ბელგიის ჩემპიონატის მე-15 ტურში "ზულტე ვერეგემთან" სტუმრად მოგებული მატჩის (2:1) განაცხადში არ იყო "გენტის" ნახევარმცველი გიორგი ჩაკვეტაძე, რომელმაც საქართველოს ნაკრების მწვრთნელის, ვილი სანიოლის თქმით, შეკრება მუხლის ტკივილის გამო დატოვა. Voetbalnieuws-მა "ზულტე ვარეგემთან" შეხვედრის წინ ჩაკვეტაძის შესახებ წერილი გამოაქვეყნა:
"მწვრთნელმა ჰეინ ვანჰეზებრუკმა 21-კაციანი შემადგენლობა გამოაცხადა - განსაკუთრებული სიურპრიზების გარეშე. ისევ იქცევს ყურადღებას ჩაკვეტაძის არყოფნა. ვანჰაზებრუკი აღნიშნავს, რომ 22 წლის ქართველი დაშავებული არაა და ორი კვირის წინ ერთი საათი ითამაშა. თუმცა, როგორც გაირკვა, ის ფიზიკურად ჯერ კიდევ არ არის მზად. "ანტვერპენთან" შეხვედრაში
ნახევარი საათის შემდეგ გაძევების გამო "უნიონთან" ვერ ითამაშა, ვანჰაზებრუკს მისთვის ადგილი ისევ არ აქვს და ეს მიუხედავად იმისა, რომ ენდრიუ ჰიულსაგერი უქმობს.
ისტორიის დასასრული?
მართალია, "ჩელამკო არენაზე" ჯერ კიდევ ბევრს სჯერა ჩაკვეტაძის პოტენციალისა, რომელიც ოთხი წლის წინ აბსოლუტური ტოპ-ტალანტის სახით მოვიდა და თავიდან ამ მოლოდინს ამართლებდა, როგორც ჩანს, მწვრთნელი მასზე იმედებს აღარ ამყარებს. ვინ იცის, იქნებ ფეხბურთელი, რომელსაც ნაკრებში 13 მატჩი აქვს ჩატარებული, წასვლასაც კი აპირებს, ვინაიდან მისი კონტრაქტი 2023 წელს სრულდება".
![alt](/pictures/image50/2fe0694759a4d9cc197e5900cf1e8364.jpg ""ჩაკვეტაძე "გენტიდან" წასვლას აპირებს? - ბელგიური მედია")
ჩაკვეტაძის ტრავმა მსუბუქი არ აღმოჩნდა
!["გიორგის დრიბლინგები ფენომენალურია... ჩემს შვილს ჩაკვეტაძის შესახებ ვეუბნები, რომ..." - "უოტფორდის" მეკარე ქართველი თანაგუნდელის შესახებ [VIDEO]](/pictures/image7/8f301f0357b51e9fb45fdc2057f17a6b.png "\"გიორგის დრიბლინგები ფენომენალურია... ჩემს შვილს ჩაკვეტაძის შესახებ ვეუბნები, რომ...\" - \"უოტფორდის\" მეკარე ქართველი თანაგუნდელის შესახებ [VIDEO]")
![ჩაკვეტაძე ნაკრებში ჩინებულ ფორმაში მოდის - "უოტფორდმა" გაიმარჯვა და მეოთხე ადგილზე გადავიდა [VIDEO]](/pictures/image7/9c16cf0dc6039bc2a2aea1deeea4cb5d.jpeg "ჩაკვეტაძე ნაკრებში ჩინებულ ფორმაში მოდის - \"უოტფორდმა\" გაიმარჯვა და მეოთხე ადგილზე გადავიდა [VIDEO]")
![ჩაკვეტაძის საგოლე გადაცემა, ბაიოს პოკერი და "უოტფორდის" შესანიშნავი გამარჯვება შეფილდში [VIDEO]](/pictures/image7/8cba2da339929885c5d68cc5183c3bf3.jpg "ჩაკვეტაძის საგოლე გადაცემა, ბაიოს პოკერი და \"უოტფორდის\" შესანიშნავი გამარჯვება შეფილდში [VIDEO]")
