იტალიის ჩემპიონატის 25-ე ტურს ხვიჩა კვარაცხელიას "ნაპოლი" გახსნის, რომელიც "დიეგო მარადონაზე" "ლაციოს" უმასპინძლებს - დღეს, 3 მარტს, თბილისის დროით 23:45 საათზე.![Sportall.Ge](/pictures/artimages/original/960bf9beb8f3338f5ae72e1e95e7fc7c.jpg ""ლაციოს" ხვიჩას შეჩერება კვლავ გაუჭირდება - ჩემპიონობაზე ფიქრი კონცენტრაციის დაკარგვის გარეშე!..")
ლუჩანო სპალეტის გუნდს შეუძლია, მინიმუმ, "ინტერის" მატჩამდე 21-ქულიანი ჰანდიკაპი შეიქმნას. ჩემპიონატი 38 ტურს გრძელდება და წინასწარი დასკვნები საჭირო არაა, თუმცა ნეაპოლელები ზეიმისთვის რომ ემზადებოდნენ, ამის ყველანაირი საფუძველი და უფლება აქვთ. მთავარია, ამან მოთამაშების კონცენტრაციაზე არ იმოქმედოს.
![Sportall.Ge](/pictures/artimages/original/7e531377c20f3b27b3dbbb003d70ee87.jpg ""ლაციოს" ხვიჩას შეჩერება კვლავ გაუჭირდება - ჩემპიონობაზე ფიქრი კონცენტრაციის დაკარგვის გარეშე!..")
ამ გუნდებს შორის პირველი წრის მატჩში ხვიჩა კვარაცხელია ზამბო ანგისას პასს გამოეხმაურა და მშვენიერი გამარჯვების (2:1) გოლი გაიტანა. რომაელებს მისი შეჩერება კვლავ გაუჭირდებათ.
"ნაპოლი" შესანიშნავ ფორმაშია. მიმდინარე წელს "ინტერთან" მარცხი და "კრემონეზესთან" თასიდან გამოვარდნა რომ არა, გუნდი უბრალოდ შეუჩერებელია. "ლაციო" მაინც არასტაბილურია, თუმცა ჩემპიონთა ლიგაზე გასასვლელად აქტიურად იბრძვის. ამჟამად თანაქალაქელ "რომას" ერთი ქულით აღემატება.
სპალეტის გუნდს წინა ტურში გაძევებული მარიო რუი დააკლდება, რომელსაც ორმატჩიანი დისკვალიფიკაცია აქვს და მატიას ოლივერაზე ბევრი რამ იქნება დამოკიდებული. ვარაუდობენ, რომ ლუჩანო სასტარტოში თამაშის საშუალებას ელიფ ელმასსა (ზელინსკის ნაცვლად) და მატეო პოლიტანოს (ლოსანოს ნაცვლად) მისცემს.
![Sportall.Ge](/pictures/artimages/original/eb04702cae2609be8046e92c0de29280.jpg ""ლაციოს" ხვიჩას შეჩერება კვლავ გაუჭირდება - ჩემპიონობაზე ფიქრი კონცენტრაციის დაკარგვის გარეშე!..")
ევროპის ტოპ-5 ჩემპიონატის გასული თვის სიმბოლურ ნაკრებში (Sofascore-ის თანახმად), კვარაცხელიასთან ერთად, ცენტრალური მცველი ამირ რაჰმანიც მოხვდა. ვიქტორ ოსიმენი 19 გოლით რომაელებისათვის ძალიან საშიში კაცია - ნიგერიელმა ბოლო 7 მატჩში 8 გოლი გაიტანა.
შეხვედრას 38 წლის ლუკა პაირეტი განსჯის, რომელიც 8 ნოემბერს "ნაპოლი"-"ემპოლის" (2:0) მთავარი არბიტრი იყო, სადაც მასპინძლებიდან მხოლოდ ოსტეგორი, სტუმრებიდან კი 5 ფეხბურთელი გააფრთხილა და 1 გააძევა.
![alt](/pictures/image50/e8ac2cbc862fdee59b5182b491975ae0.png ""ლაციოს" ხვიჩას შეჩერება კვლავ გაუჭირდება - ჩემპიონობაზე ფიქრი კონცენტრაციის დაკარგვის გარეშე!..")
"ნაპოლის" სპორტულ დირექტორს შევხვდი და ასეთი რაღაც მთხოვა..." - მამუკა ჯუღელის ინტერვიუ
![alt](/pictures/image50/90df50553d3c17919c3d5d76744fca6a.jpg ""ლაციოს" ხვიჩას შეჩერება კვლავ გაუჭირდება - ჩემპიონობაზე ფიქრი კონცენტრაციის დაკარგვის გარეშე!..")
სლუცკი: ხვიჩა მილიონთა კერპია - "ნაპოლიში" "რუბინიდან" წავიდა და არა ბათუმის "დინამოდან"
!["ყველა თავს რატომ მესხმის? იცოდეთ, ჩანაწერს გამოვაქვეყნებ!" - ოსიმენი წყობიდან გამოვიდა [VIDEO]](/pictures/image7/2c1ecfc5eee039d7215075834d656030.png "\"ყველა თავს რატომ მესხმის? იცოდეთ, ჩანაწერს გამოვაქვეყნებ!\" - ოსიმენი წყობიდან გამოვიდა [VIDEO]")
