როდესაც "ვალენსიას" მსაჯიც არ სწყალობს - მამარდაშვილის გუნდის მდგომარეობა კიდევ უფრო დამძიმდა [VIDEO]

AutoSharing Option
AUTO PLAY
ლა ლიგის 29-ე ტურში „ვალენსია“ საკუთარ მოედანზე „სევილიასთან“ 0:2 დამარცხდა.

პირველ ტაიმში მაღალი ტემპი იყო. შეხვედრა ორმხრივი შეტევებით მიმდინარეობდა, შეცდომებით, თითქმის მომენტების გარეშე. ერთადერთი შანსი სტუმრებს ჰქონდათ, როდესაც ოკამპოსი მამარდაშვილთან პირისპირ გავიდა და მეკარემ გოლი არ გაატანინა.

შესვენების შემდეგ საჯარიმოში ჩაწოდებული ბურთისას არეულობაში ბადემ ანდალუსიელები დააწინაურა, თუმცა ისე მოჩანდა, მან იქამდე მუსა წააქცია. მე-60 წუთზე ბურთი საკუთარ საჯარიმოში „სევილიას“ ნახევარმცველ ფერნანდოს მოხვდა, მსაჯმა კი ვიდეოგამეორების ნახვის შემდეგ პენალტის დანიშვნა საჭიროდ არ მიიჩნია. მერე სტუმრებმა მეორეჯერ დაარტყეს კარში და მეორე გოლი
გაიტანეს. 82-ე წუთზე საჯარიმოში ბურთზე მარკაოსთან ბრძოლაში მარკოს ანდრე წაიქცა, არბიტრი ისევ წავიდა მონიტორთან მომენტის გადასამოწმებლად და დმიტროვიჩის კარში თერთმეტმეტრიანი ისევ არ დანიშნა. ამჯერად ობიექტურად. ცოტა ხანში მეორე ყვითელი ბარათი მიიღო „ღამურების“ ნახევარმცველმა მორიბამ და ყველაფერი დასრულდა.

„ვალენსია“ 27 ქულით მე-18 ადგილზეა და 23 აპრილს გასვლაზე „ელჩეს“ დაუპირისპირდება.

ვალენსია. „მესტალია“. 39 654 მაყურებელი
ვალენსია - სევილია 0:2
გოლები: 0:1 ბადე (55), 0:2 სუსო (75)
გაძევება: მორიბა (84)

მკითხველის კომენტარები / 10 /
ამ თამაშის ყურებისას,ორი ანდაზასავით გამოთქმა მახსენდებოდა.1)ქალებს რას გაუგებ და 2)ამისთანა უვარგისს,წიხლი უნდა დააზილო და გასრისო!პირველის პერიფრაზი, ესპანელი მსაჯების დასახასიათებელია და მეორე;-მსაჯის მოქმედება,ვალენსიას მიმართ.თითქოს თავისი უბედურება არ ჰკმარათო და მართლაც წიხლი დააზილა,გუნდს.ისე ჩანს,მსაჯებს ყველაფერი გასდით და არც არაფრის ეშინიათ.ვალენსია კი მართლაც სანაგვედ გადაიქცა და ძალიან მეშინია,მამარდამ ფსიქოლოგიური ტრავმა არ მიიღოს,მაგ დაცვის გადამკიდემ.იმდენი გაუმართლებელი ტრანსფერი გააკეთეს და იმდენი მწვრთნელი გამოცვალეს რომ,ცხადია,ფწხბურთელების და მწვრთნელების კი არა,ხელმძღვანელობის შეცვლაა საჭირო.
სოსო
21:24 17-04-2023
0
სულ ვამბობდი და ვიტყვი რომ ესპანელი მსაჯები არიან ბანძები, მორჩა და გათავდა.
გეგი
15:18 17-04-2023
1

ასევე დაგაინტერესებთ
სიახლეები პოპულარული