რუსეთის პრემიერლიგის ბოლოსწინა, 29-ე ტურში ხვიჩა კვარაცხელიასა და ზურიკო დავითაშვილის "რუბინი" საკუთარ მოედანზე "როსტოვს" დაუზავდა - 0:0.
ყაზანურმა გუნდმა წინა ტურში მოახერხა პრემიერლიგაში ადგილის შენარჩუნება და ამჯერად ყოველგვარი დაძაბულობის გარეშე ითამაშა.
"რუბინი" უპირატესობას ფლობდა, მატჩის საუკეთესო ფეხბურთელად აღიარებული კვარაცხელია შეუჩერებელი იყო, ატყუებდა მცველებს, დასარტყმელ პოზიციაზე გაჰყავდა პარტნიორები, თვითონაც ჰქონდა გოლის გატანის შესაძლებლობა, მაგრამ მეკარემ არ დაანება. ბოლოს, როდესაც ბურთს მიიღებდა, გულშემატკივრები ოვაციებს უმართავდნენ.
"მარცხენა ფლანგზე კვლავ ბრწყინავდა ხვიჩა. ქართველის ერთ-ერთი გარღვევის შემდეგ იგნატიევმა ოდნავ ააცილა ბურთი მიზანს.
მეორე ტაიმში კვარაცხელია მეურვეებს გაურბოდა, გაორმაგებული ენერგიით ატყუებდა და მაყურებლებისთვის ნამდვილი წარმოდგენა მოაწყო. მატჩის დასასრულს სამი მოწინააღმდეგე მოატყუა, დაარტყა კიდეც, თუმცა მეკარე პესიაკოვმა არ გაატანინა გოლი, რომელიც შესაძლოა, ტურში საუკეთესო გამხდარიყო", - წერს "რუბინის" საიტი.
მატჩისშემდგომ გამართულ პრესკონფერენციაზე ჟურნალისტმა "რუბინის" მწვრთნელ ლეონიდ სლუცკის კითხვა დაუსვა, რომელზეც მან ამომწურავი პასუხი გასცა.
- დღეს კვარაცხელიამ მრავალი მომენტი შექმნა. რატომ ვერ გაიტანა?
- 2001 წელს დაბადებული მოთამაშე რომ თავად იღებდეს ბურთს, თავად ატყუებდეს, თავად გაჰქონდეს, თავად აკეთებდეს ყველაფერს... რა თქმა უნდა, ასეთი ფეხბურთელი გვინდა გუნდში გვყავდეს და მას არსებითად შეუძლია ასეთი იყოს, მაგრამ არ უნდა დაგვავიწყდეს, რომ ჯერ კიდევ რამდენიმე თვის წინ სასტარტო შემადგენლობის ფეხბურთელი არ იყო. დღეს გამოირჩეოდა და შესანიშნავად ჩაატარა აბსოლუტურად ყველა შეხვედრა. შემდეგი ნაბიჯი - ვეცდებით, ამას სტატისტიკაც დაემატოს.
კვარაცხელიამ შეუცვლელად ითამაშა, ხოლო დავითაშვილი 64-ე წუთზე შევიდა შეცვლაზე.
"რუბინი" 22 ივლისს, უკანასკნელ ტურში "სპარტაკს" მასპინძლობს.
ხვიჩა კვარაცხელიამ რუსეთის ლიგის რეკორდი გაიმეორა
უტკინი: კვარაცხელია "რუბინმა" სწორედ ამიტომ იყიდა
ხვიჩა კვარაცხელია თვით გაზაევმა აღიარა და ტურის სიმბოლურში შეიყვანა
კვარაცხელიაზე "ნადირობა" დაიწყო - ესპანური ვარიანტი გამოუჩნდა და "კრასნოდარი" მის შეძენას ცდილობს
"როცა თავხედობა ბედნიერებაა" - რუსული გამოცემა კვარაცხელიას აქებს
კვარაცხელია "რუბინის" გაჭირვების ტალკვესია - თავისი გუნდი ცსკა-სთან მარცხისგან იხსნა [VIDEO]
ხვიჩა - 19 წლის ბიჭი ბურთს ქართულად აგორებს და გულშემატკივრები ეთაყვანებიან
კვარაცხელიამ გამარჯვების მომტანი ჩინებული საგოლე პასი გააკეთა და მატჩის საუკეთესო ფეხბურთელად აღიარეს [VIDEO]
მაგარია, ძალიან მაგარი! ერთი ეგ არის, რო ხშირად ახლო მანძილიდან დარტყმისას აქცენტს დარტყმის ძალაზე აკეთებს და არა სიზუსტეზე. ამ ეპიზოდში შეეძლო ბურთი შორეულ კუთხეში შეეცურებინა, ნაცვლად იმისა რო მთელი ძალით ალალბედზე ამოეცხო ფეხი. დარტყმის ტექნიკის დახვეწაზე თუ იმუშავებს, ძალიან კარგი იქნება.
რუსეთისნაირ ჩემპიონატში სადაც აქცენტი ფიზიკურ მომზადებაზე კეთდება და სივრცეები მაქსიმალურად იზღუდება უხეშობასთან ერთად, ესეთი მოძრაობები რომ გამოსდის ბევრის მთქმელია.
ქართული საფეხბურთო ნიჭის და ტექნიქის ზეიმი ხარ ხვიჩა.