაწყვეტილება კლუბმა უეფასა და ადგილობრივ სასამართლოში
გაასაჩივრა, თუმცა ქეცბაიამ ფეხბურთელებს განუცხადა, რომ სავარჯიშო პროცესი დასრულებულია.
მომზადებულია sport24.gr-ის მიხედვით
ქეცბაიას იდეა პირველად ბუნდესლიგამ განახორციელა
"ანორთოსისის" დირექტორი: ოქრიაშვილს უკეთეს გუნდში გადასვლაში ხელს შევუწყობთ
კვიპროსში სეზონი დაასრულეს, "ანორთოსისი" ჩემპიონის ტიტულის და ჩემპიონთა ლიგის გარეშე დატოვეს
