თურქეთში შეკრებაზე მყოფი "შახტარი" ამხანაგურ მატჩში სლოვენიის ჩემპიონ "მარიბორს" დაუზავდა (4:4). უკრაინული გუნდის სასტარტოში იყო გიორგი გოჩოლეიშვილი.
მწვრთნელმა იგორ იოვიჩევიჩმა ქართველი მარჯვენა მცველად დააყენა და 66-ე წუთამდე ათამაშა. აღსანიშნავია, რომ გუნდის თავკაცმა მეორე ტაიმში როტაციას მიმართა და ძირითადი შემადგენლობის ყველა ფეხბურთელი გამოცვალა.
"შახტარი" შეკრებაზე 8 თებერვალს ორ სპარინგს ჩაატარებს - "სარაევოსთან" და თბილისის "დინამოსთან", 16 თებერვალს კი, ვარშავაში ევროპა ლიგის პირველ 1/16-ფინალურ მატჩში, "რენს" უმასპინძლებს. საპასუხო შეხვედრა 24 თებერვალს საფრანგეთში გაიმართება.
![alt](/pictures/image50/f8a5c62a0fcab4930507c8d17e0b1c7a.jpg "გოჩოლეიშვილმა "შახტარის" სასტარტოში ითამაშა და "რენთან" მატჩისთვის ემზადება")
დარიო სრნა: გოჩოლეიშვილის მსგავსი ფეხბურთელების მოძებნა ძნელია
