ვლადიმირ ვაისის მიერ გაწვრთნილმა ბრატისლავის "სლოვანმა" ჩემპიონთა ლიგის საკვალიფიკაციო ეტაპზე, ირლანდიურ "შემრიკთან" მატჩების წინ, პირველი ამხანაგური შეხვედრა გამართა და ავსტრიული "კაფენბერგი" 4:1 დაამარცხა. გუნდის ახალწვეულები, გურამ კაშია და ჯაბა კანკავა, შეხვედრაში მეორე ტაიმში ჩაერთნენ. საქართველოს ნაკრების კაპიტანმა მონაწილეობა მესამე გატანილ გოლში მიიღო.
შეხვედრის 54-ე წუთზე კანკავამ გრძელი გადაცემა გააკეთა, რასაც კიდევ ერთი მოკლე პასი და "სლოვანის" მესამე გოლი მოჰყვა.
"კაფენბერგის" ძირითად შემადგენლობაში იყო ლევან ელოშვილი, რომელსაც საქართველოს ახალგაზრდულ ნაკრებში უთამაშია. სხვათა შორის, ავსტრიელები მე-15 წუთზე დაწინაურდნენ, მაგრამ შემდეგ ვაისის გუნდმა თამაში დაალაგა და დიდი ანგარიშით იმარჯვა.
საქართველოს ნაკრების კაპიტნისა და ვიცე-კაპიტნის გუნდი ამხანაგურ მატჩებს სლოვენიურ "მარიბორთან", რუსეთის "ორენბურგთან" და ჩეხეთის "ზლინთანაც" გამართავს.
![alt](/pictures/image50/bcfc5423fab17c9c3d4000bf4fb4ca96.jpg "კაშიამ და კანკავამ კარგად დაიწყეს - "ჯვაროსანთა" კაპიტნის მშვენიერი პასი და საგოლე კომბინაცია [VIDEO]")
ვაისის, კანკავასა და კაშიას პირველი შეხვედრა - მზადება ჩემპიონთა ლიგის საკვალიფიკაციოსთვის
![ჩემპიონთა ლიგა. III ტური: "რეალის" დიდებული ქამბექი და ქართველების გუნდების მორიგი წაგებები [VIDEO]](/pictures/image7/85f031dd491ca88e3b38145aab7d675a.jpeg "ჩემპიონთა ლიგა. III ტური: \"რეალის\" დიდებული ქამბექი და ქართველების გუნდების მორიგი წაგებები [VIDEO]")
