Sports.ru ტულის "არსენალის" ყოფილ მცველ გია გრიგალავას ვაქცინაციასთან დაკავშირებით ესაუბრა.
როგორც ცნობილია, რამდენიმე დღეში რუსეთის პრემიერლიგის გუნდები ვაქცინაციას დაიწყებენ და ჟურნალისტმაც გრიგალავას შეკითხვა ამის შესახებ დაუსვა, თუ რას ფიქრობდა ამის შესახებ.
"მე აცრილი არ ვარ და ვაქცინის გაკეთებას არც ვაპირებ. ჩემი აზრით, ვაქცინაცია ნებაყოფლობითი უნდა იყოს და ძალა არავის არ უნდა დაატანო.
რატომ არ ვაპირებ ვაქცინის გაკეთებას? - ცოტა ხნის წინ მსუბუქი დაავადება გადავიტანე და ამის შემდეგ ანტისხეულები გამომიმუშავდა.
როგორც ვიცი, ყოფილა რიგი შემთხვევები, როდესაც ვაქცინის გაკეთების შემდეგ ადამიანის ჯანმრთელობა
გაუარესებულა.
მე ხომ არ ვიცი, რა მოხდება ჩემს სხეულში მას შემდეგ, რაც ვაქცინას გავიკეთებ?!".
ჟურნალისტმა გრიგალავას შეკითხვა იმის შესახებაც დაუსვა, რას იზამს იმ შემთხვევაში, თუ ახალ გუნდში ვაქცინის გაკეთება სავალდებულო იქნება.
"ასეთ შემთხვევაში ვაქცინის გაკეთება მომიწევს. კორონავირუსამდე ცხოვრება შესანიშნავი იყო და ახლა მასთან ერთად ცხოვრება უნდა ვისწავლოთ.
მიჩნდება კითხვა - რატომ არის ვაქცინა უფასო?! შესაძლებელია კი, რომ რაიმე კარგი უფასო იყოს?! ვაქცინას თუ ძვირი ფასი ექნებოდა, ყველა ფულს შეაგროვებდა და მის ყიდვას იფიქრებდა".
