სპალეტიმ კვარაცხელია ჩემპიონატის პირველ სამ მატჩში სასტარტოში დააყენა და მან 3 გოლი გაიტანა და 1 საგოლე გადაცემა გააკეთა, ამჯერად კი რაჰმანთან, მარიო რუისთან, ლობოტკასთან, ლოსანოსთან და ზილენსკისთან ერთად სათადარიგოთა შორის დატოვა. მწვრთნელმა როტაციას გადატვირთული კალენდრის გამო მიმართა.
25-ე წუთზე მასპინძელთა კარში პენალტი დაინიშნა, რომელიც 20 წლის კოლომბომ გამოიყენა, თუმცა მსაჯმა თერთმეტმეტრიანი ხელახლა შეასრულებინა და მისი დარტყმული ბურთი მერეტმა მოიგერია. 27-ე წუთზე კი ელმასმა „ნაპოლი“ დააწინაურა. თუმცა მალე კოლომბომ ანგარიში ულამაზესი გოლით გაათანაბრა.
შესვენების შემდეგ სპალეტიმ მოედანზე ლობოტკა და ზელინსკი შეუშვა, ხოლო 56-ე წუთზე - კვარაცხელია. ქართველმა რამდენიმეჯერ გაამწვავა თამაში. “ნაპოლი“ ბევრს და უშედეგოდ უტევდა და ფრეს დასჯერდა. მოკლედ, მწვრთნელის ექსპერიმენტმა ვერ გაამართლა.
„ნაპოლი“ 8 ქულით მე-3 ადგილზეა და 3 სექტემბერს რომში „ლაციოს“ დაუპირისპირდება.
ნეაპოლი. „დიეგო მარადონა“
ნაპოლი - ლეჩე 1:1
გოლები: 1:0 ელმასი (27), 1:1 კოლომბო (31)
გამოუყენებელი პენალტი: კოლომბო (25)
![alt](/pictures/image50/b8cb30b1aa716345b3ee1fda77c214d8.jpg "სპალეტის წარუმატებელი ექსპერიმენტი, ხვიჩა შეცვლაზე და "ნაპოლის" დაკარგული ქულები")
იტალიური მედია ხვიჩას თადარიგში ვარაუდობს - როტაცია "ნაპოლიში"![alt](/pictures/image50/961fd9f0f0d18117b6b353150e85f90a.jpg "სპალეტის წარუმატებელი ექსპერიმენტი, ხვიჩა შეცვლაზე და "ნაპოლის" დაკარგული ქულები")
მატჩის დღე! კვარაცხელია ისევ "სტადიო მარადონაზე" და მშვენიერ ხასიათზე...
![კვარაცხელიას გადაცემა ლუკაკუმ ვერ გამოიყენა - "ნაპოლიმ" "პალერმო" გაანადგურა [VIDEO]](/pictures/image7/2483f258465aff68ac1fba14eec4441c.jpg "კვარაცხელიას გადაცემა ლუკაკუმ ვერ გამოიყენა - \"ნაპოლიმ\" \"პალერმო\" გაანადგურა [VIDEO]")
შეცვლაზე კვარაცხელია. წინა მატჩთან შედარებით, შთაბეჭდილება თუ დაგვრჩა რომ ხვიჩიას პასებს არ აძლევდნენ, აქ პირიქით იყო. ცდილობდნენ მისთვის მიეცათ და მისი დრიბლინგის ან არასტანდარტული გადაწყვეტილების იმედი ქონდათ. სავარაუდოდ ვარჯიშზე უფრო ლაღია ხვიჩა და თანაგუნდელებსაც ახსოვთ ეს. ფაქტია ძალიან დააკომპლექსეს, ძალიან შებოჭილად თამაშობს. შთაბეჭდილება რჩება, რომ ეშინია ბურთი არ დაკარგოს და ვეღარ რისკავს დრიბლინგებს. სიმართლეც უნდა ითქვას, იტალიის კატენაჩო ყოველთვის ცნობილი იყო და გასაკვირი არაა რომ ჯერ უჭირს ალღოს აღება. მოდი შევთანხმდეთ, რომ არაა კვარა მესი. ეს თვითონაც იცის და დიდი შრომით შეუძლია წარმატებას მიაღწიოს, დროის საქმეა უბრალოდ. მთავარია ტრავმებმა არ შეაწუხოს. ეს კვარადონა, კვარასტელა, მეგაკვარა და მისთანანი კი სუპერ ემოციურ იტალიელებს დავუტოვოთ და არაა, ჟურნალისტების გასაგონად ვიტყვი, კვარას გაფეტიშება საჭირო.