რუსეთის რანგით მეორე დივიზიონში ქართველების "როტორისა" და დოლგოპრუდნის "ოლიმპის" მატჩი 1:1 დასრულდა.
ვოლგოგრადში თამაშს 6 029 მაყურებელი დაესწრო, მასპინძლები კი წაგებისგან ცენტრალურმა მცველმა ილია ბერიაშვილმა იხსნა, რომელიც 86-ე წუთზე ჩაერთო შეტევაში და საჯარიმოს გარედან ცხრიანში ლამაზი გოლი გაიტანა.
ბერიაშვილმა და ბექა ქავთარაძემ შეუცვლელად ითამაშეს, ხოლო ნიკოლაი ყიფიანი 57-ე წუთზე შევიდა შეცვლაზე. ამავე გუნდის წევრია რუსეთის მოქალაქე გიორგი მახათაძე, რომელიც სათადარიგო იყო.
"როტორმა" ტურნირის სტარტზე ორი მატჩი დაასრულა ფრედ, 24 ივლისს კი ხაბაროვსკის სკა-ს შეხვდება.
![alt](/pictures/image50/04afeab30bc755a8f8d9dc3597cb539e.jpg "ბერიაშვილმა "როტორი" მარცხისგან იხსნა")
ბერიაშვილი, ქავთარაძე, მახათაძე, ყიფიანი - "როტორი" პირველი ლიგის ფავორიტია
