კონფერენს ლიგის მეორე საკვალიფიკაციო ეტაპის პირველ მატჩებში ქართველმა ლეგიონერებმა მიიღეს მონაწილეობა.
ბუდუ ზივზივაძის "ფეჰერვარმა" სახლში 4:1 დაამარცხა აზერბაიჯანის "გაბალა". ზივზივაძე 64-ე წუთზე შევიდა შეცვლაზე და 90-ეზე საბოლოო ანგარიში დააფიქსირა. ბუდუ გასულ სეზონში იჯარით "უიპეშტში" ჰყავდათ გაშვებული, სადაც ისევე, როგორც ნაკრებში, თავი საუცხოოდ წარმოაჩინა; ზაფხულში უკან დაიბრუნეს და ძირითად შემადგენლობაში ისევ არ ათამაშებენ. არადა, რაც შეუძლია, ამჯერადაც დაამტკიცა და კარგი იქნება, თუ ამ გუნდს თავს დააღწევს.
"კიზილ-ჟარი" ნურ-სულთანში 1:2 დამარცხდა "ოსიეკთან". მასპინძელთა რიგებში შეუცვლელად ითამაშა ელგუჯა ლობჯანიძემ, ხოლო მისი თანაგუნდელი გიორგი ივანიაძე სათადარიგო იყო.
"ნეფთჩიმ" კვიპროსში 0:2 მარცხი იწვნია "არისთან". "მენავთობეებში" შეუცვლელად იასპარეზა საბა კვირკველიამ.
21-ე წუთიდან კაცნაკლული "რაკუვი", რომლის განაცხადში კვლავ არაა ვაკო გვილია, პირველი ტაიმის შემდეგ ამარცხებს "ასტანას" - 2:0.
ბუდუ ზივზივაძე თურქეთის სუპერლიგაში? ქართველ ფორვარდს სერიოზული მსურველი ჰყავს
![ბუდუმ ისევ გაიტანა - "კარლსრუე" მერვედფინალში გავიდა [VIDEO]](/pictures/image7/8808a2b099aa9f48fda808d0e441a8bd.jpg "ბუდუმ ისევ გაიტანა - \"კარლსრუე\" მერვედფინალში გავიდა [VIDEO]")
![ზივზივაძის მეშვიდე გოლი - "კარლსრუე" სახლში "ჰერტასთან" დამარცხდა [VIDEO]](/pictures/image7/b1843d359540df3613abb84a9fbc8273.jpg "ზივზივაძის მეშვიდე გოლი - \"კარლსრუე\" სახლში \"ჰერტასთან\" დამარცხდა [VIDEO]")
![ბუდუ ზივზივაძემ "ჰერტას" გაუტანა [VIDEO]](/pictures/image7/fbf0cf211ebc8a3ce4fdea3a7df2014f.jpg "ბუდუ ზივზივაძემ \"ჰერტას\" გაუტანა [VIDEO]")
