კვიპროსის თასის 1/8-ფინალში "ანორთოსისმა" თავსხმა წვიმაში 1:0 დაამარცხა პირველი ლიგის "პაფოსი" და მეოთხედფინალში გავიდა.
შესანიშნავად ითამაშა ტრავმამორჩენილმა მეკარე გიორგი ლორიამ, რომელმაც ორჯერ ნაღდი გოლისგან იხსნა თავისი გუნდი. ასევე შეუცვლელად ითამაშეს ბუბა დაუშვილმა და თორნიკე ოქრიაშვილმა. დაუშვილის პასით გაიტანა 45+2-ე წუთზე დემეტრის ხრისტოფიმ გამარჯვების გოლი, ხოლო ოქრიაშვილი ძალიან აქტიური იყო. გიორგი ქვილითაია 77-ე წუთზე შევიდა შეცვლაზე.
ნამატჩევს ლორიამ განაცხადა, რომ წვიმაში გამარჯვების მოპოვება გაუჭირდათ და მათი მიზანი დუბლის შესრულებაა. მწვრთნელმა ქეცბაიამ კი თქვა, რომ 10 დღეში 4 შეხვედრის ჩატარება იოლი არ არის და თავის ფეხბურთელებს გამარჯვება მიულოცა.
24sports-ის ცნობით, ოქრიაშვილთან მომხდარი ინციდენტის გამო ქეცბაია შეიძლება დააჯარიმონ.
8 ნოემბერს, ჩემპიონატის მე-10 ტურში "ანორთოსისი" აეკ-ს შეხვდება, რის შემდეგაც ქართველი ფეხბურთელები ჩრდილოეთ მაკედონიასთან მატჩისათვის თბილისში გამოემგზავრებიან.
![alt](/pictures/image50/ea67b806c1c1cd5dcaa088161a9a0624.jpg "ლორიას ჩინებული დაბრუნება, დაუშვილის საგოლე პასი - "ანორთოსისმა" თასზე იმარჯვა [VIDEO]")
ლორიასა და ოქრიაშვილის გარეშე "ანორთოსისმა" გალიდერების შანსი დაკარგა
![ქვილითაია შეცვლაზე შევიდა და გამარჯვების გოლი გაიტანა [VIDEO]](/pictures/image7/aadcdae6e21b47ebad0460b665f589a8.jpg "ქვილითაია შეცვლაზე შევიდა და გამარჯვების გოლი გაიტანა [VIDEO]")
