diariogol: კვარაცხელიამ ანჩელოტი იმდენად მოხიბლა, რომ პერესს მისი შეძენა სთხოვა

AutoSharing Option
diariogol-ის ცნობით, "რეალის" მწვრთნელი კარლო ანჩელოტი "ნაპოლის" გარემარბ ხვიჩა კვარაცხელიას სამსახურით დაინტერესდა:

"რეალისთვის" რთულია ანჩელოტის ერთ-ერთი მთავარი სურვილის დაკმაყოფილება
იტალიური პრესა ირწმუნება, რომ "ნაპოლი" ზაფხულში კვარაცხელიას ტრანსფერის თაობაზე მოლაპარაკებაზე უარს აცხადებს

"მიუხედავად იმისა, რომ სეზონის მეორე ნახევარი წინაა, ბევრი კლუბი უკვე ზაფხულის სატრანსფერო გეგმებსა და მომავალი სეზონისთვის გუნდების დაკომპლექტებაზე ფიქრობს. გასაკვირი არაა, რომ ამ მხრივ გამონაკლისი "რეალიც" არ არის.

კილიან მბაპეს დ ერლინ ჰოლანის გადაბირება მიუღწევლად მოჩანს, "სამეფო კლუბმა" სხვა ამოცანები დაისახა მიზნად და კარლო ანჩელოტის ერთ-ერთი მთავარი სურვილი შეტევის იმ
ფეხბურთელით გაძლიერებაა, რომელმაც ამ სეზონში შესანიშნავი თამაშით აღგვაფრთოვანა - ხვიჩა კვარაცხელია.

ქართველი ფეხბურთელის ამბავი სრულიად წარმოუდგენელია. გასული წლის ივლისში ნეაპოლელი გულშემატკივრებისთვის საერთოდ უცნობი თავდამსხმელი "ნაპოლიმ" ბათუმის "დინამოსგან" დაახლოებით 10 მილიონ ევროდ შეიძინა. ქომაგებმა უცბად შენიშნეს, რომ მათ ხელში დაუმუშავებელი ალმასი აღმოჩნდა. საქმე ისაა, რომ კვარაცხელია რამდენიმე თვეში "ნაპოლის" უპირობო ლიდერი გახდა და ქართველის გუნდში მისვლამ ნაყოფი გამოიღო: "ნაპოლი" სერია A-ს ერთპიროვნული ლიდერია და ახლოსაა იმასთან, რომ 30 წელიწადზე მეტი ხნის შემდეგ სკუდეტო მოიპოვოს.

მისი პროგრესი ისეთივე სწრაფია, როგორც სატრანსფერო ღირებულება. Transfermarkt-ის მიხედვით, ახალგაზრდა ქართველი ვარსკვლავის ფასი ამ პერიოდში უკვე 60 მილიონს შეადგენს. გასაკვირი არაა, რომ მან ბევრი დიდი კლუბის ხელმძღვანელების ინტერესი გამოიწვია და ანჩელოტი ერთ-ერთი იმათგანია, ვინც ტალანტმა მოხიბლა.
"ნაპოლი" ამ მომენტში მოლაპარაკებების წარმოებაზე უარს აცხადებს

კვარაცხელიამ ანჩელოტი იმდენად მოხიბლა, რომ "რეალის" პრეზიდენტ ფლორენტინო პერესს ტრანსფერის განხორციელება სთხოვა - თუ მომავალ სეზონში მის გუნდში მუშაობას გააგრძელებს. ეს ადვილი არ იქნება, რამეთუ ბოლო კვირებში ქართველით ასევე სხვა დიდი კლუბებიც დაინტერესდნენ.

ისე ჩანს, როგორც "ბლანკოსისთვის", ასევე სხვა კლუბებისთვის, რომლებიც "ნაპოლის" პრეზიდენტ აურელიო დე ლაურენტისის კარს მიუკაკუნებენ, მიზნის მიღწევა მთლად ასე ადვილი არ იქნება. "ტუტოსპორტის" მტკიცებით, ნეაპოლელები თავიანთ ვარსკვლავთან ჩამოყვანიდან სულ რაღაც  ერთი წლის შემდეგ განშორებას არ აპირებენ და ზაფხულში მოლაპარაკებაზე უარს განაცხადებენ.

