"ჩემთვის რუსეთმა არსებობა შეწყვიტა, მათი კლუბების შემოთავაზებას არც კი განვიხილავ" - წიტაიშვილი რუსეთის შესახებ საუბრობს

საქართველოს ნაკრების ფეხბურთელმა გიორგი წიტაიშვილმა რუსეთის შესახებ ისაუბრა. მან განმარტა, თუ რა დამოკიდებულება აქვს ამ ქვეყნის მიმართ:

ის იხსენებს 2008 წლის მოვლენებს, როდესაც რუსეთის ჯარები "მშვიდობის აღსრულების" საბაბით საქართველოს ტერიტორიაზე შეიჭრა.

"რუსეთში ადამიანებს არ აქვთ საკუთარი აზრი, ფულის გულისთვის ხმას არ ამოიღებენ და უყურებენ ადამიანების და ბავშვების სიკვდილს. ამ ადამიანებს არ სურთ განვითარება და ნორმალური ცხოვრება, რადგან ამის შემდეგ რუსეთში ნორმალური ცხოვრება არასოდეს იქნება.

მთელ სამყაროს შეაძულეს ეს ქვეყანა, ეს ხალხი... მათ თითქოს კედელი ააგეს. მათ ეშინიათ ციხეში წასვლის და სურთ იცხოვრონ ქვეყანაში, სადაც არაფერი მოხდება.

ჩემთვის რუსეთმა არსებობა შეწყვიტა. ადრეც ვიცოდი, რა ხდებოდა საქართველოში, ცუდი დამოკიდებულება მქონდა მათი პრეზიდენტის მიმართ. რა თქმა უნდა, შეიძლება სადღაც ქვეყანაში იყოს ორიოდე ნორმალური ადამიანი - ასიდან ერთი პროცენტი, მაგრამ ის ერთი პროცენტიც კი არ შემიმჩნევია. ასეთი ხალხი ცოტაა.

საერთოდ არ მაინტერესებს რუსული კლუბების შემოთავაზებები. მე მათ არც განვიხილავ. ჩემი ფოტო ბასტასთან? ის ერთ-ერთია, ვისაც ფულის დაკარგვის ეშინია. შესაძლოა, მისნაირები არ უჭერენ მხარს ამ ომს, მაგრამ ეშინიათ ფულის და ტკბილი ცხოვრების დაკარგვისა. თუ ხმას ამოიღებენ, წამში ყველაფერს დაკარგავენ", - განაცხადა წიტაიშვილმა.