საფრანგეთის ლიგა 2-ის 32-ე ტურში „მეცმა“ გასვლაზე „სენტ-ეტიენი“ 3:1 დაამარცხა.სტუმართა გუნდის თავდამსხმელი გიორგი მიქაუტაძე ისევ ჩინებულად გაისარჯა და ზედიზედ მეორე მატჩში დუბლი შეასრულა. მიქაუტაძე 19 გატანილი გოლით ლიგის საუკეთესო ბომბარდირია და ამას გარდა, მის ანგარიშზე 7 საგოლე გადაცემაა.
„მეცი“ მე-10 წუთზე გიორგი მიქაუტაძემ დაააწინაურა, მე-12 წუთზე მეორე გოლი კოფი კუაომ გაიტანა, 26-ე წუთზე კი ქართველმა პენალტი ზუსტად შეასრულა. შემდეგ ტრიბუნებზე არეულობის გამო შეხვედრა რამდენიმე წუთით შეჩერდა. 37-ე წუთზე მეკარის შეცდომით მასპინძელთა მცველმა ნკუნკუმ ისარგებლა და
ანგარიში შეამცირა. მეორე ტაიმში მასპინძლები უპირატესობას ფლობდნენ, თუმცა უფრო სახიფათოდ სტუმრები უტევდნენ. მე-80 წუთზე მსაჯმა უხეშობისთვის პირდაპირი წითელი ბარათით „მეცის“ ნახევარმცველი კამარა გააძევა და მწვრთნელმა ბოლონიმ გიორგი შეცვალა.
სენტ-ეტიენი. „ჟოფრუა გიშარი“
სენტ-ეტიენი - მეცი 1:3
გოლები: 0:1 მიქაუტაძე (10), 0:2 კუაო (12), 0:3 მიქაუტაძე (26, პენ), 1:3 ნკუნკუ (37)
გაძევება: კამარა (80)
![alt](/pictures/image50/2e4bcf1de8bb9a561ce88f5ab21b5a0b.jpg "მიქაუტაძემ ზედიზედ მეორე მატჩში შეასრულა დუბლი - "მეცმა" მნიშვნელოვანი გამარჯვება მოიპოვა [VIDEO]")
მიქაუტაძემ 26 წუთში დუბლი შეასრულა - მატჩი შეწყდა [VIDEO]![alt](/pictures/image50/71ed8b6785254b49c0096a91adab1608.jpg "მიქაუტაძემ ზედიზედ მეორე მატჩში შეასრულა დუბლი - "მეცმა" მნიშვნელოვანი გამარჯვება მოიპოვა [VIDEO]")
მიქაუტაძე ლიგა 2-ის მარტის საუკეთესო ფეხბურთელად აღიარეს
![მიქაუტაძე: ჩეხეთში მოსაგებად უნდა წავიდეთ [VIDEO]](/pictures/image7/30b858b07fe112c8d0ba97d45658f578.jpeg "მიქაუტაძე: ჩეხეთში მოსაგებად უნდა წავიდეთ [VIDEO]")