თუმცა გადამწყვეტი შეიძლება თავად კვარაცხელიას სურვილი აღმოჩნდეს, რომელსაც თუ "რეალის",  "ბარსელონას" ან სხვა კლუბების შეთავაზებები აცდუნებენ, არაა გამორიცხული, ტრანსფერი თავად მოითხოვოს. კვარაცხელია არასოდეს არ მალავდა "რეალის" მიმართ ინტერესს და აღფრთოვანებას ხშირად გამოხატავდა. ბოლოს კატარის მსოფლიო ჩემპიონატის მერე თქვა, რომ ბავშვობაში "რეალის" გულშემატკივარი იყო. ეს ფლორენტინო პერესმა და კლუბის ხელმძღვანელებმა იციან და შეიძლება სათავისოდ გამოიყენონ, რათა საბოლოოდ "სამეფო გუნდის" თეთრი მაისური ჩააცვან".

მკითხველის კომენტარები / 21 /
უმაგრესი ამბავია როცა შენს ფეხბურთელზე მთელი ევროპა ლაპარაკობს და ტოპ გუნდები და მწვრთნელები რიგში ჩადგნენ ! და ეს არაა ჭორი და ყვითელი პრესის ბოდვა ! ყოველ დღე ვკითხილობ ევროპის დიდ გაზეთებს (მადლობა ინტერნეტს) და ამაზე მაგარ რამეებსაც წერენ !
zura222
09 თებერვალი 2023 16:22
1
ყველაზე წარმატებული ქართველი ფეხბურთელი
1.2.3.4.5.6.
09 თებერვალი 2023 13:20
2
რომელიმე ქართველი ფეხბურთელის სანახავად მიდიოდა საზღვარგარეთ ამდენი ქართველი გულშემატკივარი?
დისლაიკის დამწერს!
09 თებერვალი 2023 14:24
0
Tu es martalia albat vinisius gakidian inglishi da kvara mas chaanacvlebs,me mase vfiqrob torem ert flangze orive rogor itamashebs? tan reali did fuls miigebs brazilielshi da napolisac gadauxdis rasac daufaseben kvarashi...
Givi
08 თებერვალი 2023 21:37
1
მოდი ხვიჩა გელით..KK7 მსოფლიოს საუკეთესო კლუბს შენ სჭირდები!!!
ოცნების ქალაქიდან
09 თებერვალი 2023 08:11
8
ერთი სეზონი კიდევ უნდა დარჩრს ჩემი აზრით, მერე კი უნდა წავიდეს, ბევრი ფაქტორია მანდ, ასეთი იგროკი 2 მილიონიანო ხელფასით არ ირბენს,თან ფეხბურთელის კარიერა მოკლეა, თუ ასე გაგრძელა კვარამ, სულ მცირე 15 მილიონი უნდა ქონდეს ხელფასი
გოგა
09 თებერვალი 2023 20:16
0
გამარჯობათ. მაინტერესებს თქვენი აზრი. თუ ნაპოლიმ ყველაფერი მოიგო. ლიგა და სერია ა. ნაპოლიში კიდე უნდა დარჩეს კვარა? ჩემი აზრით თუ გაიმარჯვეს ყველგან, კვარა რომ დარჩეს , მეშინია არ მოუკლოს. თუ ყველაფერი არ მოიგო ნაპოლიმ. მაშინ უნდა დარჩეს
Beqa
08 თებერვალი 2023 23:58
10
კვარა დარჩეს თუ არ დარჩეს მაგას წყვეტს კლუბი, რომელთანაც ხვიჩას კონტრაქტი აკავშირებს.. ასე რომ ფეხბურთელს მაგას არავინ ეკითხება სანამ კონტრაქტი არ ამოეწურება, და ზოგადად გამორიცხულია ერთ წელიწადში ნაპოლიმ კვარა გაყიდოს
papai
09 თებერვალი 2023 10:58
0
მინიმუმ ორი წელი მაღალ დონეზეა თამაში საჭირო რომ ტოპ კლუბებმა დიდი ფული გადაიხადონ.ასე რომ წელს არ გაყიდიან.აი ოსიმენს კი აუცილებლად გაყიდიან.ამიტომ მომავალ სეზონში ხვიჩას მოუწევს ნაპოლში ლიდერობის თავზე აღება და მაშინ გამოჩნდება არის თუ არა უმღლეს დონეზე მზათ.
ამაშია საქმე
09 თებერვალი 2023 21:30
0
გააკეთეთ კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

ასევე დაგაინტერესებთ
სიახლეები პოპულარული