გიორგი ჩაკვეტაძე მოედანს 10 დღეში დაუბრუნდება

ჯამრთელობას გისურვებ გიო..!!!

ძალიან, ძალიან გამიხარდა, რომ გიორგი სერიოზულ ტრავმას გადაურჩა და მინდორს მალე დაუბრუნდება, რომ თავისი თამაშით ყველა ჩვენთაგანი გაახაროს.

ცოტა სხვა თემას მინდა შევეხო... გვინდა ეს ჩვენ ამის აღიარება თუ-არა, ეს ფაქტია, რომ 90-იანი წლების სიდუხჭირემ ყველას, ყველა თაობას დაღი დაგვასვა და გამონაკლისი არც გიორგის თაობაა...
აბა შევხედოთ - რამდენი ტალატი დაგვეკარგა ამ წლების განმავლობაში ტრავმების გამო... ვინ მოთვლის - ყენია, მჭედლიძე, ჯანო... არ ვიცი რომელი ერთი ჩამოვთვალო...

იყო დრო, როცა ნაყინის გამყიდველი ქუჩაში ჩამოივლიდა, შვილებს ვემალებოდით, რომ მისი ყიდვის ფული არ გვქონდა... წყალწყალა სუპებზე გაზრდილი თაობა, უხორცოდ, რძის პროდუქტების გარეშე, სიტკბოს გარეშე, რომელიც მოზარდის გონებას ავითარებს, როგორ უნდა ჩამოყალიბებულიყო ეს თაობა?
ხომ ფაქტია, რომ 90-იან წლებში პროფ.სპორტსმენებს ელემენტარულად თბილი შხაპის მიღებაც არ შეეძლო ხშირად და ამის გამო გაოფლილნი გაციებულან და წელის ტკივილები აუკიდიათ?
აი ასეთ გარემოში გაგვეზარდნენ ეს ოქროს ბიჭები და ეს ხშირი ტრავმიანობაც, იმ მრავალრიცხოვან უბედურებებთან ერთად რაც ყველა ჩვენთაგანს დაგვატყდა თავზე, ჩვენი, მამების თაობის ბრალია... გადავწვით, გადავბუგეთ დედაქალაქი, რეგიონები... დავცხეთ ერთმანეთს-ვხოცეთ, ვჟუჟეთ ერთმანეთი და სანამ არ მივხვდით, რომ ყველაფერი თავზე ჩამოგვემხო და ჩამოგვალპა, მანამდე აზრზე ვერ მოვედით.

სიტყვა სხვა კუთხით გამექცა... უბრალოდ გულისტკივილი მაწერინებს ამას და ძალიან არ მემეტებიან ეს ბიჭები კარიერის ნაადრევად დასასრულებლად - იმედია ღმერთი და იღბალი ახლა მაინც იქნება ჩვენი ბიჭების, ჩვენი შვილების მხარეს.

აქვე მინდა ვისარგებლო შემთხვევით, ვიცი, ამას ჯანოც წაიკითხვას - გული არ გაიტეხო ჯანო და ფარხმალი არ დაყარო - ჩვენ შენ გვჭირდები და იმედია ეს ტრავმაც ბოლო იქნება მალე კვალვ გაგვახარებ